¹ Zyakachitika muleecho chiindi kuti Juda wakasiya bana bakwabo akuyokkala awumwi mu Adulamayiti, izina lyakwe kateegwa ngu Hila. ² Ooko wakaswana mwana wechanakazi wamwalumi waku Kkenani zina lyakwe kateegwa Shuwa. Wakamukwata akuyowonawe. ³ Wakaminta akuzyala mwana mulombe. Wakamuuzika izina lyakuti Elu. ⁴ Wakaminta lubo akutumbuka mwana mulombe. Oyo ngwakawuzika izina lyakuti Onani. ⁵ Wakaminta lubo alimwi wakazyala mwana mulombe ngwakawuzika izina lyakuti Shila. Kwakali ku Chezibbu oko nkwakamuzyalila. ⁶ Juda wakajanina Elu mwana wakwe mulombe wabubele mwanakazi. Izina lyakwe walikuteegwa Tama. ⁷ Elu, mwana mutanzi wa Juda, wakali mubi mumenso aa Jehova. Jehova wakamujaya. ⁸ Juda wakati kuli Onani, ''Koya unjile kumwanakazi wamukulana wako. Uchite mulimo welede malinyina kulinguwe, kuti uzyalile mukulana wako mwana.'' ⁹ Onani wakaziba kuti mwana takozoba wakwe pe. Kufumbwa mpakali kunjiila kumwanakazi wamukulana, wakali kusubila aansi bwalumi bwakwe kuti atazyalili mukulana mwana. ¹⁰ Nzyakachita zyakali zibi mumenso aa Yahweh. Yahweh wakamujaya alakwe. ¹¹ Aboobo Juda wakati kuli Tama, mukamwana wakwe, ''Kakkale mung'anda yawuso mbuli mukamufu kusikila mane Shila, mwana wangu mulombe akkomene.'' Nkambo wakayowa, ''Kuti amwi alakwe afwe, mbuli bakkulana bakwe.'' Tama wakeenda wakukkala kung'anda yawisi. ¹² Musule echindi chilamfu, mwana wa Shuwa, mwanakazi wa Juda,wakafwa. Juda wakuumbulizigwa alimwi wakaya kuli bageli bembelele zyakwe ku Timuna, we amwenzinyina Hila mu Adulamayiti. ¹³ Tama wakambilwa kuti, ''Langa, wusozyala uyobuya ku Timuna kuyogela mbelele zyakwe.'' ¹⁴ Wakazwatununa zisamo zyakwe zyabumukamufu akulivumba anselelemba yakwe akulivulingilizya. Wakakkala kumanjililo a Enaimu, afwifwi amugwagwa uuya ku Timuna. Nkambo wakabona kuti Shila wakomena pele takomupegwa kuli nguwe kuti abe mwanakazi wakwe. ¹⁵ Eelyo Juda nakamubona wakayeya kuti mahule nkambo wakalivumbide busyu bwakwe. ¹⁶ Wakaya kuli nguwe kumbali amugwagwa, akwamba kuti ''Koboola kaka, ndizumizye ndiwone ayebo''- nkambo takwe nakaziba kuti ngumukamwana wakwe elyo we wakati, ''Ulandipaanzi kuti uwoone andime?'' ¹⁷ Wakati, ''Ndiyokutambikizya kapongo kanini kuzwa mubutanga.'' wewakati, ''Ulandipa mbejiinzi yachijatizyo kotana kukatumizya kapongo?'' Wakati, ''Ino inga ndilakupa mbejiinzi?'' ¹⁸ Wakavwiila, ''Chisimyo chako akakole alimwi amufunko uuli mukuboko kwako.'' Wakamupa nzizyo elyo wakanjila woonawe, mpawo wakaminta nkambo kakwe. ¹⁹ Wakabuka wiinka. Wakazwatununa selelemba yakwe wazwata zizwato zyabumukamufu bwakwe. ²⁰ Juda wakatumizya kapongo kanini amwenzinyina mu Adulamayiti kuchitila kuti aboozezegwe imbeji yakwe kuzwa kujanza lyamwanakazi, pele tamujene pe. ²¹ Elyo mu Adulamayiti wakabuzya baalumi bamubusena oobo, ''Ino ulikuli muhule wakali ku Enaimu kumbali amugwagwa?'' Bakati, ''Takwe pe nikwakali muhuule pe okuno.'' ²² Wakabweda kuli Juda akuyowamba kuti, ''Nsiyomujene. Alimwi balumi bamubusena oobo baamba kuti, ''Takwepe nikwakali muhuule pe okuno.'' ²³ Juda wakati, ''Ngaalondole biyo izintu eezyo kuti tutawusigwi. Nchobeni, ndatumizya kapongo aaka kanini, pele toyomujene pe.'' ²⁴ Zyakachitika kuti kusule amyeezi yotatwe Juda wakambilwa kuti, Tama mukamwana wako wakahuula alimwi masimpe ulaada lyabuhule.'' Juda wakati, ''Amumweete okuno azoteentwe.'' ²⁵ Eelyo naketwa aanze, we wakatumizya ijwi kuli wisizyala, ''Ayooyo mwalumi uulezintu ezi ndimintide.'' Wakati mulangisisye kuti ezi zintu nzizyani, chisimyo atukole alimwi amufunko.'' ²⁶ Juda wakaziziba mpawo wakati, ''Walo uliluleme kwinda ndime, nkambo tendakamupa kuli Shila mwana wangu kuti abe mwanakazi wakwe..'' Taakwe nakonawe lubo pe. ²⁷ Chakachitika kuti echindi chakutumbuka amubone mwida lyakwe mwakali mambile. ²⁸ Nakali kusoonoka zyakachitika kuti umwi mwana wakagwisya kuboko, awosikutumbusya wakatola busumyo busalala waanga kukuboko alimwi wakati, ''Ooyu nguwazwa kusanguna.'' ²⁹ Kwakaba kuti mpakabwedezya kuboko kwakwe mukati, alimwi amubone munyina wakazwa kusanguna. Sikutumbusya wakati, ''Ino mbuwazopulumuka.'' Aboobo wakawuzikwa izina lyakuti Pelezi. ³⁰ Lino alakwe wakalabusumyo busalala kukuboko kwakwe, alimwi wakawuzikwa zina lyakuti Zela.