11 ¹ Mokékélé moko lokola mwa-nzete ya komekela epesameli ngai, pe alobi: «Telema pe meka ndako mosantu ya Nzambe, esika ya kobonzela, pe bato oyo basambelaka na kati na yangoa. ² Kasi po na oyo etali lopango oyo ezali libanda ya ndako mosantu, tika yango, komeka yango té: po esi’epesami na bapagano; pe engumba mosantu ekonyatama sanza tuku minei [na] mibaleb.» ³ Pe nakopesa na batatoli na ngai mibale, balati saki, nzela ya kosakola mikolo nkoto moko na kama mibale na tuku motoba. ⁴ Bango nde banzete mibale ya olive pe bitemiseli mibale ya mwinda mibale oyo ezalaka liboso ya Mokonzi ya mokilic. ⁵ Soki moto alingi kosala bango mabe, móto ekobima na monoko na bango pe ekozikisa banguna na bangod. Soki moto alingi kosala bango mabe, ezali na lolenge wana nde moto yango asengeli kobomama. ⁶ Bazali na bokonzi ya kokanga likolo po ’tè mbula ébeta té na mikolo ya masakoli na bango. Bazali pe na bokonzi likolo ya mai, kobongola yango ékóma makila, pe kopesa mokili bapasi ya ndenge na ndenge, tango nyonso oyo bango balingie. ⁷ Tango bakosilisa litatoli na bango, Nyama oyo emataka uta na libulu ezangá suka ekobundisa bango, ekolonga bango pe ekoboma bangof. ⁸ Bibembe na bango ekozala na esika monene ya engumba monene oyo ebengamaka na lisese Sodome, pe Ejipito, esika Mokonzi na bango pe abakamaki na kuruze. ⁹ Pe bato ya bikolo, ya mabota, ya minoko pe ya bamboka nyonsoh bakotala bibembe na bango mikolo misato na ndambo; pe bakotika té bibembe na bango étiama na lilita. ¹⁰ Bato ya mokili bakosepela po na bango pe bakozala na esengo. Bakopesana makabo, po basakoli wana mibale bayokisaki bato ya mokili pasi mingi. ¹¹ Sima ya mikolo yango misato na ndambo, molimo moko ya bomoi euti na Nzambe ekoteli bango, bongo batelemi na makolo na bangoi. Pe somo monene ekangi bato oyo bazali kotala bango. ¹² Bayoki mongongo makasi euti na likolo ezali koloba na bango: «Bómata awa!» Bamati na likolo, na kati ya lipata, pe banguna na bango bamoni bangoj. ¹³ Kaka na tango wana, koningana moko makasi ya mabelé esalami pe eteni moko ya biteni zomi ya engumba ebukani, pe bato nkoto sambo bakufi na koningana ya mabelé yango. Bato oyo batikali bayoki somo pe bapesi lokumu na Nzambe ya likolo. ¹⁴ Mawa ya mibale eleki; tala, mawa ya misato ezali koya noki. ¹⁵ Anzelu ya sambo abeti kelelo: mingongo moko minene ebimi na likolo, elobi: Bokonzi ya mokili ekómi ya Mokonzi na biso pe ya Mesiya na ye; pe akoyangela po na seko na sekol. ¹⁶ Bampaka tuku mibale na minei oyo bafandi na bangwende na bango liboso ya Nzambe bakwei bilongi na se pe bakumbameli Nzambe, ¹⁷ balobi: Mokonzi Nzambe ya nguya nyonso, yo oyo ozali pe ozalakám, totondi yo po ozwi nguya monene na yo pe ofandisi bokonzi na yo. ¹⁸ Bikolo esilikaki; kasi kanda na yo eyaki, pe elaka ya kosambisama ya bakufi; pe ya kopesa lifuta na basali na yo, baprofete, na basantu pe na bato oyo babangaka kombo na yo, bato mike pe bato minene; pe elaka ya kobebisa bato oyo bazali kobebisa mokilin. ¹⁹ Bongo ndako mosantu ya Nzambe oyo ezali na likolo efungwami, pe sanduku ya boyokani na ye emonani na ndako mosantu na ye. Pe mikalikali, mingongo, bakake, koningana ya mabelé pe matandala mingi ezalakio.