¹ Mpawo Jozefu wakayoowa zyakachitika kuti awida abusyu bwa wisi, alimwi walila aali nguwe wamumyonta. ² Josefu wakalayilila balanda bakwe basilisi kuti bayanike mutunta wa wisi. Aboobo basilisi bakayanika mutunta wa Izilayeli. ³ Bakabweza mazuba aali makkumi one, ngumweelwe wamazuba akuyanika mutunta. Ba Ijipiti bakamulila mazuba aali makkumi aali makkumi aali musanu aabili. ⁴ Eelyo mazuba aakulila naakayinda, Jozefu wakaambila basinganda ba Falo, kuti,'' Lino ndajana choolwe mumeenso aanu , ikaka amwaambile Falo, kuyi, ⁵ Tata wakandikonkezya, wakati, boona, ndamba kufwa. Mukandizikke kukabanda kangu nkindakalisyida munyika ya kanani.Nkoko nkotakandizike.'' Lino njinke nkazikke Taata, mpawo njooboola.'' ⁶ Falo wakasandula ,'' koya ukazike wuso, mbuuli mbwakakukonkezya.'' ⁷ Jozefu wakiinka kukuzika wisi. Aboonse balanda ba Falo bakayinka awe abapati basinganda yakwe, Bonse bapati ba Ijipiti, ⁸ Antomwe aboonse babe nganda ya Jozefuaba bunyiina, abutanga bwabo, mpawo angombe zyabo zyakasyaalamunyika ya Gosheni. ⁹ Inkalaki alimwi abasimabbiza abalabo bakiinka anguwe .Yakali nkamu mpati loko yabantu. ¹⁰ Lino nibakasika ku Bbuwa lya chipolelo cha Atadi kulubazu lumwi lwa Jodani, bakalila kupati kuyoosya loko. Nkukonya Jozefu wakachita mazuba musanu aabili nkaaliikulila wisi. ¹¹ Nkinkaako bantu banyika, ba kanana, nibakabona kulila mubbuwa lya Atadi, bakati,'' oku kulila kwaba Igipita kulayoosya loko,'' Eechi nchenchicho busena nchibwaka wuzikwa kuti Abel Mizilayimu, ilimutala lya Jodani. ¹² Aboobo bana bakwe bakamuchitila mbubonya mbwakabalayilila. ¹³ Bana bakwe bakamubweza akumutola kunyika ya Kanana mpawo bamuzika musempo lili mumyunda yamayumbwe. Oyo ngwakawulide kuzwa kuli Ifuloni mu Hitayiti. ¹⁴ Amane kuzika wisi, Jozefu wakabweeda mu Ijipita, we, ababunyiina mpawo aboonse abo baka musindikide kukuzikka wisi. ¹⁵ Lino babunyiina ba Jozefu nibakabona kutiwisi wabo wafwa, bakati, ''Ambweni Jozefu uyootusula akutuboozezya bubi boonse mbutwakamuchitila?'' ¹⁶ Aboobo bakatumina Jozefu, mulaazyo wakuti,'' wisi naakatalina kufwa, wakalayilila kuti, ¹⁷ ''mbuboobo mbubobo mbumwelede kwambila Jozefu,'' Ikaka ulekelele bubi bwaba kkulana bako mpawo azibi zyabo nebakakuchitila bubi.'' Lino ikaka lekelela balanda ba Leza ba wuso.'' Jozefu wakalila lino nibakamwaambila. ¹⁸ Ibakkulana bakwe abalabo bakayinka akuvundama abusyu kunembo lyakwe. Bakati,''Bona, tulibalanda bako.'' ¹⁹ pesi Jozefu wakabasandula,'' Muta yoowi saamebo ndimuchibaka cha Leza? ²⁰ Inywe, mwakayeeya kundichitila bubi, pesi Leza wakabusandula akubuchita bubotu, kuti alondole , mawumi abantu banji, mbuuli mbumubwene sunu. ²¹ Nkinkaako lino mutayoowi. Njoomulela nywebo abana banu.'' Mbwakabawumbulizya akubakkazika myoyo yabo. ²² Jozefu wakakkala mu Ijipiti, antomwe ampuli yawisi . wakakapona kwamyaaka iili mwaanda akkumi. ²³ Jozefu wakabona bana ba Ifulemu bamuzukulu watatu. Alubo wakabona bana ba Makiya bana balombe balombe ba Manase, abo waka bekidwe amazwi a Jozefu. ²⁴ Jozefu wakambila bakkulana bakwe,'' mebo ndaamba kufwa; pesi Leza nchobeni unoomuswaya akumu zulwida munyika ino kuti muye kunyika eyo njaka konzezya kupa Abbulahamu, kusika kuli Isaka, akuli Jakkobbu.'' ²⁵ Mpawo Jozefu makachita bana balombe ba Isilayeli kukonka chikonke. Wakati, ''Leza nchobeni unoomuswaya. kuchiindi echo mulelede ku bweza zifuwa zyangu kuzwa okuno.'' ²⁶ Aboobo Jozefu wakafwa, kali amyaka iili mwaanda akkumi lyomwe. Bakayani mutunta wakwe akumubika muchilondwedo mu Ijipiti.