18 ¹ Nsima ya makambo yango namonaki anzelu mosusu alongwi na likolo ajali kokita na bokonzi monene mpe mabele eninganaki na nkembo na ye. ² Engangaki na mongongo ya nsomo ete akiti na Babilone monene akwei mpe ekomi esika ya kofanda ya milimo mabe mpe mipepe nyoso ya mbindo mpe esika ya kobombana ya bandeke nyoso ya milimo mabe mpe nyoso eyinami. ³ Bikolo nyoso ezwami na vinyo ya nkanda ya ekobo ya ye. Mpe bakonzi ya mabele basali ekobo mpe bato ya mombongo na mabele oyo basalaka mibembo bakomaki bazwi mpo na nguya ya ebele ya biloko ya ye ya kitoko oyo ajali koyokela nsoni te. ⁴ Nayokaki mongongo mosusu elongwi likolo elobi bobima kati na ye. Bino batu na ngai mpo bomema masumu na ye te mpe bozwa etumbu te esika moko na ye. ⁵ Mpo ete masumu ma ye masili kokoma likolo mpe Nzambe amoni misala na ye ya mabe. Bojongisela ye mabe nyoso oyo asalaki bino, makambo nyoso ye asalelaki. ⁶ Bojongisela ye mbala mibale.Amelisaki bino kopo ya vinyo ya bololo, botondisela ye yango mbala mibale. ⁷ Ndenge emikumisaki pe esalaki lipombo, ndenge moko pe bóyokisa yango pasi pe mawa; po ezalaki koloba na motema na yango: Nafandi lokola mama-mokonzi, nakufelá mobali té pe nakozala na matanga ata moke tée. ⁸ Yango wana, na mokolo moko, bapasi na yango, bokono, matanga pe nzala monene ekoya, pe ekozikisama na móto, po Mokonzi Nzambe oyo akateli yango etumbu azali makasi. ⁹ Bakonzi ya mokili oyo basalaki kindumba pe lipombo ná yango bakolela pe bakoyoka mawa po na yango, tango bakotala milinga ya kozikisama na yango. ¹⁰ Bakotelema mosika po na bobangi ya pasi na yango, bakozala koloba: Mawa, Mawa na Babilone, engumba monene, engumba makasi! Po na ngonga moko pamba, etumbu na yo eyei!. ¹¹ Pe bato ya mombongo ya mokili bazali kolela pe kosala matanga po na yango, po moto moko té asombaka lisusu biloko na bango: ¹² biloko ya wolo, ya palata, ya mabanga ya talo, ya mayaka, ya bilamba ya petepete, ya bilamba ya motane ya ngola, ya bilamba ya swa, ya bilamba ya motane ngwaa; nzete nyonso ya malasi, biloko nyonso esalamá na pembe ya nzoku, biloko nyonso esalamá na mabaya ya talo, na motako, na bibende, pe na marbreh; ¹³ kinamonon, amomon, malasi, mire, mpaka ya malasi, vinu, mafuta, farine, blé, banyama ememaka mikumba, bampate, bampunda, makalo, nzoto pe milimo ya batoi. ¹⁴ Mbuma oyo motema na yo eyokaki posa na yango, elongwe epai na yo; nyonso ya kitoko pe ya kongenga ebungi po na yo; pe ekoki komonana lisusu ata mokolo moko té. ¹⁵ Bato ya mombongo ya biloko oyo bakómaki na bomengo po na yango bakotelema mosika po na bobangi ya pasi na yango. Bakozala kolela pe kosala matanga, ¹⁶ bakoloba: Mawa, Mawa na engumba monene, elati elamba ya petepete, ya motane ya ngola, ya motane ngwaa, etie wolo, mabanga ya talo pe mayaka, ¹⁷ po na ngonga moko pamba, bomengo nyonso ebebisami! Bakapitene nyonso ya masuwa, baoyo nyonso balúkalukaka wana, bato ya masuwa, pe baoyo nyonso basalaka misala ya mbu, batelemi mosika; ¹⁸ bazalaki koganga awa bazalaki kotala milinga ya kozikisama na yango, bazalaki koloba: «Nini ekokani na engumba monenej?» ¹⁹ Babwaki putulu na mitú na bango; bagangi na kolela pe na mawa: Mawa! Mawa na engumba monene, oyo bomengo na yango ekómisaki baoyo nyonso bazali na bamasuwa na mbu bato ya bozwi! Kasi na ngonga moko pamba, ebebisami! ²⁰ Likolo, sepela po na yango, bino pe basantu, bantoma, ná baprofete, po Nzambe akateli yango ekateli na bino. ²¹ Bongo anzelu moko ya makasi akamati libanga moko lokola enikelo ya monene pe abwaki yango na mbu, alobi: Babilone, engumba monene, ekobwakama na makasi boye, pe ekoki komonana lisusu té. ²² Lokito ya babetì-nzenze pe ya babetì-miziki, ya babetì-piololo pe ya babetì-kelelo ekoki koyokana epai na yo lisusu té. Moto ya misala ya maboko moko té ya mosala ya maboko songolo akoki kozwama epai na yo lisusu, pe lokito ya libanga monene ya konika mbuma ekoki koyokana epai na yo lisusu té. ²³ Polele ya mwinda ekoki kongenga epai na yo lisusu té, pe mongongo ya mobali abali sika pe ya mwasi abali sika ekoki koyokana epai na yo lisusu té, po bato na yo ya mombongo bazalaki bato minene ya mokili; po bikolo nyonso ekosamaki na bondoki na yo. ²⁴ Makila ya baprofete, ya basantu ezwami epai na ye, ná ya baoyo nyonso bakatamaká kingo na mokili.