¹ Muliyobolole - mubungane, nochisi chitakwe nsoni- ² nikutana chitika lunyonyooko alimwi izuba eelyo lyiinde mbuli mankuwe, kakutanasika bukkali bwa Jehova buyoosya kuli nduwe, kakutanasika lunyonyoono lwa Jehova kuli nduwe. ³ Yandauula Jehova moonse nobantu baboombe aanyika nimulemeka bulemu bwakwe; Muyanduule bululami. Muyanduule bantususu, alimwi muyokwabililwa mubuzuba bwalunyonyoono lwa Jehova. ⁴ Nkambo Gaza iyotakatwa, alimwi Asyikkeloni iyoba chimwaye. Asyidodi bayomugwisya akalanga bwaseme, alimwi bayonyuukula Ekkiloni! ⁵ Maawe kuli baabo bakkala mukkati lyalwizi, bantu baku Kkeleyati! Jehova waambula chakumusula, Kkenani, chisi chama Filisitiya. Ndiyomujaya mane moonse mukamane. ⁶ Nkokuti kkuti lyalwizi likabe machelelo abaasikwembela azinywido zyambelele. ⁷ Busena bwakunkomwe buyooba bwalusinga lwe ng'anda ya Juda, batakeembele mbono zyabo nkukooko. Bantu babo bayolala aansi golezya mumaanda aa Asyikkeloni, nkambo Jehova Leza wabo uyobabamba akuli boonse buvubi bwabo. ⁸ ''Ndamvwa boondongani ba Mowabbu abwambuuzi bwabantu ba Ammoni aawo nibakoondongania bantu bangu akunjilingania mibaano yabo. ⁹ Nkiinkaako, mbuli mbwempona-echi nchaambilizyo cha Jehova muleli, Leza wa Izilayeli - Mowabbu uyooba mbuli Sodomu, alimwi mbuli Gomola; busena bwabuyo alimwi kalilikkomba lyamwinyo, lyakabisigwa kwalyoonse. Pesi lusinga lwabantu bangu luyobamana, alimwi bantu bangu batakachaale bayobweza zyoonse.'' ¹⁰ Eezi ziyochitika kuli Mowabbu a Aamoni nkambo kakuliyanda kwabo, mbuli mbuba kondongania akuba basinkazi kubantu ba Jehova muleli. ¹¹ Mpawo Jehova uyoyoosya kuli mbabo, nkambo uyojaya boonse baleza bamaasi. Wonse muntuuyomukkotamina abulemu, awumwi kuzwa kubusena bwakwe, kuzwa kumasena ankomwe zyamanyika woonse. ¹² Inywebo noba Kusyiti anywebo muyoyaswa apanga lyangu, ¹³ alimwi kuboko kwa Leza kuyolwana bakumbo kukamwaye Asiliya, kuchitila kuti Niniva ikabe chisofwazi chakatakatwa, chiyumu mbuli nkanda. ¹⁴ Mpawo imbono ziyolala aansi nkukooko, woonse munyama wamanyika, zyoonse adumba wamunkanda atumba lusaka bayolyookezya aatala achiimo chakwe. Kiito kayoyimba kuzwa mumpulunguzyo; Itombe liyoba amulyango; minkulu yakwe yakaluli yakubeza iyooba antanganana. ¹⁵ Eechi nchisi chalukondo chakapona kachitayoowi, eecho chakati mumoyo wacho, ''Ndime, alimwi takwepe ngweyelene awe.''' Mbuli mbaaba bulemu, busena bwakulala ansi banyama. Woonse muntu uyinda afwifwi anguwe ulang'ung'una akunyunganyunga mfayindi yakwe kuli nguwe.