¹ Ne ca dxii que Juan ni rigú nisa beedu ne cana yuii xtiidxa Diuxi l'u cu yude xtii Judea ná: ² La gusaana ni cadi xneeza, ti ma gaxha nuu quenda runi mandar ni zeeda de ca guiba'. ³ Ti de laabe ngá gunii profeta Isaías, dxiná "RIDXI XTII TUUXA CUCAA RI'DXI LÚ CA YU' DE'NA', LA CUAQUI' CHAUI' NEEZA XTII XPIXUAANA NU, NE LAGAXA RA NAPANDU LU CA NEEZA XTIIBE." ⁴ Yanna Juan na'cu'la'ri de guiidi laadi ca me yu, ne xii ti cinturón de guiidi ndaanibe, ne ni roobe ngá gusú ne dxiña yúga. ⁵ Ne ca binni de Jerusalén, ne guidubi na'ca Judea ne de guiraa ca guidxi ni nuu guidubi na'ca guria' guiigu Jordán bee daca' ra nuube. ⁶ Ne guyuu nisacabe ra guiigu'Jordán, gulee ruaa sicabe diidxa' de guira'ni huchee cabe. ⁷ Ne ra biiyabe xtale de cu fariseu ne ca' saduceu cayeedaca' ra nuube ti chú nisaca la laabe ra'bi be laaca': "laatu ca' xiiñi beenda ni napa venenu, ¿tu gulaquinaa laatu ne guxhooñetu de xia'na zeeda lu guiaatu? ⁸ La gudii cuananaxhi ni gusihuinni ma bisaanatu ni cadi xneeza. ⁹ Ne cadi guinii iquetu ne guinii saatu: " laadu na'padu Abraham de bixhoozedu." Laga naa zabe laatu diuxi la za'nda guindisabe caxiiñí Abraham neca de lade ca guié di'. ¹⁰ Ma nexhe chaaui' Jacha para uga'xcú ca yága. Nga' runi guiraa yága que gudii cuana naxi cha'ví la' zagá ne za laa lu be'le. ¹¹ Naa caguaa ni' sa laatu ne nisa ti guiunni ma bisaanatu ra naa bedandaya la? laa gueedanda ru' ne jma nandxho' be que naa ne naa que iquiñe para chiniaa xquela guiidibe. Ne laabe zugú nisabe laatu ne Espíritu Santu ne be'le. ¹² Ma naazebe orqueta ni rusa'bi ne be guixi ti gusiaabe dede ra bidúbi la yú xtiibe ra ma bi biibi semIa' ne guidopa ca semía' chee troja, ne laabe zuza'quibe ca guixi que lu be'le ni que ziuu dxii ganda guizuii. ¹³ Ne de raque' biree Jesús de Galilea beeda ra guiigu Jordán ti cú nisa Juan laabe. ¹⁴ Ne Juan que ñaana de ñaca laadxi' nu cueeza laabe na' rabi laabe: "naanga naquiñee cú nisalu' naa, ¿ ne laga lii zeedu ra nuaa la?" ¹⁵ Bica'bi Jesús laabe ne na' rabi laabe: "Bidii ga'cani yánna ti jneza para laanu gúninu guiraa ni jneez xtii Diuxi." Ti ora que Juan bisaana laabe. ¹⁶ Ne gudiidi si laabe gúyuu nisu be lu? Jesús biree nague'nda de ndaani nisa ne raque, bixhele gui baa para laabe, laabe biiyube Espíritu xtii Diuxi zeda yete casi ti paloma ne biaana lu guiaabe. ¹⁷ Ne rarii beedati ridai de ca'guíbaana' "ndiingu xhiiñe ni nadxiee ne guizaa nayeche' nuaa guni laabe."