16 ¹ Nayoki mongongo moko ya makasi euti na ndako mosantua, ezali koloba na ba-anzelu yango sambo: «Bókende pe bósopa bankeni sambo ya kongala ya Nzambe na mokili.» ² Oyo ya liboso akei kosopa nkeni na ye na mokili; bongo pota ya mabe pe ya pasib ebimeli bato oyo bazalaki na elembo ya Nyama pe baoyo bakumbamelaka elili na yango. ³ Oyo ya mibale asopi nkeni na ye na mbu, pe mbu ekómi makila lokola ya moto oyo akufi; pe nyonso oyo ezalaki na bomoi na kati ya mbu ekufi. ⁴ Oyo ya misato asopi nkeni na ye na bibale pe na maziba ya mai; pe ekómi makilac. ⁵ Nayoki anzelu ya bamai azali koloba: Ozali Sembo, Yo oyo ozali pe ozalaká;d Mosantu. Po okati boye. ⁶ Po basopi makila ya basantu ná ya baprofete; pe omelisi bango makila. Babongi na yangoe. ⁷ Pe nayoki esika ya kobonzela ezali koloba: Ya solo, Mokonzi Nzambe ya nguya nyonso, bikateli na yo ezali ya solo pe ya sembof. ⁸ Oyo ya minei asopi nkeni na ye na moi: pe nzela epesameli ye ya kozikisa bato na móto; ⁹ pe bato baziki na molunge moko ya makasi penza, batuki kombo ya Nzambe oyo azali na bokonzi likolo ya bapasi wana, kasi babongoli mitema té po na kopesa ye lokumu. ¹⁰ Oyo ya mitano asopi nkeni na ye na ngwende ya Nyama. Bokonzi na yango ekómi molilig, pe bato bakómi komiswa lolemo po na pasi. ¹¹ Batuki Nzambe ya likolo po na bapasi pe bapota na bango; kasi batiki misala na bango té. ¹² Oyo ya motoba asopi nkeni na ye na ebale monene Efrate, pe mai na yango ekauki po nzela ya bakonzi bauti epai moi ebimaka ébongisamah. ¹³ Pe namoni milimo misato ya mbindo lokola magorodo ebimi na monoko ya Dragon, na monoko ya Nyama pe na monoko ya profete ya lokuta. ¹⁴ Ya solo, ezali milimo ya bazabolo oyo esalaka bilembo. Yango ekei epai ya bakonzi ya mokili mobimba kosangisa bango po na etumba ya mokolo monene ya Nzambe ya nguya nyonso. ¹⁵ Tala, nakoya lokola moyibi. Esengo na moto oyo akokengela pe akobatela bilamba na ye, po átambola bolumbu té pe ámonisa soni na ye téi. ¹⁶ Basangisi bango na esika oyo ebengamaka na ebré Armagedonj. ¹⁷ Oyo ya sambo asopi nkeni na ye na mopepe pe, uta na ndako mosantu, mongongo moko makasi ebimi na ngwende elobi: «Esili!» ¹⁸ Mikalikali, mingongo ná bakake ebimi, pe koningana moko makasi ya mabelé esalami, na ndenge ’tè banda moto azali na mokili, koningana ya mabelé ya makasi ya boye etikalá kosalama tél! ¹⁹ Engumba monene ebukani na biteni misato pe bingumba ya bapagano ekwei. Nzambe akanisi Babilone monene, po na kopesa yango nkeni ya vinu ya kongala ya kanda na yem. ²⁰ Bisanga nyonso ekimi pe bangomba emonani té. ²¹ Matandala minene lokola batalenta ekiteli bato uta na likolo, pe bato batuki Nzambe po na pasi ya matandala: po pasi yango ezalaki makasi penza.