¹ Mpawo Jesu, kazwide Muuya Uusalala, wakaboola kuzwa kumulonga wa Jodani, wakazulwidwa a Muuya kuya munkanda ² ooko nkwakaakusunkwa mazuba makumi one adyabbulosi. Takwe nchakalya mumazuba aayo, kumamanino achiindi echo wakaba aanzala. ³ Dyabbulosi wakati kulinguwe. ''na kana koli mwana wa Leza lailila ibwe eli libe chinkawa.'' ⁴ Jesu wakamusandula wati, ''Zililembedwe, 'Muntu taponi achinkwa luzutu pe.''' ⁵ Mpawo dyabbulosi wakazulida Jesu akutomudenzya bwaami boonse bulanyika muchindi chinini. ⁶ Mpawo dyabbulosi wakati kulinguwe, ''Ndilapa nduwe bwendelezi boonse abulemu mbuli mbundakabupegwa, alimwi ndilakonzya kupa kufumbwa ngundiyanda. ⁷ Kuti mpawo, na wafugama akundikomba, zilaba zyako.'' ⁸ Pesi Jesu wakamusandula wati, ''Zililembedwe, 'Ulelede kukomba Mwaami Leza wako, akumumanina milimu yakwe.''' ⁹ Mpawo dyabbulosi wakatola Jesu ku Jelusalema akumubikka ansonge yakaluli katempele, akumwambila kuti, ''Na koli mwana wa Leza liwaalile, aansi kuzwa aawa. ¹⁰ Nkaambo kulilembedwe kuti, 'Uyolailila bangelo bakwe atala andinywe, kuti bakukwabilile, ¹¹ mpawo bayokunyampula amaboko aabo, kuchitila kuti utakaligubbuli.'" ¹² Nakamusandula Jesu wakati, ''Kulaambidwe kuti, 'Utabiki Mwami Leza wako kumisunko.'' ¹³ Mpawo diyabbulosi nakamana ku sunka Jesu, wakeenda wakamusiya kusikila chiindi chimbi. ¹⁴ Jesu wakabweda ku Galillaya munguzu zyamuuya, a makani atala anguwe akazulila mukati kachisi chizyungulukide. ¹⁵ Mpawo wakasanguna kuyisya muzikombelo zyabo alimwi wakalumbaizigwa aboonse. ¹⁶ Nakasika ku Nazaleta nkwakakomenezegwa, a mbuli muchiyanza, wakannjila muchikkomnbelo muzuba bwa sabata wakayimikila akubala chakompolola. ¹⁷ Mabhuku amunsinsimi Isaya akapegwa mumaboko akwe. Wakajula bhuku akujana ndawu yakalembedwe kuti. ¹⁸ ''Muuya wa Leza uli aalindime, nkaambo wakandinaanika kuti ndaambe makani mabotu kuli bafwaba, wakandituma kuzowamba lwaangunuko kuli aabo baangidwe akuzobonia batakuboni, kwangununa aabo baadyaminizigwe, ¹⁹ kuzowamba munyaka wa Luse.'' ²⁰ Nakajula mabhuku, wakapa lubo kuli baka bungene kabakkede aansi. Menso aboonse bakali muchikombelo kamulangide. ²¹ Wakatalika kwambula ambabo, "Sunu eli jwi lyazuzikizigwa mukumvwa kwanu.'' ²² Boonse awo bakambula zibotu atala anguwe akugamba majwi aakwe alumbayizigwa akalikuzwa mumulomo wakwe, bakali kuti, ''Ooyu temwana wa Josefa na?'' ²³ Wakati kulimbabo, ''Chamasimpe muyowaamba kasimpi aaka kulindime, musilisi liponye omwini. Kufumbwa nzitwakamvwa nzuwakachita mu Kapenawumu, ita zikozyenie akudolopo lyakulindinywe. ²⁴ Pele wakati, ''Nchobeni ndamwambila kuti takwe musinsimi utambulwa mudolopo lyakwe. ²⁵ Pele mukasimpe ndamubuzya kuti kwakali bamuka bafu biingi mu Izilayeli muchiindi cha Elayija, ijulu nilyajalwa kwaminyaka iitatu amyeezi iilamusanu awumwi alimwi nzaala mpati yakasika munyika. ²⁶ Pele Elayija taakwe nakatumwa nikuba kuli umwi wabo, pele kuli Zalafati mu Sidoni, kulimukamufu ukkala nkukooko. ²⁷ Kwakali bali aazipele biingi mu Izilayeli kwamazuba a Elisya musinsimi, pele takwe nikuba umwi wakali salazidwe kusiya Namani muSayilini.'' ²⁸ Boonse bantu muchikombelo bakazula kuyoowa nibakamvwa zintu eezi. ²⁹ Bakabuka bamutanda kuti azwe mudolopo akumuizya atala akalundu idolopo lyabo nkulyakayakilidwe nkumbali kulundu, kabayanda kuti bakamutontele aansi. ³⁰ Pesi wakayinda akati kabo waya kuli bumbi busena. ³¹ Alimwi wakeendelela akuya ku Kkapenamu, idolopo lilimu Galilii, alimwi wakasanguna kubayiisya atala aSabata. ³² Bakagamba enjisyo yakwe, nkaambo wakali kwambula changuzu. ³³ Lino muchikombelo kwakali mwaalumi wakali aamuuya mubi wadayimona, alimwi wakalila akoompolola ajwi pati , ³⁴ ''Aah! Niinzi nzitwelede kuchita anduwe, Jesu waku Nazareta? Wasika kuzotujaya na? Ndilizi kuti nduweni - Uusalala wa Leza!" ³⁵ Jesu wakamutukila dayimona, akwaamba kuti, ''Utaambuli zwa mulinguwe. Aawo dayimona nakamuwisya mwaalumi aakati kabo, wakazwa mulinguwe, alimwi telyakamuchisa abunini. ³⁶ Boonse bantu bakagamba, alimwi bakaliswini kwambula atala anzizyo umwi awuumwi. Bakati , ''Musyobo nzi wamabala ali obu? Wakulayilila myuuya mibi chabwendelezi anguzu alimwi yazwa.'' ³⁷ Alimwi makani mabotu akatalika kuyanzala kumabazu woonse akuchisi. ³⁸ Mpawo Jesu wakazwa muchikombelo, alimwi wakanjila mung'anda ya Sayimoni. Lino banyinazyala ba Sayimoni bakalikuchiswa akupya mubili, alimwi bakabakombelezezya kuli nguwe. ³⁹ Mpawo wakayimikila kunembo lyamwanakazi akukalalila kupya kwamubili, alimwi bwakamusiya bulwazi. Mpawo, wakanyampuka akutalika kubakutawukila. ⁴⁰ Mpawo zuba nilyakabbila, bantu bakamwetela Jesu boonse bakali aamalwazi asiyenesiyene wakabika maboko akwe kuli boonse akubaponia. ⁴¹ Madayimona alawo akazwa kubayingi babo, kalikulila kaamba kuti, ''Uli Mwana wa Leza!'' Jesu wakakalalila ma daimona alimwi akutazumizya kuti uaambule nkaambo akalizi kuti ngu Kkilisto. ⁴² Lino nibwakasika buzuba bwakulyokezya, wakaya kubusena buumwide. Makamu abantu akalikumulanguula akasika nkwaakabede. Bakeezya kumukasya kuti atazwi pe akati kabo. ⁴³ Pele wakati kulimbabo, ''Ndilelede alimwi kukambawuka ijwi atala abwami bwa Leza kumadolopo miingi, nkaambo aka nkikambo nkindakatuminwa.'' ⁴⁴ Alimwi wakeendelela kukambawuka muzikombelo zyoonse zyamu Judiya.