¹ Jesu wakambula lubo kulimbabo mumambila mbali wakati, ² ''Bwami bwakujulu buli mbuli umwi mwami wakabambila ipobwe lyakukwatana lyamwanakwe. ³ Wakatuma babelesi bakwe kuyoyita abo bakatambidwe kuti baze kupobwe pesi tebakasika. ⁴ Alimwi mwami wakatuma bambi babelesi, kuti, bambile aabo batambidwe, ''Mulange, ndabambilila chisusulo chabasune bangu angómbe zyangu zinenede zyajayigwa, alubo zintu zyoonse zyabizwa.Muze kupobwe lyalukwatano.'' ⁵ Pesi tebakaswilila pe alimwi bakainka,umwu kumunda wakwe mupati, awumwi kumakwebo akwe. ⁶ Bamwi bakajata babelesi ba Mwami, bakabajata enzila ifwisya nsoni, akubajaya. ⁷ Mwami wakanyema,akutuma basilumamba bakwe akuyonyonyona aabo bajayi akubawumpila dolopo lyabo. ⁸ Mpawo wakati kubabelesi bakwe, kuswanizigwa kwazulila, pesi abo bakatambidwe tebakali kwelela. ⁹ Aboobo kamuya mumanzanino anzila akuyotamba bantu banji kupobwe lyakukwatana mbuli mbimutajane.' ¹⁰ Babelesi bakayinka enzila akubunganya antomwe bantu boonse mbibakajana, bonse babi ababotu. Nkinkako ngánda yepobwe lyakukwatana yakazozula abantu. ¹¹ Pesi Mwami nakasika mukati kuzolanga batambidwe, wakabona kakuli mwalumi wakatazwete zizwato zyapobwe lyalukwatano. ¹² Mwami wakati kulinguwe, Mwenzuma, wanjila byeni omuno kotasamide zizwato zyapobwe lyalukwatano?'Pesi mwalumi wakabula alyakwamba. ¹³ Mpawo mwami wakati kubabelesi, 'mumwange mwalumi oyu kumaboko akumawulu, alubo mumusowele aanze mumudima, oko kunoli kulila akuluma ntwino.' ¹⁴ Nkambo mbingi bantu batambidwe, pesi mbache biyo basalidwe.'' ¹⁵ Mpawo baFalisi bakinka akuyobamba mbubatamuche Jesu kuzwa kungambwido yakwe. ¹⁶ Mpawo bakatuma kulinguwe basikwiya babo, antomwe abaka Helodiya.Bakati kuli Jesu, 'Ómuyisyi, tulizi kuti uli wakasimpe, alubo kuti uyiisya nzila yaLeza mubwini. Tomvwi miyeyo yawumwi pe alubo totondezya kusiyanisya pe akati kabantu. ¹⁷ Mpo kotwambila, uyeyanzi ? Zili mumulawu na kubbadala mutelo kuli Siza na pe ?'' ¹⁸ Pesi Jesu wakamvwisisisya bubi bwabo wakati, ''Nkambonzi nimundisunka, nywebo nobasikuupawupa ? ¹⁹ Munditondezye mali yabbwe yamutelo.'' Mpawo bakamwetela dinali kulinguwe. ²⁰ Jesu wakati k ulimbabo, ''Ngwani ulachechi chikozyanisyo e zina ?'' ²¹ Bakasandula kuti, ''nzizya Siza.'' Mpawo Jesu wakati kulimbabo, ''alimwi amupe Siza zintu zya Siza, alubo kuli Leza zintu zya Leza.'' ²² Elyo nibakazimvwa, bakagamba. Mpawo bakamusiya akwenda. ²³ Mubuzuba oobo bamwi ba Sadusi, abo baamba kuti takwepe bubuke bwabafu, bakeza kulinguwe. Bakamubuzya, ²⁴ kabati, 'Muyisyi, Mozesi wakatedi, ''Na mwalumi wafwa, kataside bana, mukulana wakwe welede kukwata banakwe akumujanina bana mukulana wakwe. ²⁵ Kwakali bakulana bali musanu ababili. Mutanzi wakakwata mpawo wakafwa katasiide bana, wakasiya mwanakazi wakwe kumwanike wakwe. ²⁶ Alimwi alakwe mwanike wachibili wakachita chintu chikozyania, mpawo awatatu, mulongo woonse kusikila kuli wamusanu ababili. ²⁷ Kwinda kwabo boonse, mwanakazi wakazofwa. ²⁸ Lino kububuke bwabafu, ngwani utakabe mwani mwanakazi mubakulana bali musanu ababili ? Nkambo boonse bakali mukwete.'' ²⁹ Pesi Jesu wakbasandula akuti kulimbabo, ''Nywebo muliswekede, nkambo tamuzi malembe naa inguzu zya Leza. ³⁰ Nkambo mububuke bwabo takwe nekuba kukwata nikuba kukwatisigwa. Anukuti, bayoba mbuli baangelo bali kujulu. ³¹ Pesi atala abubuke bwabafu, temwakabala na zyakaambwa kulindinywe a Leza, kuti ³² Ndime Leza wa Abbulahamu, Leza wa Ayizeki, alimwi Leza wa Jakobo'? Leza teensi Leza wabafwide, pesi waba pona.'' ³³ Eelyo makamu nakamvwa eezi, bakagamba kunjiisyo zyakwe. ³⁴ Pesi ba Falisi nibakamvwa kuti Jesu wakawumuzya ba Saduki, bakalibungania lwabo beni antomwe. ³⁵ Umwi wabo, uyiide zyamulawu, wakamubuzya mubuzyo, kumusunka - ³⁶ ''Muyiisi, nguuli mulayizyo mupati mumulawu?'' ³⁷ Jesu wakati kulinguwe ''Yanda Mwami Leza wako a moyo woonse, alubo amiyeyo yako yoonse.' ³⁸ Oyu ngomulazyo mupati alubo ngomutanzi. ³⁹ Alimwi awabili mulayizyo ulimbuli oyu - Ýanda mwenzinyokwe mbuli mboliyanda lwako.' ⁴⁰ Amilawu eyi ibili mpokuzulila mulawu woonse abasinsimi.'' ⁴¹ Lino ba Falisi nibakachibungene antomwe, Jesu wakababuzya mubuzyo. ⁴² Wakati, ''muyeeyanzi aatala a Kkilisito ? Mwana wani ?'' Bakamusandula, ''mwana wa Devidi.'' ⁴³ Jesu wakati kulimbabo, ''Biyeni mpo Devidi mumuuya ulamwiita kuti Mwami, kaamba, ⁴⁴ 'Mwami wakati ku Mwami wangu. ''Kkala kuluboko lwangu lwachilisyo, kusikila ndayita basinkonyokwe chikkalilo chamawulu ako ''? ⁴⁵ Kuti Devidi wakiita Kkilisito kuti 'Mwami,' nkambonzi nali mwana wa Devidi ?'' ⁴⁶ Takwe wakakonzya kumusandula jwilyomwe, alubo takukwe wakachili kuyanda kumubuzya imbi mibuzyo kuzwa elyo zuba.