¹ Paulo naTimoti, akapolo waKristu Yesu, nawanthu wentse waMulungu wakulungama amwewo ali paFilipi, pabodzi naakulu wampingu naanyakuthandiza. ² Chifundo chikhale kwayimwe namtendele kuchoka kwaChawuta Apayi wathu naMpfumu Yesu Kristu. ³ Ndipeleka zikomo kwaMulungu nthawe zentse panikukumbukani, ⁴ pali pentse, mumapemphelo yangu pomwe ndichiita nachimwemwe ⁵ nakufuna kwakuphatana naFala kuchoka pantsiku yakuyamba paka lelo. ⁶ Ndina kudumba padzulu pabzvinthu bzvimwebzvi, kuti adathanga basa labwino mwaimwe apitilize patsogolo kuti amalize kufikila ntsiku yaYesu Kristu. ⁷ Ndibzvabwino kuti ndikhale ndichikukumbukani imwe, pakuti muli mumtima mwangu. Mukhali anzangu mukumangiwa nakupiyilila namukulalikiliwa kwamafala yaMulungu. ⁸ Thangwe Mulungu ndiye mboni yangu, kuti ndikhakukumbukilani imwe mwentse nachifundo chaKristu Yesu. ⁹ Nakutenepo ndiyo mapemphelo yangu: chikondi chanu chilambe chichithimizila kukula pabodzi nakudziwa chaikoyiko, ¹⁰ pomwe nakuwona kwabzvinthu munjila kwengwe, bzvichiteyela kukwanisa kusankhula chayicholetu. Tenepo munizakhala mulibe chinthu chakukuyipisani pomwe nakukudzongesani kufika pantsiku yaKristu, ¹¹ munizakhala nakudzadziwa namakhalidwe yakulungama, yale yanikwanisika mukuchokela mwaYesu Kristu nakundemelo nakuthukuza kuna Mulungu. ¹² Ndinifuna kuti imwe mubzvidziwe, abale, ibzvo bzvidachitika kuna ine bzvidatandiza kuti mafala yapitilile patsogolo. ¹³ Pomwe kumangiwa kwaine muna Kristu kudawonewa kubulikiza pathambwe naaSilikali nawentse wanthu. ¹⁴ Anyinji achibale adumba naMfumu nakumangiwa kwaine nakubzvilimbisa kulibe kugopa pakulewa fala. ¹⁵ Anango chadidi adalalikila Kristu natsanje namakani naanango mubzvakuyipa. ¹⁶ Munango akalalikila namakani ambadziwa lini kuti ndidayimilila fala. ¹⁷ Wakuyamba adalalikila Kristu, nakufuna kwawo, alibe ntsisi, kuti ndibve kuwawa pakumangiwa. ¹⁸ Nchani manje? Mwaibzvi tinilalikila Kristu mwakunama namwachadidi. mwabzvimwebzvi ndinikondwela chadidi ndinikondwela, ¹⁹ Ndimbabzvidziwa kuti bzvibwelesa kupulumusiwa kubulikiza namaphemphelo yanu nakuthandiziwa naMzimu waYesu Kristu. ²⁰ Chikulu chandili kukumbuka inepo nakuyanganila kwangu ndichakuti pasakhale napan'ono pokha pangakanganise basa langu koma kuti ntawe zentse, maka-maka mulibe mtima bzvanu, kuti muwunthu wangu wentse ndizabwelesae chilemelelo pana Kristu peno ndikhale namoyo peno ndimwalile. ²¹ Pakuti kwaimwe kukhala namoyo ndiKristu pomwe kumwalila ndipindu. ²² Koma kulamba kwangu kukhala ndina moyo kuchindipasa mwayi wakuti ndipate basa lakulimbisa anango, ndiye inepo ndasaya kuti ndisankhule chiponi. ²³ Ndakhala kati nakati, chakuthoma ndikufuna bzvangu kusiya umoyo wuno kuti ndiyende kakhala pabodzi naKristu, pakuti chimwechi ndichintu chinikondwelesa chaibzvo, ²⁴ koma natanhangwe lanu ndichinthu chifunikha kuti ndikhale wamoyo. ²⁵ Ndina chadidi, ndiye pomwe ndinibzvidziwa kuti ndinizakhala wamoyo. Ndizapitilila kukhala naimwepo mwentse kuti ndithandize chikhulupililo chanu kukula , ²⁶ pomwe kuti kukondwela kwanu kukule. Tsapano kana ndazakuzungilani pomwe muzakhale munabzvidawanda bzvakudumba nabzvo naKristu Yesu thangwe langu. ²⁷ Tsapano chinthu chinabasa ndichakuti makhalidwe yanu yakhale yanipitilana namafala yabwino yakristu. Ndiye kana ndikakwanisa kubwela kuzakuwonani, kana kusaya kubwela ndinifuna kuti ndimbve kuti mulikupitilila patsogolo nanzelu ibodzi, pomwe nakuti kukhumba kubodzi mulikuthandizana kumenya nkondo pabodzi kuti chikhulupililo chamafala yabwino chipitilile mtsogolo. ²⁸ Lekani kugopa adani wanu khalani wakulimba ntsiku zentse. bzvimwebzvi bzvinizawonesa kuti iwo anikundiwa koma imwepo muzakunda pakuti imwepo munikundisiwa naMulungu. ²⁹ Pakuti pale mudapasiwa mwayi wakuphatila basa Kristu nee kukhulupilila mwayiwo kokha mwayiye komambo nakuwawisiwa thangwe lake. ³⁰ Tsapano imwepo mulikumenya nkhondo pabodzi nainepo. nkondo yacho ile yamudandiwona imwepo ndichimenya kale, imweyo yamulikubva imwepo kuti ndichilikumenya.