¹ Lino mulayo mazuba, kwakasika akuti oyo siza Agasitasi wakatamuna mulumbe kulayilila kuti kubalwa kwachitwe kwabantu boonse bapona munyika. ² Oku kwakali kubalwa kutanzi kwakachitwa chiindi kkwiniliyasi nakali mwendelezyi wa Siliya. ³ Aboobo muntu woonse wakiinka kudolopo lyakwe kuti akalembesye kubalwa ⁴ Josefa alakwe wakinka atala kuzwa ku Galile, kuzwa kudolopo lya Nazaleta, kuya kuJudiya , kuya kudolopo lyaDavida, oyo utegwa Betelehema, nkaambo wakali wang'anda a lunyungu lwaDavida. ⁵ Wakayinka ooko kuti akalembesye aantomwe a Meli, ooyo ngwakatuminide alumwi wakali aatambu. ⁶ Lino kwakasika kuti biyo nibakachiliko oko, ichindi chakasika chakwe kuti atumbuke mwana wakwe. ⁷ Wakatumbuka mwana mulombe, mwana mutanzi wakwe, alimwi wakamuputila mumalembo akasala malamfu alimwi wamulazika muchata, nkaambo tekwakalikwe busena bulabo munga'nda yabenzu. ⁸ Kwakaliwo bembeli mubusena obo bakalikukkala mumyuunda, kabalo kulinda butanga bwabo mansiku. ⁹ Mungelo wamulami wakaboneka kuli mbabo, alimwi abulemu bwaMwami bwaka yubununwa alimbababo, alimwi bakazula akuyowa kupati. ¹⁰ Mpawo mungelo wakamba wakati, ''Mutayowinkambo ndamwetela makani mabotu ayo atazo yete kukondwa kupati kubantu boonse. ¹¹ Sunu mufuli wazyalilwa ndinywe mudolopo lyaDavida nguKKilisto mwami! ¹² Echi nchichitondezyo chitakapegwe kuli ndinywe. Mulojana mwana kaputilidwe mulembo likasalaalimwi kalede luchaata.'' ¹³ Mpawo mpawo kwakaliwo antomwe abangelo biingi loko bazwa kujulu, kulumbaizya Leza alimwi kabati, ¹⁴ ''Bulemu kuli Leza usumpukide, alimwi ngakube luumuno munyika akati kabantu amwi amoyo ngwaboteledwe.'' Amwi malembo achiindi achi Greeki alakupeleta kusiyenesiyene oko kubona kwaamba kwamabala abili akonzya kwaamba zilikumamanino amabala mache a muchala 14, yabili nkili njiyandisigwa. Kubona kwaamba nkoku: chiyandisisyo chibotu kubantu na aakati kabantu aalumwi aliwoyo we (Leza) ngwaboteledwe. ¹⁵ Kwakaba kuti awo bangelo kabali bayinka kuzwa alimbabo kuya kujulu, beembeli bakati kuli umwi awumwi, ''Ngatwiinke lino ku Betelehema alimwi tukabone eechi chintu chachitika, eecho Mwaami nchatuyubunwida. ¹⁶ Bakafwambaanina nkuko alimwi bakujana Maliya, Jozefu, amwana oyo wakalede muchaata ¹⁷ Kuzwaawo abo nibakabamubona, bakazibisya ezyo zimbakali babuzigwa bo atala amwana. ¹⁸ Boonse abo bakamvwa bakagamba kuli zezyo zyakambwa abembeli. ¹⁹ Pesi Maliya wakali kuyeya a makani ngakali wamvwa, wakalondolawo mumoyo wakwe. ²⁰ Bembeli bakabweda kabalumbaizya akutembawula Leza kuli zyoonse ezyo zibakamvwa akubona, mbuli mbubaka mbilwa. ²¹ Elyo kwakiinda mazuba masanu aatatu, elyo nakabalulwa, wakuzikwa wategwa Jsu, izina ndyakapedwe amungelo musule katana mintwa mwida ²² Elyo ilangililwa mweelwe yamazuba akulisalazya kwabo nakiinda, mbuli mumulawo waMozesi, bo bakamweta kuchikombelo kuJelusalema kulomupeda kumwaami. ²³ Mbuli mbukulembedwe mumulawu wamwami, ''woonse mwana mulombe ujula ida ulo bikkwa kumbali kuMwami.'' ²⁴ Abobo bakapa chipaizyo mbuli ezyo zyakambidwe mumulawu wamwana, ''inziba zibili nabana bankuilimba. ²⁵ Amubone kwakali mwalumi muJelusalema ula zina litegwa Simiyoni, alumwi oyo mwalumi wakali luleme a kulipeda. Wakali kalangilila kumbilizigwa kwabaIzilayeli, alubo muuya usalala wakala tala anguwe. ²⁶ Zyakali zyayubununwa kuli nguwe a Muuya Usalala kutitakozobona lufu katanakubona Kkilisito wa Mwaami. ²⁷ Kazulwidwa aMuuya, Simiyoni waka sika muchikombelo. Elyo bazyali bakanjizya mukati mwana Jesu, kulo muchitila mbuli chiyanza chabo chamulawo. ²⁸ Wakamubweza mumaboko aakwe alimwi walumbaizya Leza, alimwi wakati, ²⁹ ''Lino leka mulandawako ayiinde mulumuno, mwami, mbuli ijwi lyako. ³⁰ Nkaambo menso angu abona lufutuko lwako, ³¹ oolo nduwakabambila kunembo lyabantu boonse. ³² ''Mumuni wachiyubunuzyo kuli ba masi alimwi bulemu kubantu bako Izilayeli.'' ³³ Wisi wakwe a banyina bakwe, bakagambilwa aatala azintu zyakalikwaambulwa aatala anguwe. ³⁴ Simiyoni wakabalongezya mpawo wakati kuli banyina, "Amulange mwana ooyu ulisalidwe kuti kube kuwa akusumpulwa kwabamwi bantu biingi muli Izilayeli achitondeezyo chikakidwe - ³⁵ alimwi ipanga liyoyasa muuya wako - kuchitila kuti myoyo myiingi ikayubununwe." ³⁶ Musinsimi mwanakazi uutegwa Ana wakaliwo. Wakali mwana musimbi waFanuwelo kuzwa kumukowa wa Asha. Wakali wapona amulumi wakwe minyaka ili musanu ayibili kuzwa kubusimbi bwakwe. ³⁷ Alimwi wakali mukamufu kwamwinyaka ili makumi musanu aatatu atune. Takwe nakazwide muchikombelo pesi wakali kubelekela kulyimya a kukomba mansiku, asikati. ³⁸ Kuli ndilelyo wola wakaswena afwifwi kuli mbabo almwi wakatalika kupa kulumba kuli Leza, alimwi wakambula alubo aatala amwana kubantu boonse abo bakali kulindila kufutulwa kwaJelusalema. ³⁹ Eelyo aabo boonse nibakamanisya nzibakeelede kuchitambuli mulawo wamwami, bakabweeda ku Galili, kudolopo lyabo lya Nazaleta. ⁴⁰ Mwana wakakomena alimwi wakasima, kuyungizya mubusongo, alimwi luzyalo lwaleza lwakali aanguwe ⁴¹ Bazyali bakwe bakali kwiinka munyaka umwi awumwi ku Jelusalema kupobwe lya kwindilila. ⁴² Awo nakaba aminyaka kkumi ayibili, bakabweda lubo mbuli chiindi chachiyanza chabo kupobwe. ⁴³ Nibakakkala mazuba azulide aa pobwe, bakabweda kumunzi. Pesi mulombe Jesu wakasyala ku Jelusalema alimwi bazyali bakwe tebakazipe. ⁴⁴ Bakayelela kuti wakali akabunga ako nkibakayobwenda aako, mpawo bo bakenda musinzo wazuba limwi. Mpawo bakasanguna kumulangula akati kanzubo zyabo abeenzinyina. ⁴⁵ Eelyo nibakamubula, bakabweda ku Jelusalema alimwi bakatalika kumuyandula nkuko. ⁴⁶ Zyakachitika kuti musule lyamazuba aatatu bakasanguna kumuyandula mung'anda ya Leza, kakkede akati kabayisyi, kalokubaswilizya akubabuzya mibuzyo. ⁴⁷ Boonse bakamumvwa bakagamba kukumvwisisisya kwakwe akunsandulo zyakwe ⁴⁸ Elyo nibakamubona bakakankabala. Banyina bakati kulinguwe, ''Mwanaangu, nkambonzi nwatujata enzila eyi? Langa, wuso andime twalikukuyandula achakutankalinkana.'' ⁴⁹ Wakati kulimbabo, "Nkambonzi nimwalikundiyandula? Temwazi na kuti ndeelede kuba mungánda yandeende?" ⁵⁰ Pesi bo tebakamvwisisya nzyakalikwamba awayo majwi. ⁵¹ Elyo wakabweda kumunzi kulimbabo kuNazaleta alimwi wakali kulibombya kuli mbabo. Banyina bakalondola zyoonse ezi mumoyo wabo. ⁵² Pesi Jesu wakaya kunembo akukomena mubusongo a muchiimo, alimwi wakayungizya kuluzyalo kuli Leza aku bantu