¹ Lino bamwi basinkondonyina babantu ba Juda aba Bbenjamini nibakamvwa kuti aabo bakalibangwa batolwa kumbi bakali batalika kuyaka ng'anda ya Jehova Leza wa Izilayeli. ² Eelyo abo bakaboola kuli Zelubbabbelu abasilutwe babasikale bamikowa yabo. 'Bakati kulimbabo, ''Ngatuyake antomwe andinywe, nkambo aswebo mbubonya mbuli ndinywe, tuyandula kukomba Leza wenu, aswebo twali kupayizya kulinguwe kumazuba Esahadodi mwaami waku Asiliya, wakatweta kubusena okuno.'' ³ Pesi Zelubbabbeli, Jesyuwa abamwi boonse bakasyeede basilutwe babasikale bamikowa bakasandula bakati, ''Nywebo teensi zyenu pe pesi nzizyesu swebonitwelede kuyaka ing'anda ya Leza wesu nkambo ndiswe nitwelede kuyakila Jehova, Leza wa Izilayeli, mbuli mbakalayilila Mwaami Sayilasi waku Pesiya.'' ⁴ Aboobo bantu bakalimugundu bakasoleka kutyompya bantu ba Juda akubakonga kutegwa bayowe kuyaka ng'anda. ⁵ Bakapa balupati babulelo sinkamulomo kabayanda kuchelezya mabambe aabo. Bakali kuchita oobo mumazuba a Sayilasi mane mubulelo bwa Daliyasi mwaami wa Peziya. ⁶ Alimwi kumatalikilo abulelo bwa Zekisesi (oyu wakazibinkene lubo alyakuti Kkekesi) bakalemba chakupa mulandu bantu ba Juda aku Jelusalema. ⁷ Kwakali mumazuba a Atakizesi awo Bbishilamu, Mitiledati, Tabbilu, antomwe abenzinyina bakalemba lugwalo kuli Atakizesi ku mwaami waku Peziya. Lugwalo oolu lwakalembeledwe mumusyobo wachi Alamayikki alimwi akutolekelwa. ⁸ Lehumu musololi a Syimusyayi mulembi bakalemba muleyi nzila kuli Atakizesi atala a Jelusalema. ⁹ Mpawo Lehumu, Syimusyayi, abenzinyina, bakali babetesi abalupati-pati muli fulumende, bamu Peziya, bantu baku Eleki aku Bbabbiloni, alimwi abantu bazwa ku Susa (kwamba kuti, ba Elamayitisi)- bakalemba lugwalo- ¹⁰ alimwi bakajatana abamwi bantu bakali bakkazikwa mu Samaliya changuzu, antomwe abamwi abo bakali muchilikiti Chamutala a Mulonga. ¹¹ Obu mbobwindulule bwalugwalo olo lwakatuminwa kuli Atakizasi: ''Tobalanda bako, baalumi bamuchilikiti Chamutala lya Mulonga, balemba obu: ¹² Akube kuti mwaami azizibe kuti bama Juda bakazwa kuli nduwe bakabola kuzotulwisya okuno ku Jelusalema bayanda kuyakulula dolopo ibbi lipapila. Bakamaninsya kuyakulula bulambo alimwi balikuyakulula intalisyo. ¹³ Lino mwaami olemekwa nchoyelede kuziba nchakuti kuti naa munzi oyu uyakululwe abwanda bwawo bubambululwe tabachiyopi limbi mutelo, chamba kuti ezi chiyojaya chiyobwedo chabaami. ¹⁴ Lino swebo mukuti nduwe nutulanga tatuyandi kubona kuti muleli wasampawulwa, nchenchicho nchitwakalembela zyamakani aya kuti uzibe kutegwa makani aya alangwe-langwe mumalembe abaami bakakusangunina ¹⁵ mumalembe aya uyojana kuti munzi oyu ngwabantu bazangi. Alimwi nchenchicho chakapa kuti munzi ooyu umwayigwe. ¹⁶ Tulikukuzibya mwaami kuti na munzi oyu wayakululwa bulambo bwabambululwa chamba kuti kunoli takwepe chako muchilikiti Chamutala a Mulonga.'' ¹⁷ Aboobo mwaami wakatumina nsandulo kuli Lehumu a Syimusyayi antomwe akubenzinyina bakali mu Samaliya antomwe akulibamwi bakali mukati mu Dolopo Mutala lya Mulonga: ''Lumuno ngalube kulindinywe. ¹⁸ Ilugwalo ndumwakatumina kulindime lwakazopandululwa alimwi lwakabalwa kulindime. ¹⁹ Aboobo ndakabambila kuti balangulisye alimwi bakajana kuti bantu bamuunzi oyu mumazuba akiinda bakali bachita bubi alimwi bapapila baami. ²⁰ Baami basintaanze mbibakali kwendelezya mu Jelusalema, kabajisi nguzu atala azintu zyoonse zyakali Muchilikiti Chamutala lya Mulonga. Tusangesange amutelo zyakali kuliyigwa ambabo. ²¹ Nkinkako lino, bikka malayilile akuti baleke alimwi batayakululi dolopo manedo nkalayilile kuti batalike. ²² Mulangisisye kabotu mutaleki kuchitobu. Nkambonzi nikutazumizigwe echi chiyoosyo kuti chikomene alimwi cheetelezye kubisizya ziyandwa bami? ²³ Eelyo malayilile a Mwaami Atakizasi nakabaligwa kunembo lya Lehumu, Syimusyayi, abenzinyina, bakazwa chakufwambana kuya ku Jelusalema alimwi akuyowangila bama Juda kuti baleke kuyaka. ²⁴ Mpawo mulimu weng'anda ya Leza mu Jelusalema wakimikila manedo mumunyaka wabili wakulela kwa Daliyasi mwaami waku Peziya.