¹ Paulo muApostoli ulibe kuchoka kuwanthu kana kutumiwa namunthu koma Yesu Kristu naMulungu Apayi, adamulamusa kuwakufa ² -naabale wense alipabodzi nayine kumipingo yaGalatiya. ³ Chifundo kwaimwe namtendele kuchoka kuna Mulungu Apayi wanhtu naMambo Yesu kristu, ⁴ Adabzvipeleka nakufuna kwabzvitazo bzvatu kuti atipulumuse pabzvakuipa bzvatu panthawe ino kuwanthu wakuipa wamkole uno nakufuna kwApayi wathu, ⁵ Ndemela kuna iye nthawe zense. Amen. ⁶ Ndili kudabwisika pomwe kuti muli kufunduka pomwe pana iye adakuchemelani nachifundo chaKristu. ⁷ Ndilikudabwisika kuti mwateela linango fala, Ndingalewe kuti linango fala, koma kuna amuna alikukushupani nakufuna kupswipisa fala laMulungu laKristu. ⁸ Koma ngati ndise kana kuti Mungelo wachoka kudzulu achilewa fala laMulungu linipikisa bzvatidakuuzani ngakhale watsoka. ⁹ Ninga bzvatidakuonani khale, ndinikuuzani pomwe, ''Pakawa namunango anibwela achikuuzani fala laMulungu lisililo lamudatambila ngakale watsoka.'' ¹⁰ Ko ndikutsvaga kutokozewa nawanthu kana kuti naMulungu? Ndilikufuna kukondwelesa wanthu?Ngati ndilikufuna kuyesa kukonwelesa wanthu, ndine lini kapolo waKristu. ¹¹ Koma ndinifuna kuti mudziwe, kuti fala laMulungu landidakuuzani ndifala lini lamunthu. ¹² Ndilibe kulitambila kuchoka kuna munthu kana kuuziwa koma nakuwonesewa naYesu Kristu. ¹³ Mudambva kakhalidwe kangu kakale muchukhulupililo chachiJudha ndikali kusausa mpingo waMulungu chaibzvo bzvakuti ndikayesa kuwuwononga. ¹⁴ Ndidapitiliza patsogolo nacho chikhulpililo chachiJudha kuzhula anzangu wentse wamusinkhu wangu wense. ndibzvo bvzandikali pakuteyela cdzvikhulupililo bzvaazipayi wangu. ¹⁵ Koma Mulungu, adandisakhula kuchoka ndili mumimba yaamai nachifundo chake adandichemela, ¹⁶ Adawonesa mwana Mulumbwana wake ine kuti ndilalikile bzvaiye kuwanthu asingadziwe Mulungu, pamwepo ndilibe kufuna kutetekela thupi kana gazi. ¹⁷ Ndilibe kukumbuka kuenda kuJelusalema kukhali naadayamba kukhala Apostola ndikanati ndachemelewa. Chandidaita ndikuenda kuArabiya nakuzabwelela pomwe kuDhamasiko. ¹⁸ Kwapita bzvaka bvzitatu ndidaenda Jelusalema kukaonana naKefasi ndikakhala naye nsiku kumi nazinayi. ¹⁹ Ndilibe kuonako anango Apostola kunja kwaJemusi mano wamambo. ²⁰ Bzvandida kulembelani ndichadidi panaMulungu ndini tewela lini magunkha. ²¹ Ndidazaenda mumbuto zilimu Siliya naSilisiya. ²² Panthwe iyindkanati ndaoneka nkope kumipingu yamuJudhiya ili muna klistu. ²³ Akhali kungobva basi kuti, ''Mamuna wakubvutisa ise, akhali wakulalikila mafala yabwino chikulupililo chaakhali kuyesa kufuna kuwononga.'' ²⁴ Adathukuza Mulungu nachifukwa chaine.