2 ¹ Kòmela anzelu ya Eklezya ya Efeze ’tè oyo asimbi minzoto sambo na loboko na ye ya mobali, oyo azali kotambola na katikati ya bitemiseli ya mwinda sambo ya wolo, alobi boyea: ² «Nayebi misala na yo, mosala makasi na yo, pe molende na yo; pe nayebi ’tè okoki kondima bato ya mabe té. Omekaki baoyo balobaka bango moko ’tè bazali bantoma nzokande bazali bantoma té, pe ozwi bango bato ya lokutab. ³ Ozalaki na molende, pe omonaki pasi po na kombo na ngai; kasi olembaki té. ⁴ Kasi mabe moko nazwi yo na yango ezali ’tè osi’otiki bolingo na yo ya libosoc. ⁵ Kanisa nanu uta esika nini okwei; bongola motema pe sala misala na yo ya liboso. Soki té, nazali koyeela yo, pe nakolongola etemiseli ya mwinda na yo na esika na yango, soki obongoli motema té. ⁶ Kasi ozali na malamu oyo: oyinaka misala ya bato ya Nikola, misala oyo ngai pe nayinaka. ⁷ Moto oyo azali na matoi, áyoka oyo Molimo alobi na ba-Eklezya. Molongi, nakopesa ye nzela ya kolia mbuma ya nzete ya bomoi oyo ezali na paradizo ya Nzambed.» ⁸ Kòmela anzelu ya Eklezya ya Smirna ’tè moto ya liboso pe moto ya suka, oyo akufaki pe azongi na bomoi alobi boyee: ⁹ «Nayebi monyoko pe bobola na yo −nzokande ozali moto ya bomengo−, ná kotsiola ya baoyo balobaka bango moko ’tè bazali Bayuda, nzokande bazali Bayuda té, kasi sinagoga ya Satanaf. ¹⁰ Ózala na bobangi moko té ya bapasi oyo okomona. Tala, zabolo akobwaka bamosusu na kati na bino na boloko, po bómekama; pe bokozwa monyoko mikolo zomig. Zala sembo tii na liwa, pe nakopesa yo motole ya bomoi. ¹¹ Moto oyo azali na matoi, áyoka oyo Molimo ayebisi ba-Eklezya. Molongi akozwa etumbu ya liwa ya mibale té.» ¹² Kòmela anzelu ya Eklezya ya Pergamos ’tè moto oyo azali na mopanga ya minoi mibale alobi boye: ¹³ «Nayebi esika ofandaka: epai ngwende ya Satana ezali. Kasi okangami na kombo na ngai pe owangani bondimi na ngai té, ata na mikolo ya Antipas, motatoli na ngai ya sembo oyo abomamaki epai na bino, epai Satana afandi. ¹⁴ Kasi likambo moko nazwi yo na yango ezali ’tè ozali kuna na bato bakangamaka na mateya ya Balaam, oyo azalaká kolakisa Balak átiela bana ya Israel motambo ya kolia nyama babonzeli bikeko, pe kosala kindumbaj. ¹⁵ Lisusu, ozali pe na bato mosusu bakangamaka, ndenge moko, na mateya ya bato ya Nikola. ¹⁶ Na boye, bongola motema. Soki té, nazali koyeela yo noki, pe nakobundisa bango na mopanga ya monoko na ngai. ¹⁷ Moto oyo azali na matoi, áyoka oyo Molimo alobi na ba-Eklezya. Molongi, nakopesa ye mána ebombamá; nakopesa ye libanga moko ya pembe, pe likolo ya libanga yango, kombo moko ya sikak ekòmamá, oyo moto moko té ayebi, longola se moto oyo akozwa yango.» ¹⁸ Kòmela anzelu ya Eklezya ya Tiatire ’tè Mwana ya Nzambe, oyo miso na ye ezali lokola kopela ya lolemo ya móto pe makolo na ye lokola motako ya motuya alobi boyel: ¹⁹ «Nayebi misala na yom, bolingo na yo, bondimi na yo, lisalisi na yo pe molende na yo; misala na yo ya suka eleki oyo ya liboso. ²⁰ Kasi mabe moko nazwi yo na yango ezali ’tè ozali kondima Jezabel, mwasi oyo alobaka ye moko ’tè azali profete pe ateyakan; azali kokosa basali na ngai básala kindumba pe bália nyama babonzeli bikeko. ²¹ Natikelaki ye tango po ábongola motema; kasi alingi kobongwana na kindumba na ye té. ²² Tala, nazali kobwaka ye na mbeto, ná baoyo bazali kosala ná ye ekobo, na kati ya monyoko monene, soki babongwani na misala na ye téo. ²³ Nakoboma bana na ye, pe ba-Eklezya nyonso ekoyeba ’tè ngai nayebi makanisi pe mitema ya bato; pe nakofuta moko moko na bino engebene na misala na yep. ²⁴ Nazali koloba na bino mosusu oyo bozali na Tiatire, bino nyonso oyo bondimi mateya wana té, pe boyebi "bozindo ya Satana" té −ndenge balobaka−: nakomemisa bino mokumba mosusu té; ²⁵ kaka oyo bozali na yango. Bósimba yango tii tango nakoyaq. ²⁶ Molongi, moto oyo akotosa misala na ngai tii na suka, nakopesa ye bokonzi likolo ya bikolor. ²⁷ Pe akokamba yango na lingenda ya ebende −ndenge babukaka bilokú ya mabelés−, ²⁸ ndenge ngai moko pe nazwaki bokonzi epai ya Tata na ngai; pe nakopesa ye monzoto ya tongot. ²⁹ Moto oyo azali na matoi, áyoka oyo Molimo alobi na ba-Eklezyau.»