¹ Kwakaba kuti Jesu amane majwi aya , wakazwa ku Galili waya kuchisi cha Judiya mutala amulonga wa Jodani. ² Makamu makamu akamutobela, mpawo wakabaponia nkukoko. ³ Ba Falisi bakaza kuli nguwe, bamusunka, baamba kuli nguwe, ''chili mumulawu kuti mwalumi aleke mwanakazi wakwe, katakwe kaambo. ⁴ Jesu wakasandula akwaamba, ''sa temwakabala kuti oyo wakabalenga kuzwa kumatalikilo wakabalenga baalumi a abanakazi ?'' ⁵ Alubo oyo iwakabelnga wakati, 'Nkambo kaako Mwalumi uyosiiya wisi abanyina akukakatila kumwanakazi wakwe, aba bobile babe nyama imwi. ⁶ Lino tabachili babili, pesi nyama imwi. Nkinkaako echo Leza nchakaswaniizya, kutabi muntu uchipambukanya.'' ⁷ Bakati kulinguwe,, ''Nkaambonzi elyo Mozesi wakatulayilila kuti apegwe lugwalo lwakulekana mpawo amuleke ?'' ⁸ Wakati kuli mbabo, ''Nkaambo kabuyumu bwamyooyo yenu, Mozesi wakamuzumizya kuleka banakazi benu, pesi kumatalikilo tekwakali munzila eyo pe. ⁹ Ndamwambila, kufumbwa uleka mwanakazi wakwe, kunze kwamakani abuvule, akuyo kwata uumbi, wachita bumambi; amwalumi ukwata mwanakazi wakalekwa wachita bumambi.'' ¹⁰ Basikwiiya bakati kuli Jesu, ''Na kuti ntwaambo twamwalumi amwanakazi wakwe, tachili chibotu kukwata.'' ¹¹ Pesi Jesu wakati kuli mbabo, ''Teensi bonse batambula kaambo aka, pesi kuli baabo luzutu bapedwe. ¹² Nkambo nkubali bazibe bakachitwa bazibe abantu, alimwi mpubali bazibe bakalichita bazibe lwabo beni nkambo ka Bwami bwakujulu kuli ooyo ukonzya kutambula injiisyo eyi, muleke ayitambule.'' ¹³ Lino bana baniini bakaletwa kuli nguwenkuti abaampe amaboko akukomba, pesi basikwiiya bakwe bakabakasya babakalalila. ¹⁴ Pesi Jesu wakaamba wati, ''Amuzumizye bana banini, mutabakasyi kuti baze kuli ndime, nkambo Bwami bwakujulu mbubwabo bali boobu.'' ¹⁵ Wakabika maboko aakwe alimbabo mpawo wakabasiya. ¹⁶ Amubona, mwalumi wakaza kuli Jesu akwamba kuti, ''Muyiisi, nchichili chintu chibotu nchindinga ndilachita kuti ndibe abuumi ibutamani?'' ¹⁷ Jesu wakati kuli nguwe, Nkamboonzi niwandibuzya atala chitegwa nchibotu? Kunze kwachintu chimwi, pesi na koyanda kunjila mubuumi, baamba milayizyo.'' ¹⁸ Oyu mwalumi wakati kuli nguwe, milayizyo nzi ?'' Utajayi, utachiti bumambi, utabbi, utapi bukamboni bwakubeja, ¹⁹ lemeka wuuso abanyoko akuyanda ngoyakilene anguwe mbuli lwako omwini.'' ²⁰ Mwalumi mukubusi wakati kuli nguwe, ''Zyoonse ezi zintu ndakazilemeka. Ndichiyanaanzi?'' ²¹ Jesu wakamwambila wati, ''Na koyanda kuti ulondoke, koya, ukawuzye lubono lwako, akuyopa bachete, mpawo uyooba abuvubi kujulu, lino uboole, unditobele.'' ²² Pesi eelyo mwalumi mukubusi nakamvwa Jesu nzyakaamba, wakayinka kawuside, nkambo wakalijisi imbono nyiingi. ²³ Jesu wakaambila basikwiiya bakwe, '''Kasimpe ndamwambila, nchiyumu kumuvubi kuti akanjile kubwami bwakujulu. ²⁴ Alimwi ndamwambila kuti, nkutete kunkamela kunjila muliso lyaneleti kwinda kuti muvubi anjile mubwami bwa Leza.'' ²⁵ Lino basikwiiya nibakamvwa oobo, bakagambilwa loko, akwaamba kuti, ''Ino ngwani ukoonzya kuyofutulwa?'' ²⁶ Jesu wakabalanga akwaamba kuti, 'kubantu tachikonzeki, pesi kuli Leza zintu zyoonse zilakonzeka.'' ²⁷ Mpawo Pita wakavwiila akwamba kuti ''Langa, twasiya zintu zyesu zyoonse twatobela nduwe. Ani mpawo tukajanenzi ?'' ²⁸ Jesu wakati kuli mbabo, ''Ndamwambila kasimpe kuti, muchiindi chiza Mwana a Muntu nayokkala achuno chakwe chabulemu, inywe nimwakanditobela muzokkala azyuno zilikkumi azibili, mukabeteke misyobo ili kkumi ayibili ya Izilayeli. ²⁹ Woonse oyo iwakasiide maanda, babunyiina, bachizi, wisi, banyina niiba myuunda nkambo kazina lyangu uyotambula tuli mbuli mwanda umwi akukona buumi ibutamani. ³⁰ Pesi bataanzi baanji bayoba bakumamanino, abakumamanino bayoba batanzi.