¹ Gui'chi xti ca de ra zaa jesucristu, xhiiñi David, xhiiñi abraham. ² Abraham guca bixhoze Isaac, Isaac gucabe bixhoze Jacob, ne Jacob gucabe bixhoze Judá ne ca biichi, ³ Judá ne Tamar gucacabe bixhoze fares ne zara, Fares gucabe bixhoze Esrom, Esrom bixhoze Aram, ⁴ Aram gucabe bixhoze Aminadab, Aminadab bixhoze Naasón, Naasón bixhoze Salmón. ⁵ salmón ne Rahab gucaca bixhoze Booz, Booz ne Rut gucacabe bixhoze Obed, Obed bixhoze Isaí, ⁶ Isaí gucabe bixhoze Rey David. David gucabe bixhoze Salomón pur guna xheela Urías que'?. ⁷ Salomón gucabe bixhoze Roboam, Roboam bixhoze Abías, Abías bixhoze Asa, ⁸ Asa bixhoze Josafat, Josafat gucabe Bixhoze Jorám ne Jorám Bixhoze Uzías. ⁹ Uzías bixhoze Jotam, Jotam bixhoze Acaz, acaz bixhoze ezequias. ¹⁰ Ezequias gucabe bixhoze Manasés, Manasés bixhoze Amón, Amón bixhoze Josías. ¹¹ Josías bixhoze Jeconías ne ca biichi ca dxi yene cabe laaca Babilonia. ¹² Ne gudiidi si de yene cabe laaca babilonia que'?, Jeconías gucabe bixhoze Salatiel, Salatiel bixhozegoola Zorobabel. ¹³ Zorobabel bixhoze abiud. Abiud bixhoze Eliaquim, Eliaquim bixhoze Azor. ¹⁴ Azor gucabe bixhoze Sadoc, Sadoc gucabe bixhoze Aquim, Aquim bixhoze Eliud. ¹⁵ Eliud Bixhoze Eleazar, Eleazar bixhoze Matán, Matán bixhoze Jacob. ¹⁶ Jacob bixhoze José xheela Maria, ni pur laa beda gale Jesús, ni lá Cristu. ¹⁷ Guira ca ni guzaa de Abraham dede David guca ca chii ne tapa lisaa, dede david dede dxi bire' cabe zee cabe babilonia chii ne tapa lisaa, ne dede dxi bire' cabe zee cabe babilonia dede Cristu chii ne tapa lisaa. ¹⁸ Ra gule Jesus bizaacani sacari. Jñabe Maria ma yenaba José laa para guichaga na be laa, Peru ante guida'gu cabe laabe gucaxhiiñi be pur Espiritu santu. ¹⁹ Xheelabe José guca ti hombre runi jneza, peru que nina' nusutui luube ra lu de guira binni. Ngue runi gucaladxi guiluxhene ni bitagudxidxa ne laabe que'? nagachi ²⁰ Laga laabe cani ique be ca ndi ti angel xti señor beda ire ra nu' be lu ti bacaanda ne ná: "José, xhiiñi david, cadi guidxibilu de guicou Maria casi xheelu, Pur ti badu' nacaxhiiñi be ca, gucaxhiiñi be laa pur Espiritu Santu. ²¹ Laabe sapabe ti xhiiñibe ne lii sabeelu lábe Jesus, ti purti laabe sulabe Xquidxi be de ca guenda ruche' xtica." ²² Guira ndi bisaaca para gaca ni guni' Señor pur xha profeta que?, ra guní: ²³ "LAGUUYA, TI BADUDXAPA SACAXHIIÑI NE SAPA TI BA'DU, NE SABEETU LÁ BE EMMANUEL, NI RINÍ' NDI LA? 'DIUXHI NU' NE LAANU.'" ²⁴ José bibaani de lu xpacanda que ne biini casi angel xti señor que gudxi laabe ne laabe gucua be laa casi xheela be. ²⁵ Huaxa, laabe que ñasi ne be laa dede dxi ma gupa be xhiiñi be que? Ne laabe gule be lá Jesús.