12 ¹ Elembo moko monene emonani na likolo: Mwasi moko alati moi, sanza na se ya makolo na ye, pe motole ya minzoto zomi na mibale na motú na yea. ² Azali na zemi, pe azali koganga po na pasi pe monyoko ya kobotab. ³ Pe elembo mosusu emonani na likolo: tala, Dragon moko monene ya motane lokola móto, ezali na mitú sambo ná maseke zomi, pe bikoti ya bokonzi sambo na mitú na yangoc. ⁴ Mokila na yango ekomboli eteni moko ya biteni misato ya minzoto ya likolo pe ebwaki yango na mokili. Dragon yango etelemaki liboso ya Mwasi oyo alingi kobota po, tango akobota, élia mwana na yed. ⁵ Bongo aboti mwana-mobali, oyo akokamba bikolo nyonso na lingenda ya ebende. Pe mwana na ye atombwami epai ya Nzambe pe ya ngwende na yee. ⁶ Mwasi akimi na esobe, epai wapi azalaki na esika esi’ebongisamá kuna na Nzambe, po áleisama kuna mikolo nkoto moko na kama mibale na tuku motoba. ⁷ Etumba ebimi na likolo: Mikael pe ba-anzelu na ye babundi ná Dragon; Dragon pe ebundi ná ba-anzelu na yangog, ⁸ kasi elongi té; esika na likolo ezwami lisusu té po na bango. ⁹ Pe Dragon monene yango ebwakami, nyoka ya kala oyo ebengamaka Zabolo pe Satana, mokosi ya mokili mobimba, ebwakami na seh, pe ba-anzelu na ye babwakami elongo na ye. ¹⁰ Nayoki mongongo moko makasi na likolo ezali koloba: Sik’oyo, lobiko pe nguya, bokonzi ya Nzambe na biso, pe bokonzi ya Kristo na ye ekómi; po oyo afundaka bandeko na biso, oyo azalaki kofunda bango butu moi na miso ya Nzambe na biso abwakamii. ¹¹ Bango balongi ye po na makila ya mwana-mpate pe po na liloba ya litatoli na bango: balingaki bomoi na bango té, ata tii na liwaj. ¹² Yango wana bósepela, likolok pe baoyo bofandi na kati na yango! Mawa na se pe na mbu po zabolo akiti epai na bino na kongala moko makasi, awa asi’ayebi ’tè azali na tango moke. ¹³ Tango Dragon emoni ’tè ebwakami na mokili, ekómi kolanda Mwasi oyo abotaki mwana-mobali. ¹⁴ Kasi mapapu mibale ya engondó monene epesameli Mwasi po ápumbwa tii na esobe, na esika na ye, epai wapi akoleisama kuna, po na tango moko, batango pe ndambo ya tango, mosika na nyokal. ¹⁵ Pe nyoka esanzi mai na monoko na yango lokola ebale sima ya Mwasi, po ebale émema yem. ¹⁶ Kasi mabelé esalisi Mwasi: mabelé efungoli monoko na yango pe emelin ebale oyo Dragon esanzaki na monoko na yango. ¹⁷ Dragon esilikeli Mwasi, pe ekei kobundisa bana na ye oyo batikalaki: baoyo batosaka mibeko ya Nzambe pe bazalaka na litatoli ya Yesuo; ¹⁸ pe etelemi na libongop ya mbu.