¹ Eu vi a Adonai en pe xunto ao altar, e díxome: Bate nos capiteis e que se estremezan os limiares e rómpeos sobre as cabezas de todos. Entón matarei a espada ao resto deles; non haberá entre eles fuxitivo que fuxa, nin refuxiado deles que escape. ² Ainda que caven ata o Seol, de alí tomaraos a miña man; e ainda que suban ata o ceo, de alí fareinos baixar ³ Ainda que se encondan no cumio do Carmelo, alí buscareinos e tomareinos; ainda que se agochen dos meus ollos no fondo do mar, alí ordenarei á serpe que os morda. ⁴ Ainda que vaian en cativerio diante dos seus inimigos, alí ordenarei á espada que os mate, e porei sobre eles os meus ollos para mal e non para ben. ⁵ Iahveh, Deus dos exércitos: o que toca a terra e ela se derrete, e laméntanse todos os que nela habitan, sobe toda ela como o Nilo e mingua como o Nilo de Exipto; ⁶ o que edifica nos ceos seus altos apousentos, e sobre a terra estableceu a súa bóveda; o que chama ás augas do mar e as derrama sobre a faz da terra: Iahveh é o seu nome. ⁷ Non sodes vós para min como fillos de Etiopía, oh fillos de Israel? - Declara o Iahweh.Non fixen eu subir a Israel da terra de Exipto e aos filisteos de Caftor e aos arameos de Kir? ⁸ Velaquí, os ollos do Señor Iahweh están sobre o reino pecador, e eu destruireino de sobre a faz da terra; con todo, non o destruirei totalmente á casa de Iacob.- declara Iahweh. ⁹ Porque, velaquí, eu daréi un mandato, e sacudirei a casa de Israel de entre todas as nacións, cono se axitan os grans na peneira, sen que caia nin un gran na terra. ¹⁰ Todos os pecadores do meu pobo morrerán a espada, os que din: "Non nos alcanzará nin se nos achegará a desgraza". ¹¹ Naquel día levantarei o tabernáculo caído de David, repararei as súas fendas, levantarei as súas ruínas e o reedificarei como en tempo pasado, ¹² para que tomen posesión do remanente de Edom e de todas as nacións onde se invoca o meu nome.- declara Iahweh, que fai isto. ¹³ Velaquí, veñen días - declara Iahweh- cando o arador alcanzará ao segador, e o que pisa a uva ao que sementa a semente; cando destilarán viño doce os montes, e todos os outeiros se derretirán. ¹⁴ Restaurarei o benestar do meu pobo Israel, e eles reedificarán as cidades arrasadas e habitarán nelas; tamén plantarán viñas e beberán o seu viño, e cultivarán hortos e comerán os seus froitos. ¹⁵ Plantareinos na súa terra, e non serán arrincados xamais da terra que lles dei —di Iahveh o teu Deus.