¹ Kwamala bzvaka kumi nabzvinayi ndidaenda pomwe Jelusalema naBhanabhasi, ndidatola Tayitasi tikaenda pabodzi. ² Ndidaendako nachifukwa chabzvandidawonesewa pomwe nakuti akamve fala laMulungu landikalalikila pakati paahedheni. Ndalewalewa nakulu akhali wakulemekezeka nee kumpingo wense kuti bzvimveseseke kuti ndikhalilini kuthamanga kana ndidatamangila fovholo. ³ Koma padasaika mubodzi wathu, kana taitasi chaiye akhali wachiGiliki, palibe adauziwa bzvakugwatiwa nsonga yaumuna. ⁴ Abale wamagunkha adabwela mwakabisila achinama nakufuna kwanthulo yatikanayo mwaKristu Yesu. Akhali kufuna kuti tikhale akapolo wawo, ⁵ koma tilibe kuyesa kufuna kubzviyika pansi pawo, kuti chadidi chafala laMulungu chikhale naimwe. ⁶ Koma amwewo wakulemekezeka (Atsogoleli akulu akhalilini chinthu kwaine pakuti Mulungu anisankhulalini)-amwewo wandidati wakulemekezeka palibe nachaadawonjezela kwaine. ⁷ Nakutenepo adwona kuti ndikada pasiwambo mukana wakulalika fala laMulungu kuna alibe kugwatiwa nsonga yaumuna, ninga Pita wakulalikila fala laMulungu kuna akugwatiwa nsonga yaumuna. ⁸ pakuti namphamvu ya mulungu ndidayitiwa nyakutumiwa kuwanthu alibe kugwatiwa ntsonga yachimuna, ninga bvzidayitiwambo kuna Petulo kuwa nyakutumiwa kuwanthu asili aJudha. ⁹ Jemusi, Kefasi naJohani ,amuna wakulimba pabasa laMulungu adawona chifundo chandidapasiwa adandiphata dzanja lachadidi lachigwilizano Bhanabhasi naine. ¹⁰ Adawona ndibzvabwino kuti tiyende kuwanthu asili wachiJudha pomwe nakuwanthu wakugwatiwa nsonga yaumuna. Adatikumbila kuti tikumbuke mpayi ndibvzo bzvandikhali kutsungila kuita. ¹¹ Koma Kefasi padabwela kuAntiyoki, ndida munyoza bzvili padecha pakuti akhali namulandu. ¹² Jemusi akhanati atuma amuna, Kefasi akhali kudya nawanthu asili wachiJudha. Koma amuna wakutumiwa padafika adaleka msambo umwewo ndikubzvipatula kuwanthu asili wachiJudha. Akhali kugopa amuna wadabwelewo achilewa bzvakugwatiwa nsonga yaumuna. ¹³ Anango wachiJudha adapita mukutaika kumweko naBhanabhasi pomwe adateezelambo bzvibodzi bodzi. ¹⁴ Koma panidawona kuti bzvaakhali kuchita bzvikhateezela lini chadidi chafala lamulungu ndidati kuna Kefasi pamaso pawense , ''kana iwe ulimujudha, ungagogomeze tani wanthu asili achiJudha kukhala ninga aJudha?'' ¹⁵ Ife ndise mbadwe zachiJudha nikisi awa asili wachiJudha, wakutaza; ¹⁶ Tinidziwa kuti palibe munthu angalungamisiwe namabasa yamulawu koma nakukhulupilila muna Yesu Kristu. Tidakhulupilila mwaKristu Yesu kuti tilungamisiwe nachikulupililo muna Kristu nee kuti tilungamisiwe namabasa yamulawu. Pakuti namabasa yamulawo palibe thupi ingalungamisiwe. ¹⁷ Koma ngati tinifuna kulungamisiwa muna Kristu, tense tidakhala wakutaza, ko Kristu wakhala mutsogoleli wachitazo? Nee ndibzvo lini! ¹⁸ Kana ndakumanga pomwe bzvile bzvandidawononga, ndakala pomwe wakutyola mulawu. ¹⁹ Pakuti namulawuwo ndidafa kumulawo kuti ndilalamile Mulungu. ²⁰ Ndidakhomelelewa pamtanda pabodzi nakKristu ndine lini ine wamoyo, koma Kristu ali wamoyo mwaine. Umoyo uno muthupi ndinilalama nakukhulupilila mumwana mulumbwana waMulungu, adandikhonda nakubzvipeleka kwayine. ²¹ Chifundo chaMulungu chingaleke lini kukhala nampamvu chifukwa chayine kana kulungamisiwa kuchitambiliwa namulawu ndipo Kristu adafela palibe!