¹ Ahanu cware, vakwetu, mutu raperere, ye ezywi lyambe lihwere oku rumbiwa, shina vuti kwina kwenu. ² Murapere ye tuzyakwirwe kumuvi no kuvantu vezivi, shinaho kwina ye kali vonshe vakwesi ntumero. ³ Kono Nyambe asepahara, ozyo shaka amizyaake mi no kumi vavarera ku muvi. ^{4 5} Turukuruhite ko Nfumu koamana nenwe, ye mwenshe mutenda mi mbomuzwire havuso kutendazo ni twalayera. Onfumu asundize myozyo yenu kwi lato lya Nyambe ne myozyo mire okulindira Kereste. ⁶ Hanu tumirayera ye, vakwetu, mwi zina lyo Nfumu Jeso Kereste, ye mureke enshe omukwenu alihalira vulyo nokushaya kecizo eco ni mwahewa kwetu. ⁷ Enwe mweveni muzyi njiswanero oku tuyezekeza. Kali nitwahara mukati kenu mbwe mbava vaazya ekute. ⁸ Mi kali nitwalya ecilyo comuntu nikwaazya kulifa. Kono, katutenda amasiku na kamwi mu mavote makavavu namu kukangwa, kupangira ye twashaviki ovuremu ku wenu. ⁹ Ni twa tenda vulyaho kali keva lyo kuta ye twaazya murawo. kono, eci katu citenda okutaye ive mutara kwenu, okutiye mutu yezekeze. ¹⁰ Aho katwina nenwe, nitwa mirayera ye, ''Heva zyumwi kashaki kutenda, kaswanezi okulyo.'' ¹¹ Tushuwa ye mukati kenu vamwi kavaendi kenswanero. Kavatendi kono vakavira ntava kali zavo. ¹² Avo cware hanu tuva layera noku vayereza ko Nfumu Jeso Kereste, ye vaswanezi okutenda ni va tontwere no kulya zavo veni. ¹³ Kono enwe, vakwangu, mwashareki myozyo yenu mukutenda zirotu. ¹⁴ Heva zyumwi nasha kuteki ezywi mweli ñoro, mumuremuhe mi kasashangani neye, okupangira ye aswave. ¹⁵ Mwasha muhindi ye ncira cenu, kono mu mukalimere ko vukwenu. ¹⁶ Onfumu ete mwini amihe mpore kensiku zonshe nomwi njira zonshe. Nfumu ave nenwe mwenshe. ¹⁷ Ezi nze tumeriso zangu, Paulusi, keyanja angu nde mwini, ncecisupo mwi ñoro yonshe. Mbovulyaho ndiñora. ¹⁸ Ecishemo co Nfumu Jeso Kereste cive nenwe mwenshe.