¹ Jehova wakaambula lubo kuli Mozesi a Aloni, wakati, ² ''Umwi awumwi waba Izilayeli weelede kukkala mbuli mbwayanda, andembela zya n'anda zyabamawisi babo. Bayookala kabazyungulukide itente lyakubunganina kuma bazu woonse. ³ Aabo bayookkala kujwe kwa tente lyakubungaanina, oko zuba nkuli zwida, mbankamu ya Juda alimwi bayookala mbuuli mbubayada. Nasyoni mwana wa Aminadabu nguwe muzuluzi wabantu ba Juda. ⁴ Mweelwe wabantu ba Juda ngu 74,600. ⁵ Musyobo wa Isakka weelede kubambana amusyobo wa Juda. Netanelu mwana mulombe wa Zuwa weelede kuzulwida basilumba ba Isakka. ⁶ Mweelwe wankamu yakwe ngu 54,400 bantu. ⁷ Musyobo wa Zebbuloni weelede kubambana a Isakka. Eliyabbu mwana mulombe wa Heloni weelede kuzulwida basilumamba ba Zebbuloni. ⁸ Mweelwe wankamu yakwe ngu 57,400. ⁹ Woonse mwelwe wabantu bakali mumusasa wa Juda ngu 186,400. Bayookkala lutaanzi. ¹⁰ Kubbazu lyakumusanza kunoli musasa wa Lubbeni mbuli mbubayanda. Muzuluzi wamusasa wa Lubbeni ngu Elizu mwana mulombe wa Syedewu. ¹¹ Mweelwe wankamu yakwe ngu 46,500. ¹² Simiyoni weelede kubambana a Lubbeni. Muzuluzi wabantu ba Simiyoni ngu Syelumuyeli mwana mulombe wa Zulisadayi. ¹³ Mweelwe wabantu munkamu yakwe ngu 59,300. ¹⁴ Musyobo wa Gadi nguutobela. Muzuluzi wabantu ba Gadi ngu Eliyasafi mwana mulombe wa Dewuweli. ¹⁵ Mweelwe wankamu yabantu bakwe ngu 45,650. ¹⁶ Mweelwe wabantu boonse bakatumidwe kumusaasa wa Lubbenni, mbuli munkamu zyabo, ngu 151,450. Mbibayotobela lwabili kukkala. ¹⁷ Chitobela, itente lyakuswaanana lyeelede kuzwa anze a ba Levi aakati kamisasa yoonse. Bayelede kuyozwa mumusasa mbuli mukunjila kwabo mumusasa. Woonse mwaalumi weelede kali aabusena bwakwe, andembela yakwe. ¹⁸ Kubbazu lyakumbo kunoli zimpanzi zyamusasa wa Efulemu munsi aamakkalilo abo. Muzuluzi wabantu ba Efulemu ngu Elisyama mwana mulombe wa Amihudi. ¹⁹ Mweele wankamu ngu 40,500. ²⁰ Afwifwi ambabo musyobo wa Manase. Muzuluzi wa Manase ngu Gamaliyeli mwana mulombe wa Pedazuli. ²¹ Mweelwe wankamu yakwe ngu 32,200. ²² Uutobela unoli mukkowa wa Bbenjamini. Muzuluzi wa Bbenjamini ngu Abbidani mwana mulombe wa Gidiyoni. ²³ Mweelwe wankamu yakwe ngu 35,400. ²⁴ Boonse abo bakabalidwe mumusasa wa Efulemu ngu 108,100. Mbibatakabe batatu ku kukkala. ²⁵ Kubbazu lyakunyika kunoli nkamu zyamusasa wa Dani. Muzuluzi wa bantu ba Dani ngu Ahiyeza mwana mulombe wa Amisyaddayi. ²⁶ Mweelwe wankamu yakwe ngu 62,700. ²⁷ Bantu bamusyobo wa Asya bakakkala babambana a Dani. Muzuluzi wa Asya ngu Pegiyeli mwana mulombe wa Okkilani. ²⁸ Mweelwe wankamu yakwe ngu 41,500. ²⁹ Musyobo wa Nafutali nguutobela. Muzuluzi wa Nafutali ngu Ahila mwana mulombe wa Enani. ³⁰ Mweelwe wankamu yakwe ngu 53,400. ³¹ Boonse abo bakabalwa mumusasa wa Dani ngu 157,600.. Bayoochalila kuzwa mu musasa, munsi lya ndembela yabo.'' ³² Aaba mba Izilayeli, bakabalwa mbuli mumpuli zyabo. Boonse bakabalwa mumisasa yabo mbuli munkamu zyabo, bali 603,550 ³³ Pesi ba Levi tebakabalikizigwa pe aantomwe abantu ba Izilayeli, mbuli Jehova mbakalayilila Mozesi. ³⁴ Bantu ba Izilayeli bakachita zyoonse eezyo Jehova nzyakalayilila Mozesi. Bakakkala kumbali andembela zyabo. Bakazwa mumusasa amikowa yabo, mbuuli mumabambe ampuli zyabamawisi babo.