1 ¹ Emoniseli ya Yesu Kristo, oyo Nzambe apesaki ye po na kolakisa basali na ye makambo oyo esengeli koyaa noki. Alakisi yango sima ya kotinda anzelu na ye epai ya mosali na ye Yoane, ² oyo atatolaki nyonso oyo amonaki: liloba ya Nzambe pe litatoli ya Yesu Kristo. ³ Esengo na motangib pe na bato bazali koyoka maloba ya lisakoli, pe bazali kotosa makambo oyo ekòmamá na kati na yango; pamba té elaka ekómi penepene. ⁴ Yoane, na ba-Eklezya sambo oyo ezali na Azia. Bolamu pe boboto euti epai ya Oyo azali, azalaki pe akoya; pe euti epai ya milimo sambo oyo ezali liboso ya ngwende na yec; ⁵ pe euti epai ya Yesu Kristo, motatoli ya sembo, mwana ya liboso abimi na bakufi, pe Nkumu ya bakonzi ya mokili, ézala na bino. Ye alingaka biso pe akangoli biso na masumu na biso na makila na yed; ⁶ pe akómisi biso bokonzi, banganga-Nzambee po na Nzambe pe Tata na ye. Nkembo pe nguya ézala na ye po na seko [na seko]! Amen. ⁷ Tala, azali koya na mapata, pe moto nyonso akomona ye, ata baoyo batobolaki ye, pe bikolo nyonso ya mokili bakoyoka mawa po na ye. Ya solo, bobele bongo!f. ⁸ Mokonzi Nzambe alobi: «Ngai nazali Alfa pe Omegag; oyo azali, azalaká, pe azali koya; Oyo-ya-nguya-nyonso.» Limoni ya Mwana ya moto ⁹ Ngai ndeko na bino Yoane; pe moninga na monyoko, na bokonzi pe na molende na lisanga na Yesu, nazalaki na esanga oyo ebengamaka Patmosh likolo ya Liloba ya Nzambe, pe ya litatoli ya Yesu. ¹⁰ Na mokolo ya Mokonzii, Molimo akiteli ngai pe nayoki sima na ngai mongongo moko ya makasi lokola mongongo ya kelelo, ¹¹ ezali koloba: «Oyo ozali komona, kòma yango na mokanda pe tinda yango na ba-Eklezya sambo: na Efeze, na Smirna, na Pergamos, na Tiatire, na Sarde, na Filadelfia pe na Laodisé. ¹² Nabaluki po na kotala mongongo oyo ezalaki koloba na ngai pe, sima ya kobaluka, namoni bitemiseli ya mwinda sambo ya woloj. ¹³ Na katikati ya bitemiseli ya mwinda yango, moto moko lokola Mwana ya moto; alati elamba molai pe alati mokaba moko ya wolo na tolok. ¹⁴ Motú na ye ná suki na ye ezalaki pembe lokola suki ya mpate ya pembe, lokola mbula pembe; pe miso na ye lokola kopela ya lolemo ya mótol. ¹⁵ Makolo na ye ezalaki lokola motako ya motuya, ndenge epetolamá na móto makasi; pe mongongo na ye ezalaki lokola lokito ya mai monenem. ¹⁶ Na loboko na ye ya mobali asimbi minzoto sambo, pe na monoko na ye, mopanga moko ya mino mibale ezalaki kobima. Elongi na ye ezalaki lokola moi oyo ezali kongenga na makasi na yangon. ¹⁷ Tango namoni ye, nakwei na makolo na ye lokola moto akufi; kasi atieli ngai loboko na ye ya mobali, alobi: «Kobanga té! Ngai nazali moto ya liboso pe moto ya sukao; ¹⁸ moto oyo azali na bomoi: nakufaki, kasi tala, nazali na bomoi po na seko na seko, pe nazali na bafungola ya liwa pe ya mokili ya bakufi. ¹⁹ Bongo, kòma makambo oyo omoni: oyo ya lelo, pe oyo ekoya sima ya oyo. ²⁰ Mobombamo ya minzoto sambop oyo omonaki na loboko na ngai ya mobali, pe bitemiseli ya mwinda sambo ya wolo yango oyo: minzoto sambo ezali ba-anzelu ya ba-Eklezya sambo; pe bitemiseli ya mwinda sambo ezali ba-Eklezya sambo.»