¹ Mpawo ndakaboola akutambya menso aangu alimwi ndakabona inkalaki zyone zilazwa akkati kazilundu zyobile; aa zilundu zyobile zyakalundidwe amukuba. ² Inkalaki intanzi yakajisi mbizi zisalala, inkalaki yabili yakajisi mbizi zisiya; ³ inkalaki yataatu yakajisi imbizi zituuba, alimwi inkalaki yaane yakajisi mbizi zyamabala mabala. ⁴ Aboobo ndakasandula akuti kumungelo ngwani wambuula andime, ''Niinzi eezi, simalelo wangu?'' ⁵ Imungelo wakasandula akwamba kuti kulindime, ''Eyi myuuwo yone yakujulu iizwa kubusena oko nkubakimvwi kunembo lya mwami wanyika yoonse. ⁶ Elyo ilambizi isiya ilobuya kuchisi chakunyika; imbizi zituba zilobuya kumbo kwachisi; ambizi zyamabala mabala zilaya kuchisi chakumusanza.'' ⁷ Ezi imbizi zisimide zyakaya akuyeeya kwiinka kuyobwendeenda moonse munyika, alimwi mungelo wakati, ''Ukeendende munyika yoonse!'' alimwi bakazwa munyika yoonse. ⁸ Mpawo wakandiita akundaambila akuti, ''Langa kuli ezyo ziyobuya kuchisi chakunyika; ziyotontoozya muuya wangu nchobeni kuchisi chakunyika.'' ⁹ Aboobo ijwi lyakasika kuli ndime, nkaliti, ¹⁰ ''Bweza chituuzyo kuzwa kubantu babuzike --kuzwa kuli Heludayi, Tobbija, aa Jadayiya -- alimwi weende muzuba lyomwe aakutola mung'anda ya Josiya mwana mulombe wa Zofani, oyo wakazwa ku Bbabbiloni. ¹¹ Mpawo tola nsiliva angolide, uchite munsini akuubikka atala lya mutwe wa Josyuwa mwana mulombe wa Jehozadaki, mupayizi mupati. ¹² Ukamwaambile kuti, Jehova wamakamu nguwaamba echi: Oyu mwalumi, izina lyakwe Nchisyukila! Uyokomena oko nkwabede alubo mpawo uyoyaka chikombelo cha Jehova! ¹³ Ngonguwe oyo utakayake chikombelo cha Jehova, alimwi unosamide bulemu bubotu, alimwi uyokkala akwendelezya kuchikkalilo chakwe. Uyooba mupayizi kuchikkalilo chakwe, alimwi uyobikka luumuno akkati kababili. ¹⁴ Munsini uyopegwa Heludayi, Tobbija, aa kuli Heni mwana mulombe wa Zefaniya mbuli chibalusyo muchikombelo cha Jehova. ¹⁵ Mpawo abo balikule bayoboola aakuyaka kuti Jehova wamakamu wandituma kuli nduwe; nkambo echi chiyochitikana na nchobeni mwaswilila kujwi lya Jehova Leza wenu!'''