¹ Dimbo dyomembo ghaSalomon. ² Yi, podiyo eshi ghani ncumite nomancumitero ghokanwa kendi, yoyishi ruhakitho roye ne rwapiterera vinyu. ³ maghadhi ghoye ne ghakara nothiwe mwene; nodina dyoye ne yira yikupombera yothiwe mwene podiyo eshi hakauhake hambuyama ghana. ⁴ Nishimbe name nombona tambukerera. Fumu ne ghani reta mungonda dhendi notuna kushamberera; mutukughe ruhakitho roye yoyishi aro ne rwapiterera vinyu. Ghuhunga hakuhakera. ⁵ Ame ne nomwiru ene nakara noruhakitho owe mwana Jerusalem ghombuyama, wiru yira tende waKedar, noyira makehe ghaSalomon. ⁶ Wani nunguruka pamurandu eshi nomwiru nopamurandu dyani tumeka diyuwa. Hakurwange ne hani dhimbire nohani tendire nokare nomukungi ghothinyamo ene thikwinino thange mbadi nathipakere thinga. ⁷ Nitongwere owe nahaka eshi kupi wakungere muraka ghoye? Kupi waturumutheranga muraka ghoye pamitaha? Pashanye shoni monekere yira oyu wakupakerera mumuraka nendi? ⁸ Ngeshi mbadi ghuna dimuka, wahe hambuyama hohawa ne kukutha muro ghomutanga wange, nowe keho kungere kuyimuna yoye kukakurwera kamudithi. ⁹ Nakurikanyitha muhakwa wange noditemba dyotukambe twaPharaoh. ¹⁰ Ditama dyoye ne diwa noyiyengitha, thingo thoye ne nomenge ghongorondo. ¹¹ Mbotuna kutendera yikuyengitha yosiliveri. ¹² Apa ghana kukara fumu kutishi, thiwe thomunde wange ghuna kumuhupukera. ¹³ Muhakwa wange ne yira ndjato dhomunde ghothiwe mwene, edhi dhina kurara pakatji komere ghange. ¹⁴ Muhakwa wange ne yira mute ghomutemo ghothitondo thoHenna muthikwinino thaEn Gedi. ¹⁵ Tegherere, owe ne ghumuwa muhakwa wange; nomone; ghomuwa nomeho ghoye ne yira ghodikutji. ¹⁶ Mone edi ghuna kumoneka thiwana muhakwa wange; ngepi kughuwa! Mararo ghetu ghana kumone thina mahako. ¹⁷ Mitambo dhomayugho ghetu ne dhoyiitondo Cedars nonyangata ne dhoyitondo yoFirs.