¹ Kupi oku ghayenda muhakwa ghoye, oyu ghakara eshi ye ne muwa kupiterera hambuyama wahe? Kupi oku ghapirukera, podiyo eshi tumushane pofotji noye? ² Muhakwa wange ne ghayenda kunyamo, kughudidi ghomunde mwene, mukaruwana munyamo nokaghongawedha mitemo. ³ Ame ne yame mukakwa wendi no aye ne wange ghopamutjima; aye ne ghana kuruwana mumutemo noyishamberera. ⁴ Owe ne ghomuwa yira Tirzah, muhakwa wange ghodirura, ruhakitho yira Jerusalem noghuwa yira mashurundate nomarembe ghagho. ⁵ Pirukere kwako nako, yoyishi meho ghoye ne ghani kona. Huki dhoye ne yira mutanga ghonombo dhina kughurumuka pakaghurumuko kaGilead. ⁶ Mayegho ghoye ne yira mutanga ghondjwi dhina kushwagha mumayoghero ghadho. Kehe yu ghadi notundjwi ghana tuwadi nombadiko ghodicimbe. ⁷ Matama ghoye ne yira dikehe dyokukihuruka munyima dhotuku ghoye. ⁸ Hahere-kadhi makumi kwoko nodyofotji nohambuyama hopa mbadi ne makumi kwoko-hatu noha mbuyama awa hapira kukndama kwawa tutughuru hashawingi. ⁹ Dikutji dyange, ghokuhungama, aye ne pithendi ti, aye ne pithendi panyina. Hambuyama hamweya ne hamumona noha mutoya eshi fiyaghudhi; hahere kadhi noha mbuyama hopa mbadi ne nagho hamukugha. ¹⁰ Yidye yu ghana kumoneka yira mavero ghodiyuwa, shaghuwa yira kaghonda, kutwedhima yira diyuwa nokumoneka ghuwawa yira hashurundate nomarembe ghagho? ¹¹ Naghurumukire muthinyamo thondongo mukumona yimenwa yoyimbiru mumuronga, mukumona eshi yitondo yombuyo ne yema, nomunde ghokumutemo ne moghudi ndi. ¹² Kughutho ghkuyidimuka, mudhimu wange wani tendire kemo, nakumonine muditemba dyawanu hohanongo. ¹³ Piruke, piruke we Shulammite! Piruke nopiruke podiyo eshi tukumone! Pashanye muna kunungurukera haka Shulammite, yira pathikina thoMahanaim?