¹ Alwabili ndakanyampula menso angu alimwi ndakabona mwalumi akakole kakwelesya mujanza lyakwe. ² Ndakati, ''Ulobuya kuli?'''Aboobo wakandambila kuti, ''Koyeleka Jelusalemu, kuyoziba busasa aabulamfu bwayo.'' ³ Mpawo mungelo wakambwiide andimi wakeenda alimwi awumbi mungelo wakabbuda kuyomuswanizya. ⁴ Amungelo wabili wakamwambila kuti, ''Chiijana akwambila uulya mulombwana; ukatedi, 'Jelusalemu uyokkala muchisi chijulikene nkambo kama kamumakamu abantu azivuubwa zilimulinguwe. ⁵ Nkambo kuli ndime -- oku nkwaambula kwa Jehova -- ziyoba bulambo bwamulilo bumuzyungulukide, alimwi ndiyooba bulemu mukati kakwe. ⁶ Amubuke! Amubuke! amuchije kuzwa kunyika yakulubazu lwakunyika -- oku nkokwambula kwa Jehova -- nkambo ndamwandania mbuli myuuwo yoone yakujulu! -- oku nkwambula kwa Jehova. ⁷ Amubuke! muchijile ku Ziyoni, Inywebo nimukkala abaana basimbi baa Bbabiloni!''' ⁸ Nkambo musule lya Jehova wamakamu wandilemetezya alimwi wandituma kuli zezyo ziisi zimubisizya - nkambo kufumbwa ukuguma, wajata mboni lya linso lya Leza!--musule lyakuchita ezi Jehova, wakati, ⁹ ''Imebo lwangu ndiiyo kunkumuna kuboko kwangu atala lyabo, alimwi bayobisigilwa nkambo kabazike babo.'' Elyo uyoziba kuti Jehova wamakamu wandituma. ¹⁰ Amwimbile chalukondo, akubotelwa, nobana basimbi ba Ziyoni, nkambo imebo ndemwini ndamba kuboola kuzokkala akkati kenu!--oku nkokwaambula kwa Jehova.'' ¹¹ Mpawo zisi zipati ziyolinjizya azyaalo kuli Jehova muzuba eelyo. Mbwawamba, ''Mpawo muyooba bantu bangu; nkambo ndiyokkala akkati kaanu,'' alimwi uyoziba kuti Jehova wamakamu wandituma kuli ndinywe. ¹² Nkambo Jehova uyokkona Juda mbuli lukono lwakwe lululeme munyika iisalala alimwi lwabili uyosala Jelusalemu kuba wakwe. ¹³ Amuumune, nonse nozilenge, kunembo lya Jehova, nkambo walibusya kuzwa kubusena busalala bwakwe!