¹ Mubuzuba obo mwami Dibbola a Bbalaki mwana mulombe wa Abbinoyamu bakiimba lwiimbo olu: ² ''Elyo basololi nibasolweda mu Izilayeli, bantu nibalipeda chakubotelwa kuya kunkondo-tulumbayizya Jehova! ³ Amuswilile, nywebo nobaami! Imebo, Ndiyoyimbila Jehova; Ndiyoyimba intembawuzyokuli Jehova, Leza wa Izilayeli. ⁴ Jehova, muchindi niwakazwa ku ku Seyili, niwakeenda kuzwa ku Edomu, inyika yakateketa, alimwi mulengalenga awulawo wakandengenda; awalo mayoba akatila maanzi ansi. ⁵ Malundu akazuzuma kunembo lyabusyu bwa Jehova; nichiba chilundu cha Sinayi chakazuzuma kunembo lyabusyu bwa Jehova, Leza wa Izilayeli. Mumazuba a Syamuga (mwana mulombe wa Anati), ⁶ mumazuba a Jayeli, migwagwa mipati yakalekwa, alimwi abo bakali kweenda bakabelesya biyo tuzila tuzyunguluka. ⁷ Kwakali bantu bache bamuluwa mu Izilayeli kusikila mebo, Dibbola, ndabuka-ndabuka mbuli baama mu Izilayeli! ⁸ Nibakasala baleza bapya, kwakaba kulwana kumilyango yamuunzi nikuba kwakaba kulwana kumilyango yamunzi nikuba tekwakali ntobo naa masumu akaboneka akati kazyuulu zili makkumi oone mu Izilayeli. ⁹ Moyo wangu ulaya kuli basilutwe ba Izilayeli, aamwi abantu bakalipeda chakukondwa-tulongezya Leza akaambo kabo! ¹⁰ Amuyeeye aatala acheechi-nywebo nimweenzya mbongolo zituba kamukkede mumazavuzavu mbuli zyuuno, alimwi nywebo nimweenda kamutobela mugwagwa. ¹¹ Amumvwe majwi abaabo biimba kumasena amanzi. Nkuko balamba alimwi inchito zyabululami bwa Jehova, alimwi anchito ziluleme zyaba silumamba bakwe mu Izilayeli. Mpawo bantu ba Jehova bakakunukila kumilyango yamuunzi. ¹² Buka! Kobuka, Dibbola! buka, yimba lwiimbo! Nyampuka, Bbalakki, alimwi uwange basintolongo bako, webo yomwana mulombe wa Abbinowami. ¹³ Mpawo bakafutuka bakeza kubapati; bantu ba Jehova bakakunukila kuli ndime abasilumamba. ¹⁴ Bakeeza kuzwa ku Efulemu, ulamuyanda uli mu Amaleki; Bantu ba Bbenjamini bakakutobela. Kuzwa kubendelezi ba Makkili bakakunuka alimwi kuzwa ku Zebbuloni abo babweza musako wasimulimu mupati. ¹⁵ Bana babwaami bangu muli Izaka bakali a Dibbola; alimwi Izaka wakali a Bbalakki kabayobufwambana musule lyakwe kabaya mumusena munsi lyamalayilile akwe. Akkati kamikowa ya Lubbeni kwakali kulingulula kupati mumyoyo yabo. ¹⁶ Nkambonzi nimwakakkala akkati kamasuwa, kamuswilizya kubembeli kabalizya matanga aabo miteteele? Kwamikowa ya Lubbeni kwakali kulingululwa kupati kwamoyo. ¹⁷ Giliyadi wakali kukkala kuli limwi bbazu lya Jodani; alimwi Dani, nkamboonzi nakali kuzuungaana amaato? Asya wakakkalilila munkomwe akukkala afwifwi azito zyakwe. ¹⁸ Zebbuloni wakali mukowa wakali kunga walyaaba buumi bwawo kusikila kuchibeela chalufu, alimwi Nafutali, alakwe, ulimumbuwa zyankondo. ¹⁹ Baami bakeza, bakalwana; baami ba Kkenani bakalwana ku Tanakki kumbali lyamaanzi aku Megido. Pesi takwepe nibakabweza nsiliva mbuli chisaalo. ²⁰ Kuzwa kujulu inyenyeezi zyakalwana, kuzwa kunzila yazyo kwinga majulu zyakalwana aa Sisela. ²¹ Imulonga Kkisyoni wakaba kukula, mulonga oyon wakale, mulonga Kkisyoni. Amufoole mumuuya wangu muyume! ²² Mpawo wakamvwika muzuzumo wansumba zyambongolo-kazizyatuuka, kuzyatuuka kwaba singuzu bakwe. ²³ ''Tukila Melozi'mbwawamba mungelo wa Jehova. 'Nchobeni tukila babo bakkala mumomo! - nkambo tebakaza kuzogwasya Jehova-kuti bazogwasye Jehova munkondo yakulwana abasikulwana basinguzu.' ²⁴ Jayeli uli longezegelwe kwiinda banakazinyina boonse , Jayeli (mukayintu wa Hebba mu Kkeniti), ulilongezezegwe kapati kwiinda boonse banakazi bakkala mumisasa. ²⁵ Mwaalumi wakalomba maanzi, alimwi wakamupa malili; wakamuletela choonde mumutiba weelela bana babaami. ²⁶ Wakabika ijanza lyakwe kunkaanka yamusasa, alimwi janza lyakwe lyachilisyo kunsando yasimulimu; ansando wakagankamina Sisela, wakapwaya mutwe wakwe, wakapwachuula kanza kakwe mutumpanzi nakamuyasa kumbali lyamutwe wakwe. ²⁷ Wakawida akkati kumbali kandyato zyakwe, wakawa akoona mpawawo. Wakawida akkati kamawulu akwe chakukachilwa. Abusena mpakawida mpempawo mpakajiilwa. ²⁸ Kuzwa kumpulungwido wakalanga-banyina a Sisela wakayuna mukamani akutambwizya chakusululwa, 'Nkamboonzi niwatola chiindi mizuzumo yakulila kwansumba zyambongolo ezyo zikwela nkalaki zyakwe nizyachelezegwa?' ²⁹ Bana bakwe basimbi babwaami basongo bakamusandula alimwi wakalipa nsandulo njiyoonya eyo: ³⁰ Tebakajana naa akwabana chisaalo - izyalilo, mazyalilo abili kumwaalumi umwi awumwi; chisaalo chamasila azilulwidwe a Sisela, chisaalo chamasila azilulwidwe akulukwa, zimpanzi zyobile zyamasila azilulwidwe kaalukidwe aansingo zyabaabo basikukona?' ³¹ Aboobo basinkondonyokwe boonse ngabaabe mbuli zuba nilipasula munguzu zyalyo.'' Mpawo nyika yakaba aaluumuno kwamyaaka iili makkumi oone.