¹ Lwiimbo lwanyimbo, lwa Solomoni. Mukayintu ulambuula kalyambil ² Akaka, ninga wandimyonta amyonto zyamulomo wakwe, Mukaintu ulambula kumwalumi nkambo luyando lwako lwiinda wayini. ³ Mafuta akunanika ako ajisi kununkilila kukonda; zina lyako lilimbuli muunde ukunka, abo banakazi banini balakuyanda. ⁴ Nditole njinkayebo, elyo tulachijana. Mukayintu ulambuula kalyambila, Mwami wandeta mumaanda akwe. Mukaintu uwambula kumwalumi, twakondwa, Twasekelela aatala anduwe; ngatusekelele luyando lwako; ndubotu kwinda wayini. Chililuleme kuti bamwi banakazi bakuyande. Mwanakazi uwambuula abamwi banakazi. ⁵ Ndilasiya pesi nkeyandika, inywe nobana basimbi ba Jelusalemu--kusiya mbuli matente aku Kkeda, kuyandika mbuli manketani a Solomoni. ⁶ Mutandilangisisya nkambo ndasiya, nkambo izuba lyakanduumpa. Bana babaama bakandinyemena; bakandichita sikulinda muunda wamasansa, pele wangu muunda wamasansa nsiwubambide. Mwanakazi kayobwambuula kumwalumi ⁷ Kondambila, webo muuya wangu ngiyandisya, nkokuli nkochezezya mbelele zyako? Nkokuli nkozilyokezezya mbelele zyako akalangabwaseme? Nkamboonzi nensibe mbuli muntu uwumpulika kubbazu lyambelele zyaba sikwembela nyokwe? ⁸ Naa kotazi, mubotu loko akati kabanakazi, tobela makondo ambelele zyangu, alimwi uchezye mpongo zyako afwifwi amatente abasikwembela. ⁹ Ndakwelanisya lwako, muyandwi wangu, kubbiza mpwizi akati kankalaki zya Falo. ¹⁰ Maseya aako mabotu azyakulisakatizya, nsingo yako abulungu. ¹¹ Tuzokuchitila zyakulisakatizya zyangolida zinyembedwe ansiliva. Mwanakazi uwambula kwalyabwida lwakwe ¹² Awo mwami nalede abulo bwakwe, muunde wangu ugwisya kununkilila kwawo. ¹³ Muyandwi wangu kuli ndime ulimbuli saka lyamaluba amaninsya mansiku kayalidwe akati kankolo zyangu. ¹⁴ Muyandwi wangu kuli ndime ulimbuli chikkata chamaluba mumuunda wamasansa wa Eni Gedi. Imwalumi kawambula kumwanakazi ¹⁵ Swilila, ulimubotu, muyandwi wangu; swilila, webo ulimubotu loko, menso ako mbuli nziba. ¹⁶ Mwanakazi kawambula kumwalumi Swilila, webo ulimubotu, muyandwi wangu. Minsamu yamusokwe mbobulo bwako. ¹⁷ Minkulu yamaanda esu njamasida; ambalo zyesu nzisamu isimide.