¹ Ndinifuna kukuwuzani kuti Febhi Mulongosi wathu ndimunthu wabwino kwene-kwene, uyo anithandiza paChechi yapaKenkleya. ² Mutambileni mudzina laMpfumu ninga bzvandinifanila kuyitiwa nawanthu waMulungu Wakulungama, ndiye mupaseni thandizo yentse yanifuna kwaimwepo, pakuti iye akhali wabwino pomwe wakundithandiza wanthu pabodzi nainepo. ³ Ndinipeleka moni kuna Pricilla naAkwila, wandiniphata nawo pabasa laKristu Yesu, ⁴ iwo adabzvipila nawumoyo wawo nakufuna kwayine. ndinipeleka kutenda kuna iwo, nee kuti Ine ndekha, koma nampingo wawawale asili wachijudha. ⁵ Ndipeleka moni pomwe kumpingu ile ugumana munyumba mwawo. betsa pomwe kuna Epanetasi wakukondedwa, chipatso chakuyamba kuAzhiya kukhulupilila muna Kristu. ⁶ betsa kwaMaliya, uyo adaphata basa kwene-kwene kwaimwe. ⁷ Bentsa kuna Andronikasi naJuniyasi, abale wangu pabodzi naanyakumangiwa pabodzi nainepo. Anidziwikana kwene-kwene naanyakutumiwa, pomwe adathoma kuwamaKristu inepo ndikanati. ⁸ Bentsa kuna Apiliyatasi mbale wangu wapantima tili pabodzi muna Chawuta. ⁹ Bentsa kuna Ebenasi, mbale wathu mubasa laKristu, naSitichiyasi, wanikonda kwene-kwene. ¹⁰ Bentsa kuna Apelesi, uyo adakhulupilila muna Kristu. Bentsa amwewo wabanja laAlistobalasi. ¹¹ Bentsa pomwe kuna Helodhiyoni bale wachiJudha. bentsa pomwe kuna banja laNilisiyasi amwewo ali mwaMpfumu. ¹² Bentsa kuna Telefaniya naTilifosa, amwewo alikuphata namphambvu mubasa laMpfumu. bentsa pomwe kuna Pelisi wandikonda kwene-kwene, umweyo adasewenza namphambvu mubasa laMpfumu. ¹³ Ndikupeleka bentsa pomwe kuna Lufusi, uyo adasankuliwa munaMpfumu, akhandiphata ninga amayi abodzi nayinepo. ¹⁴ Ndipeleka pomwe bentsa kunaAsikilito, Felegoni, Hemesi, Patilobhasi, Hemasi, naabale wentse waanawo pabodzi. ¹⁵ Bentsa kuna Filogasi naJuliya, Nelesi namulongosi wake, pomwe naOlipasi, nawanthu wakulungama waanawo pabodzi. ¹⁶ Monisanani napswodo yakulungama pomwe mipingu yentse yaKristu yapelekeza bentsa. ¹⁷ Nikukumbilani, abale wangu, chenjelani naawo anipesana nakukanganisa chikhulupililondiye acifundisa bzvidasiyana nabzvamwatambila. lekani kufamba nawo . ¹⁸ Pakuti amwewo alikuchita bzvimwebzvo alikuphatila lini Kristu Mpfumu yathu, koma bzvinikhutisa mimba zawo. Namafala yawo yabwino nayanitapila ampupswa wanthu alibe mulandu. ¹⁹ Nakuyita bzvabwino kwanu ndimuyenzaniso wakumvesesa bzvidafika kuwanthu wentse. Ndimbakondwela, ndinifuna kuti mukhale wakuchenjela pabzvinthu bzvabwino, ndiye mubzvakuyipa mukhale wakupusa. ²⁰ Ndiye Mulungu apo pachokela mutendele wathu, azapwanya Satani ndiye azakhala pantsi panzayo zathu. Koma kukoma mtima kwaMfumu Yesu Kristu kukhale naimwepo. ²¹ Timoti, uyo wandiniseyenza naye apelekeza bentsa lake, kwaimwepo, naLusiyasi, Jayisoni, naSosipata, naabale wachiJudha. ²² Inepo Tayitasi, nyakunemba bhilifi ili ndikukumonisani mwaChawuta. ²³ Gayasi nyakutambila mpingu wentse nainepo munyumba mwake , apelekambo bentsa pomwe. Erastasi nyakucbhasopa tumba laguta namubale wake kwalistasi apelekambo bentsa. ^{24 25} Ngatithukuzeni Mulungu anikuyitisani kuti mukwanise kumila mudalimba muchikulupililo chanu munjila yamafala yabwino yandilalikila padzulu paYesu Kristu, nakufunguliwa kwachadidi chikhali chidabisika kwabzaka bzvinyinji. ²⁶ Tsapano chadidi chimwechi chidawonesewa padecha nanjila yabzvakunembewa yapolofita, ndiye Mulungu anilalama lini nalini adayitisa kuti madzinza yentse yabzvidziwe kuti yakhulupilile nakhutetekela. ²⁷ KwaMulungu iye yekha adachenjela, ngatukuziwe kuchokhela mwaYesu Klistu ndemela isingamale. Amen.