¹ Ndine Paulo kapolo waYesu Kristu adachemelewa kuti akhale muapostoli nakulalikila fala laMulungu. ² Mulungu adalewa kale kuchokela muwapolofita wake kuti anizapeleka mafala yabwino ninga kunembewa kwabzvidayitiwa mumanembo yakuchena. ³ kuthandawuza mwana wachibadwe mumakholo yaDhvheti panyama. ⁴ Kuchokela muzimu wakulungama adagogomeza namphamvu kuti Mwana waMulungu adalamuka kuwakufa Yesu kristu Mambo wathu. ⁵ Mwaiye tinipasiwa ntsisi nawu postola nakumbvesesa muchikhulupililo padziko pentse nakufuna kwadzina lake. ⁶ Padziko lense adatichemela kukhala mwaYesu kristu. ⁷ Kuna awo amuLoma, imwe munifuniwa naMulungu pomwe adakuchemelani kuti muwe wanthu wake. Chifundo kwaife namutendele kuchoka kwaMulungu Apayi naMambo Yesu kristu. ⁸ Chakuyamba nitenda Mulungu wangu kuchokela mwaYesu kristu naimwe mwentse, pakuti chikhulupililo chanu chinichemelewa kuchokela pantsi lentse. ⁹ Mulungu ndichapupu changu pomwe ndine mutumiki wafala lamwana wake. ¹⁰ Ndimbakhala ndichimbakukumbililani kuti ndikhale wakupiyilila nakufuna kwaMulungu pakubwela kwanu. ¹¹ Ndina chifundo kuti ndikuwoneni, kuti ndikupaseni mphaso zamzimu, kuti mulimbisiwe. ¹² bzvimwebzvo ndidatitila kulimbisa imwepo kupitiliza nachikhulupililo chibodzi chanu pomwe nainepo. ¹³ Ndimbafuna lini kusiyana naimwe, abale wangu pakuti ndifuna kubwela kwaimwe koma ndinilambiziwa kufikila palilelo. kuti ndipase bzvibeleko pakati panu, bzvandidabva pakati panu nawanthu wakunja. ¹⁴ Ine ndine ndina chikweleti kuna wanthu wentse, wentse adachenjela nawakupusa. ¹⁵ Nakutenepo ndidakonzekela kulalikila fala labwino pomwe naimwepo muli muLoma. ¹⁶ Ndilibe manyazi namafala yabwino , pakuti mafala yabwino yamweya ndimphambvu yaMulungu kupulumusa wentse anikhulupilila, pakuthoma Ajudha ndikuzateeyela Agriki. ¹⁷ Pakuti mafala yabwino yaniwonesa mwentse mule muniyitila Mulungu kuti wanthu akwanise kulewedwa kuti ndiwakulungama pamaso pake, kuchoka pakukhulupilila kuyenda pakukhulupilila ninga kunembewa kwabzvidachitiwa, ''Munthu wakulungama anikhala nawumoyo kuchokela muchikhulupililo. ¹⁸ Nabzvakuwawa bzvaMulungu bzvidawonewa pakuti wontse wakusaya kuchena nawakusaya kulungama mawanthu kupatikiza nakusaya kulungama pomwe bzvimwebzvi bzvinibwezela mambuyo kungama. ¹⁹ Pakuti ibzvo bzviniwoneka naMulungu bzvinioneka kwawo kuti Mulungu aniwalatiza iwo. ²⁰ Pakuti bzviniwoneka lini bzvake bzviniti mpamvu yakuwanda nabzvizawoneka pakuyamba kulongewa kwadziko bzvidawoneka pabzvinthu bzvidalengewa bzvilibe chakulewa. ²¹ Ibzvi ndibzvo pomwe akhadziwa nabzvaMulungu alibe kumukuza ngati Mulungu kana kupasa ukulu pomwe adakhala wakupusa muganiza kwawo nanzelu zawo namtima yawo idapswipa. ²² Akabzviita wakuchenjela, adazakhla malombe. ²³ Adasandula ndemela yaMulungu wamuyaya, kuchita bzvinthu bzvipesana naMulungu nakufuna bzvifanikiso bzviniwononga munthu, bzvambalami, bzvanyama nabzvinikwawa napantsi. ²⁴ Nakutenepo, Mulungu adapeleka kufuna kwamtima yakusaya kupitilana namathupi yawo, kupswipisiwa pakati pawo. ²⁵ Ndiwo adasandula chikhulupililo chaMulungu nabzvakunama . amwewo anipembedza bzvidalengewa pana kupembedza nyakulengayo, uyo anipembedzewa nakusinga male. Amen. ²⁶ Nakufuna kwabzvimwebzvi, Mulungu adaaleka kuti ayite bzvawo bzvaanikhumba bzvinipasa manyazi. kana naakazi adasiya makhalidwe yakubelekewa nayo yabvzakugonana naamuna, ndikumbateyeza makhalidwe yaalibe kulengewa nayo. ²⁷ Munjila ibodzi-bodziyo amuna adasiya makhalidwe yaadabaliwa nayo yakufuna akazi, ndiye nkumba sililana amuna wokha-wokha. Amuna adayita bzvininyazisa bzvakumbagonana amuna wokha-wokha, ndiye mapeto yacho adabzvibwelesela mulandu uniyendelana nabzvakuyipa bzvawo. ²⁸ Pakuti wanthu adalamba kubhasopa mumitima mwawo chadidi chakudziwa Mulungu, adaasiya achiteyela mifungo yakuyipa yamtima mwawo, kuti ayite bzvinthu bzvapezi-pezi. ²⁹ Adadzadziwa nabzvinthu bzvilibe kulungama, bzvakupswipa, kaso, nakuzonda. Adadzala nantsanje, kupha, kumenyana, kuyipa, nabzvakuyipa bzvakuyitila dala. Pomwe anagunkha, ³⁰ Anigwesela anango pantsi, anizonda Mulungu, anibzvipatula, atukwana, achibzvikuza, achilonga njila zakuyita bzvakuyipa; pomwe anitetekela lini abeleki wawo. ³¹ Iwo ndimalombe, pomwe alibe chikhulupililo, alibe mtima utali kana ntsisi chaizo. ³² Anibvesesa bzvidatemewa naMulungu, kuti wentse anichita bzvimwebzvi ndiwakuyipa, kufika pakufa, asi anifuna lini kuchita bzvinthu bzvimwebzvo, koma achifuza anzawo achita bzvimwebzvo.