¹ Mowabbu wakasandukila Izilayeli musule alufu lwa Ahabbu. ² Mpawo Ahaziya wakawida aansi kwinda mubbwalo bwachiyusilo chakwe chamujulu mu Samaliya, alimwi wakalichisa. Nkiinkako wakalayizya kuli basikutumwa kabaambila kuti, ''Amwinke, mukabuzye Bbaalu-Zelubbu, imwami waku Ekkuloni, kuti ndilapona kukulichisa oku.'' ³ Pesi mungelo waJehova wakati kuli Elayija mu Tichibbayiti, ''Buka yinka kujulu ukaswanizye basikutumwa bamwami waku Samaliya, alimwi ukababuzye kuti, 'Nkambo kakuti takukwe Leza na muIzilayeli nchooli kuya kukubuzyania aBbaalu-Zebbubbu, leza waba Ekkuloni? ⁴ Nkinkako Jehova wati, ''Tokoyoselela aansi pe kuzwa kubulo kuya oko nkuwatanta; anukuti uyofwa biya.'''''Mpawo Elayija wakeenda. ⁵ Aawo basikutumwa nibakaboola kuli Ahaziya wakabambila kuti, ''Ani mwabolelaanzi?'' ⁶ Bakamwambila kuti, ''Kuli mwalumi waza kukutuswanizya watwambila kuti, Ámubwede kumwami wamutuma boobu: 'Nkambo kakuti takukwe mwami na mu Izilayeli nchiwatuma bantu kukuyobuzya kuli Bbaalu -Zebbubbu, leza waku Ekkiloni? Nkiinkako tokoyoselela pe kuzwa kubulo oobo mbuwatanta; anukuti, ulafwa biya.'''''' ⁷ Ahaziya wakaambila batumwa bakwe kuti, ''Wakali muntu uulibiyeni, oyo wakaza kukuswanizya akumwambila majwi aaya?'' ⁸ Bakamusandula, ''Wakazwete ijansi lyaboya alimwi wakali abbanti lyachikumba muchibuno.'' Eelyo mwami wakasandula, ''Ooyo nguE layija mu Tichibbayiti.'' ⁹ Mpawo mwami wakatuma muzuluzi walumamba abasilumamba makumi musanu kuli Elayija. Muzuluzi wakinka mujulu kuli Elayija ooko nkwakakkede aatala achilundu. Muzuluzi wakaambula anguwe, ''Iwebo, omuntu wa Leza, mwaanu waamba kuti, 'Selela aansi.'' ¹⁰ Elayija wakasandula wati kumuzuluzi, ''Kuti nkeli muntu wa Leza, leka mulilo uze aansi kuzwa kujulu ukulye abaalumi bako bali makkumi musanu.'' Mpawo mulilo wakaza aansi kuzwa kujulu alimwi wakabalya ababaalumi bakwe bali makumi musanu. ¹¹ Alubo Mwami Ahaziya wakatuma kuli Elayija uumbi muzuluzi abasilumamba makkumi musanu. Ooyo muzuluzi alimwi wakati kuli Elayija, ''Iwebo, omuntu waLeza, mwami waamba kuti, 'Kweza aansi kufwambaana.''' ¹² Elayija wakasandula akubaambila kuti, ''Kuti nkeli muntu wa Leza leka mulilo uze aansi kuzwa kujulu alimwi ukulye abaalumi bako bali makkumi musanu.'' Alimwi mulilo wa Leza wakaza aansi kuzwa kujulu alimwi wakamulya abaalumi bakwe makumi musanu. ¹³ Alimwi kakuli mwami watuma chibunga chatatu chabasilumamba makumi musanu. Oyu muzuluzi wakiinka mujulu, wakuwa amazwi kunembo lya Elayija, alimwi wamulangisisya akumwambila kuti, ''Iwebo, omuntu wa Leza, Ndakukumbila, leka buumi bwangu abuumi bwabalanda balimakumi musanu ibako babebabotu mumenso aako. ¹⁴ Zyanchoonzyo, mulilo wakaseluka ansi kuzwa kujulu alimwi wakabamena bazuluzi batanzi bobile abalumi babo, pesi kwalino leka buumi bwangu kuti bubote mumenso aako.'' ¹⁵ Imungelo waJehova wakati kuli Elayija, ''Yinka aansi anguwe. Utamuyoowi pe.'' Nkiinkako kumwami. ¹⁶ Musule Elayija wakati kuli Ahaziya, ''Mboobu mbwawamba Jehova, 'Wakatuma batumwa kuyobuzya kuli Bbaalu Zebbubbu, leza wa Ekkiloni. Nkokuti nkaambo takukwe Leza na muIzilayeli nguwalikunokonzya kubuzya makani? Nkokuti linobu, tokosekelela aansi pe kuzwa kubulo oobo mbuwataanta mujulu; ulafwa biya.'''' ¹⁷ Nkiinkako Mwami Ahaziya wakafwa mbuli mujwi lya Jehova eelyo ndyaakamba Elayija. Jolamu wakatalika kwendelezya mubusena bwakwe, mumwaaka wabili wa Jeholamu mwana mulombe wa Jehosyafati mwami waku Juda, nkambo Ahaziya takalikwe mwana mulombe pe. ¹⁸ Kuli kwazimwi zyaambo zilangene a Ahaziya, tazilembedwe na mubbuku lyanchito zyabaami ba Izilayeli?