¹ Aboobo zyakachitika kuti, muchindi awo Jehova naali kuyootola Elija kujulu akambizi, Elija wakiinka a Elisha kuzwa ku Giligalu. ² Elija wakati kuli Elisha, ''Ikaka kkala awa, nkaambo Jdehova wandituma ku Bbeteli.'' Elisha wakasandula, ''Oobo Jehova mbwapona, ayebo mbopona, nsikokusiya pe.'' Aboobo bakinka kabaselukila ku Bbeteli. ³ Bana balombe babasinsimi bakali ku Bbeteli bakeza kuli Elisha akwamba kuti kulinguwe, ''Ulizi na kuti Jehova ulakutolela simalelo wako sunu?'' Elisha wakasandula, ''Iyii, ndilizi, pesi mutazyambi limbi.'' ⁴ Elija wakati kulinguwe, ''Elisha, ikaaka, kolindila awa, nkaambo Jehova wandituma ku Jelikko.'' Mpawo Elisha wakasandula, ''Mbubonya Jehova mbwapona alimwi ayebo mbopona, nsikokusiya pe.'' Aboobo bakaya ku Jelikko. ⁵ Mpawo bana balombe babasinsimi bakali ku Jelikko bakaza kuli Elisha akumwambila kuti kuli nguwe, ''Ulizizi nakuti Jehova ulakutolela simalelo wako sunu?'' Elisha wakasandula, ''Iyi ndilizizi, pesi mutazyambuuli pe.'' ⁶ Mpawo Elija wakati kuli nguwe, ''Ikaka, kokkala awa, nkambo Jehova wandituma ku Jodani.'' Elisha wakasandula, ''Mbubonya Jehova mbwapona alimwi ayebo mbopona, nsikoyokusiya pe.'' Aboobo aba bobile bakinkilila kunembo. ⁷ Musule bana balombe babasinsimi bali makkumi musanu bakinkila kunembo lyabo kule kule kabalangene aabo, awo aba bobile kabiimvwi kumbali lya Jodani. ⁸ Elija wakatola chisamo chakwe wawuma maanzi anchicho. Mulonga wakaanduka akkati kumabbazu obile zyakuti aba bobile bakeenda anyika njuumu. ⁹ Zyakachitika kuti, musule akuzubuka kwabo, Elija wakati kuli Elisha, ''Ndikumbile nchoyanda kuti ndikuchitile nkesina kuzwa kuli nduwe.'' Elisha wakasandula, ''Ikaka zumizya muuya wako uyindulwidwe tubili kuchelesyo usikile aalindime.'' ¹⁰ Elija wakasandula, ''Wakumbila chintu chiyumu. Nikuba boobo, kuti wandibona nensitolwe kuzwa kuli nduwe, echi chilakuchitikila, pesi kuti pe, tachikochitika pe.'' ¹¹ Nibakachili kuya bweenda alimwi kabayobwaambula, bona, inkalaki yamulilo alimwi amabbiza amulilo akapamuka, akapambula aba balumi bobile kuzwa kuli umwi awumwi, alimwi Elija wakatanta kuya kujulu akambizi. ¹² Elisha wakakabona alimwi wakompolola, ''Taata wangu, taata wangu, inkalaki zya Izilayeli abagadi bamabbiza aazyo. Elija tazomubwene lubo pe, alimwi wakajata zisamo zyakwe akuzidelula muzimpanzi zyobile. ¹³ Wakabweza chisamo cha Elija echo chakali chaloka kuzwa kulinguwe, alimwi wakabweeda kuyoyima ankomwe ya Jolodani. ¹⁴ Wakawuma manzi achisamo cha Elija chakali chaloka alimwi wakati, ''Uli kuli Jehova, Leza wa Elija?'' Nakawuma maanzi, akaanzana kumabazu obile eelyo Elisha wakazubuka. ¹⁵ Awo bana balombe babasinsimi bakali kuzwa ku Jelikko nibakamubona kule-kule ambabo, bakati, ''Muuya wa Ealija ukkede aali Elisha!'' Aboobo bakaboola kuswanana anguwe, alimwi bakakkotamina ansi kunembo lyakwe. ¹⁶ Bakati kuli nguwe, ''Bona lino, akkati kababelesi bako kuli balumi basinguzu bali makumi musanu. Bazumizye biinke twakumbila bakayanduule simalelo wako, kuti amwiteni Muuya wa Jehova wamutansika aajulu akumusowela aali chimwi chilundu nakuti muli umwi mweezi.'' Elisha wakasandula, ''Pee pe, mutabatumi.'' ¹⁷ Pesi nibakamukombelezya Elisha mane wabeensoni, wakati, ''Mubatume.'' Mpawo bakabatuma balumi makumi musanu, alimwi bakayanduula kwamazuba otatwe, pesi taakwe nibakamubona. ¹⁸ Bakaboola kuli Elisha, elyo we wakakkede ku Jelikko, alimwi wakati kuli mbabo, ''Tendakamwambila na kuti mutayinki'?'' ¹⁹ Balumi bamugunzi bakati kuli Elisha, Bona, twakukumbila, bwiime bwagunzi eli mbubotu, mbuuli simalelo wangu mbwakkonzya kubona, pesi maanzi mabi alimwi nyika tiizyali michelo.'' ²⁰ Elisha wakasandula, ''Mundetele ndyido yenindi impya alimwi mubike mwinyo muli njiiyo,'' aboobo bakiyeta kulinguwe. ²¹ Elisha wakazwa waya kusawu lyamanzi alimwi wakawaala mwinyo muli ndilyo; mpawo wakati, ''Ncheechi chaamba Jehova, 'Aya manzi ndaponia. Kuzwa echino chiindi kaziya kunembo, takuchiyoobi lufu nikuba nyika tizyali michelo.'' ²² Aboobo maanzi akapona kusikila obuno buzuba, ejwi Elisha ndyakaamba. ²³ Mpawo Elisha wakiinka watansya kuzwa awo waya ku Bbeteli. Awo kachiya butansya amugwagwa, balombe banini bakasika kuzwa mugunzi akumunynsya; bakati kuli nguwe, ''Kotansya, yebo syampaanza! Kotansya, yebo syampaanza!'' ²⁴ Elisha wakachebuka musule lyakwe akubabona; wakiita Jehova kuti abatuke. Mpawo kwakazwa bawumpe bobile bazyazi mulusaka bakabaluma balombe bali makkumi aane ababili. ²⁵ Mpawo Elisha wakiinka kuzwa awo waya kuchilundu chaku Kkamelu, alimwi kuzwa awo wakabweeda ku Samaliya.