¹ Biingi bakatola mulimu wakubikka antoomwe zintu zyakazuzikizigwa akati kesu, ² mbuli mbuzyakayinzigwa kizosika kulindiswe abaabo kuzwa chiindi bakali bakamboni alubo kabali bala bejwi. ³ Chakabaanga nchibotu kulindime ambebo - nkaambo ndakachita mfunkununo izulide aatala azeezyo zyakachitika kuzwa kumatalikilo - kuti ndikulembele lugwalo, webo nomusongo Tiofilasi. ⁴ Kuti uzibe choonzyo aatala azintu nzuwakayiisigwa. ⁵ Mumazuba aHelodi mwami waku Judiya, kwakali umwi mupaizi wakalikutegwa Zekaliya, wakali kwakulubazu lwa Abija. Mukayintu wakwe Elizabeti alubo wakali walunyungu lwa Aaloni. ⁶ Bakaliluleme boonse kunembo lya Leza, kabalemeka milawu yoonse anzyatalide Mwami. ⁷ Pesi tebakalikwe mwana pe nkaambo Elizabetji wakali ngomwa, alubo bakali bachembaala boonse mulechi chiindi. ⁸ Lino kwakasika aachiindi Zekkaliya mpakali mubuliwo bwa Leza, kalikuchita milimu ya bupayizi mbuli mumabambe aakwe. ⁹ Mbuli munzila yachiyanza yakusala mupayizi utabeleke, wakali wasaligwa achisolo kuti anjile muchikombelo cha Leza kuti akatente tununkilizyo. ¹⁰ Choonse chibunga chabantu chakali kukomba aanze kuhola eelyo tununkilizyo nitwakali kutentwa. ¹¹ Mungelo wa Mwami wakalibonia kuli nguwe alimwi wakayima kubbazu lyakululyo lyachipayililo, ¹² Eelyo Zekaliya naakamubona, zyakamukataazya, alimwi kuyoowa kwakamujata. ¹³ Pesi mungelo wakati kulinguwe, "Utayoowi, Zekaliya, nkaambo nkombyo yako yamvwika. Mukako Elizabetki ulakuzyalila mwana mulombe. Uzomuuzika kuti ngu Joni ¹⁴ Uyooba aakukondwa akusekelela, alimwi biingi bayoobotelwa akuzyalwa kwakwe. ¹⁵ Nkaambo uyooba mupati kubusyu bwa Mwami. atazonywi wayini na zinywigwa zilula, alubo unozwide Muuya Uusalala kuzwa mwida lyabanyina. ¹⁶ Biingi bana ba Izilayili bayobweeda ku Mwami Leza wabo. ¹⁷ Uzoya kunembo lya Mwami mumuuya amumanguzu aa Elija. Uzoochita eezi kuti azosandule myoyo yamataata kuti ibweede kubana babo, kuchitila kuti batalemeki mulawu bazoyende mubusongo bwabaluleme - kuchitila kubambila Mwami bantu babambilidwe nguwe." ¹⁸ Zekaliya wakati kumungelo."Ndilaziziba biyeni eezi? Nkaambo ndachembaala abanangu bachembaala." ¹⁹ Mungelo wakamusandula wati kulinguwe, "Ndime Gabbuliyeli, wiima mububewo bwa Leza. Ndatumwa kuti ndizowambule aanduwe, ndikweetele majwi mabotu aaya. ²⁰ Langa, uyowumuna, tokoyokonzya kwaambula pe, kuyosika zikachitike zintu eezi. Eezi zyachitika nkaambo taakwe niwasyoma majwi aangu, ayoozuzikizigwa muchiindi cheelede." ²¹ Lino bantu bakalikulinda Zekaliya, bakagamba kuti nkaambonzi naatola chiindi chilamfu chiloobu kachili muchikombelo. ²² Pesi naakazwida aanze takachili kukonzya pe kwaambula. Bakakubona kuti wakabona chilengaano nakali muchikombelo. Wakalikwaambuula katondeeka biyo muchuumunizi. ²³ Chiindi chakumana kwamulimu wakwe nichakasika wakabweeda kung'anda yakwe. ²⁴ Musule lyamazuba aaya, mukayintu wakwe Elizabeti wakajata da. Wakalisisa kwamyeezi musanu. Wakaamba kuti, ²⁵ "Eechi nchandichitila Mwami naakandilanga wandimvwida luzyalo kuti andigwisye mawuse kunembo lyabantu. ²⁶ Mumweezi wamusanu awumwi, mungelo Gabbuliyeli wakatumwa kuzwa kuli Leza kuya kudpolopo lyaku Galilii litegwa Nazaleta, ²⁷ kuya kuli nakalindu wakatangidwe kumwaalumi wakalikutegwa Jozefu. Wakali walunyungu lwa Devidi, alubo pzina lyamusimbi lyakali Meli. ²⁸ Wakasika kulinguwe wati, "Wapona iwe noopedwe luzyalo lupati. Mwami uli aayebo." ²⁹ Pesi wakanyonga kapati amajwi aamungelo alwimwi wakagamba kuti nkujuzigwa kulibiyeni ooku. ³⁰ Mungelo wakati kulinguwe, "Utayowi, Meli, nkaambo wajana luzyalo kuli Leza. ³¹ Langa uzoojata da uzoozyale mwana mulombe. uzomuuzika zina lyakuti, 'Jesu'. ³² Unooli mupati alubo unoyitwa kuti Mwana wa Simajulu. Mwami Leza uyomupa chuuno chabwami bwa syanyinakulu Devidi. ³³ Uzooyendelezya ng'anda ya Jakobo mane kukabe kutamani, alimwi bwami bwakwe tabukozoomana pe. ³⁴ Meli wakati kumungelo, ''Ziyoochitika biyeni eezi nkaambo nsinaziba mwaalumi pe?'' ³⁵ Mungelo wakatgi kulinguwe, ''Muuya Uusalala uzoosika kulinduwe, alubo nguzu zya Simalelo zizoosika alinduwe. Aboobo ooyo uusalala uutazozyalwe uzootegwa Mwana Mulombe wa Leza. ³⁶ Langa munakwenu Elizabeti ulaada lyamwana mulombe mubuchembele bwakwe, lino wanba mumweezi wamusanu awumwi, ooyo wakalikutegwa ningomwa. ³⁷ Nkaambo taakwe chimukachila pe Leza. ³⁸ Meli wakati, ''Langa ndimulanda waMwami, azibe kulindime mbuli majwi aako.'' Mpawo mungelo wakamusiya. ³⁹ Mpawo mumazuba aayo Meli wakanyamnpuka watgozya kubusena bwazilundu, kudolopo lya Judiya. ⁴⁰ Wakanjila mung'anda ya Zekaliya wakujuzya Elizabeti. ⁴¹ Aawo Elizabeti naakamvwa kujuzya kwa Meli, mwana wakali mwida lyakwe wakasotoka, mpawo Elizabeti wakazuzigwa aMuuya Uusalala. ⁴² Wakoompolola ajwi pati wati, "Ulilongezezegwe iwe akati kabamwi banakazi, alubo ulilongezezegwe muchelo weda lyako. ⁴³ Nkamboonzi nikchachitika kuti banyina aMwami wangu basike kulindime? ⁴⁴ Nkaambo langa, majwi aako akundijuzya naanjila mumatwi aangu mwana uulimwida lyangu wasotoka alukondo. ⁴⁵ Aboobo ulilongezezegwe ooyo uuyoosyoma kuti kuyooba kuzuzikizigwa kwazintu eezi nzyaakambilwa kuzwa kuMwami." ⁴⁶ Meli wakati moyo wangu ulalumbayizya Mwami, ⁴⁷ alubo muuya wangu ulalumbayizya Leza mufutuli wangu. ⁴⁸ Nkaambo wakalanga chiimo chaansi chamulanda wakwe. Nkaambo amulange, kuzwa lino mazyalane woonse ayondiijta kutghi ndili longezezegwe. ⁴⁹ Nkaambo ooyo wandichitila zintu zipati, alimwi zina lyakwe lilasalala. ⁵⁰ Luzyalo lwakwe luyoozulila kuzwa kuzyalane kuya kulilimbi zyalane kuli aabo bamuyoowa. ⁵¹ Wakatondeezya nguzu ejanza lyakwe; wakasansaanya aabo balisumpula aatala amizeezzo yamyoyo yabo. ⁵² Wakagwisya bana babaami kuzwa kuzyuno zyaabo alimwi wakasumpula aabo bali aachiimo chilaansi. ⁵³ Wakakutya basinzala azintu zibotu, pesi bavubi wakabaanda kabatakwe chintu. ⁵⁴ Wakapa lugwasya kuli Izilayeli mulanda wakwe, kuti ayeeye kutondeezya luse ⁵⁵ (mbuli mbakaamba kuli basikale besu) kuli Abraham alunyungu lwakwe.'' ⁵⁶ Meli wakakkala a Elizabeti kwamyeezi yotatwe mpawo wabweda kung'anda yakwe. ⁵⁷ Lino chakasikachiindi chakuti Elizabeti atumbuke aboobo wakatumbuka mwana mulombe. ⁵⁸ Basimabambanwa antoomwe abasinzubo zyakwe bakamvwa kuti Leza wakamutondeezya luzyalo, mpawo bakabotelwa aamwi anguwe. ⁵⁹ Mpawo mubuzuba bwamusanu aatatu bakasika kuzopalula mwana. Bakalikuyanda kumuuzika kuti "Zekaliya" zina lyawisi. ⁶⁰ Pesi banyina bakasandula bati "Pe. ulayitwa kuti ngu Joni." ⁶¹ Bakati kulinguwe, taakwe pe kuluzubo lwesu loonse ulazina eeli." ⁶² Mpawo bakaambuula awisi anzila yakutondeeka kababuzya kuti uyanda kuti mwana awuzikwe zina lili. ⁶³ Wisi wakakumbila aakulembela, mpawo wakalemba kuti, "Izina lyakwe ngu Joni." Boonse zyakabagambya eezi. ⁶⁴ Mpawaawo mulomo wakwe wakajulika mpawo lulimi lwakwe lwakaangunuka. Wakaambula akulumbayizya Leza. ⁶⁵ Kuoyoowa kwakabasikila boonse bakalikukkala afwiifwi ambabo. Impuwo yoonse eeyi yakazula kumalundu achisi cha Judiya. ⁶⁶ Boonse bakazimwa bakazibamba mumyoyo yabo, kabati, "Ooyu mwana uzooba nyamaanzi?" Nkaambo kuboko kwa Leza kwakali aanguwe. ⁶⁷ Wisi Zekaliya wakazula Muuya Uusalala mpawo wakasinsima, kati, ⁶⁸ "Atembawulwe Mwami, Leza wa Izilayeli, nkaambo wasika kuzogwasya alimwi weeta lufuko kubantu bakwe. ⁶⁹ Wakatunyampwida lwija lwalufutuko mun'anda yamulanda wakwe Deviti ⁷⁰ (mbuli mbakaambula amilomo yabasinsimi bakwe basalala bakale), ⁷¹ lufutuko kuzwa kulibasinkondoma alimwi akuzwa kujanza lyabaabo batusula. ⁷² Uzoochita eezi mukutondezya luzyalo kumataata esu akuyeeya chizuminano chakwe chisalala, ⁷³ chikonke nchaakachita kuli Abbulahamu taatesu. ⁷⁴ Wakakonka kuti swe, nitwakafutgulwa kuzwa kumaanza abasinkondoma, tuzomubelekele kaututayoowi pe, ⁷⁵ mubusalali amubululami kunembo lyakwe mumazuba esu woonse. ⁷⁶ Iyii, anduwe, nomwana, uzoyitwa kuba musinsimi waSimajulu, nkaambo uzoyhinda kunembo lya Mwami koyabubamba nzila, kobambila bantu mukusika kwakwe, ⁷⁷ kupa luzibo lwalufutuko kubantu bakwe akulekelelwa kwazibi zyabo. ⁷⁸ Eezi zizoochitika nkaambo kaluzyalo lwa Leza wesu, nkambo mukuyozwa kwazuba uzoosika kuzotugwasya, ⁷⁹ likabamunikile bakkede mumudima amumweenzule walufu. Uyoochita eezi kuti akazulwide mawulu eesu munzila yaluumuno." ⁸⁰ Lino mwana wakakomena wasima mumuuya, alimwi wakakkala munkanda kuyoosika buzuba mbwakalitodeezya kuli Izilayeli.