¹ Jehova wakambula kuli Mozesi a Aloni wakati, ² '' Ayaa mabambe, aamulawu ngwindiikumulayilila :waambe kubantu baku Izilayeli kuti beelede kweeta kuli nduwe ngombe mpwizi iisalala iitakwe kabala naa kampenda, alimwi itanaabuunsi yabweza jokwe. ³ Mupe ngombe mpwizi kuli Eliyaza mupayizi. Weelede kwiyeta aanze aagunzi, alimwi umwi muntu weelede kwiijaya kunembo lyakwe. ⁴ Eliyaza mupayizi weelede kubweza limwi gaze lyayo amunwe wakwe akulisaansila tuli musanu atubili kuya kunembo lya bbakasa lyamuswaangano. ⁵ Ingombe mpwizi yeelede kutentwa kalangide-chikumba chayo, nyama yayo, alimwi gaze lyayo abufumba bwayo, bweelede kutentwa. ⁶ Mupayizi weelede kubweza masamu aaseda, hisopu, aluchinda lusalalisya, akuziwaala zyoonse mukati ka ngombe mpwizi iilikutentwa. ⁷ Eelyo weelede kusanzya zisamo zyakwe alimwi asambe mumaanzi. Eelyo ukonzya kuza mugunzi, oomo mwayo kkalilila kasofweede ado igolezya. ⁸ Ooyo watenta ngombe mpwizi weelede kusanzya zizwaato zyakwe mumaanzi alimwi asambe mumaanzi. Uyookkalilila kasofweede ado igolezya. ⁹ Umwi muntu usalala welede kuyola dota lya ngombe mpwizi akulibika aanze aagunzi mubusena busalala. Eeli dota lyeelede kubambilwa luundu lwabantu baku Izilayeli. Bayooswanizya dota amaanzi akusalazigwa ,kuzwa kuchibi mbulikuti dota lyakazwa kuchipo chachibi. ¹⁰ Oyo wayola dota lyangombe mpwizi weelede kusanzya zizwaato zyakwe, uyookkalilila kasofweede ado golezya. Oyo uyoba mulawu walyoonse kubantu ba Izilayeli abazwakule bakkala aambabo. ¹¹ Kufumbwa uuguma mubili uufwide wawumwi mwaalumi uyosofwaala kwamazuba musanu aabili. ¹² Muntu uuli bobo weelede kusalazya mubuzuba bwatatu amuzuba lyamusanu amazuba obile. Mpawo uyoosalala. Pesi kuti talisalazya muzuba lya tatu, aawo takoyosalalape muzuba lyamusanu amazuba obile. ¹³ Kufumbwa uuguma muili wamwaalumi wafwa, alimwi taalisalazya- ooyo muntu usofwaazya chikombelo cha Jehova. Ooyo weelede kugwisigwa mu Izilayeli nkaambo taasansilwa maanzi abusofwaazi.Uyookkalilila nkasofweede, ibusofwaazi bwakwe buyookalilila aalinguwe. ¹⁴ Oyu ngomulawu walyoonse umwi muntu naafwida mubbakasa. woonse muntu uunjila mubbakasa alimwi woonse uulimubbakasa kale bayoosofwaala kwamazuba musa amazuba obile. ¹⁵ Choonse chibikilo chitakwe chivunisyo chiyoosofwaala. ¹⁶ Mulinjiyeeyo nzila kufumbwa muntu uuli aanze abbakasa uuguma muntu wajayigwa apanga awumwi mubili uufwide, ifuwa lyamuntu, na kuti kabanda- ooyo muntu uyoosofwaala kwamazuba musanu amazuba obile. ¹⁷ Muchitile oobu muntu uusofweede bweza dota kuchipo chakutenta uliswaanizye munkomesi amaanzi mabotu. ¹⁸ Umwi muntu uusalala eelyo weelede kubweza Hisopu, ayinike mumaanzi, alimwi alisansayile aabbakasa, azibikilo zyoonse zilimubbakasa, abantu bakali wo, akumuntu ooyo waguma fuwa, wakajayigwa oyo wakafwa, na kuti kabanda. ¹⁹ Mubuzuba bwatatu amubuzuba bwamusanu amazuba obile, muntu uusalala weede kusansayila muntu uusofweede. Mubuzuba bwamusanu amazuba obile muntu uusofweede welede kulisalazya. Welede kusanzya zizwaato zyakwe alimwi asambe mumaanzi. Igolezya ulasalala. ²⁰ Pesi kufumbwa muntu uukalilila nkasofweede- oyo munyu uyoogwisigwa muluundu, nkambo wasofwaazya lubuwa lwa Jehova lwakukkombela. Maanzi aakusalazya taasansayilwa pe aalinguwe, ulakkalilila nkasofweede. ²¹ Ooyo uyoba mulawu wiinkilila kunembo nkawulangene aazyimo eezyo. Oyo uusansayila maanzi akusalazya weelede kuzwaata izwaato zyakwe. Oyo uuguma maanzi akusalalzya uyoosofwaala ado goko. ²² Kufumbwa nchaguma muntu uusofweede chiyoosofwaala. Muntu uuchiguma uyoosofwaala ado golezya.''