¹ مَادَامْ رَانَا نَخَدْمُوا مْعَ الله، نَطْلَبْ مَنْكُمْ مَنْكْكُمْ بَاشْ قْبُولْكُمْ لْنِعْمَةْ الله مَا تْكُونْشْ بَاطَلْ. ² عْلَى خَاطَرْ يْڤُولْ: " فِي يُومْ الْقُبُولْ سْمَعْتَكْ، و فِي يُومْ الْسْلاَكْ عَوَنْتَكْ". رَاهْ دُورْكْ وَقْتْ مَقْبُولْ. رَاهْ دُورْكْ يُومْ الْسْلاَكْ. ³ و مَا رَانَاشْ نْدِيرُوا صْوَالَحْ نْكُونُوا سَبَّة يْطِيحْ وَاحَدْ مَنْكُمْ بَاشْ مَا تَتْلاَمْشْ الْخِدْمَة. ⁴ بَصَّحْ فِي كُلْ شِي رَانَا نَتْمَشُوا بَاشْ نْبَانُوا صَّحْ خُدَامْ الله، فِي بَزَافْ مَالْصْبَرْ: فِالْضِيقْ، فِي إِحْتِيَاجَاتْ، فِي ضَرُورَاتْ، وإِضْطِهَادَاتْ، ⁵ فَالْضَربْ، فَالْحَبْسْ، فَي إِضْطِرَابَاتْ، فَالْتَعْبْ، فَالْسَهْرْ، فَالْصُومْ، ⁶ فَالْطَهَارَة، فَالْمَعْرِفَة، فِي طُولْ الْبَالْ، فَالْلُطْفْ، فَالْرُّوحْ الْقُدُسْ، فَالْمَحَبَّة أَلِّي مَا فِيهَاشْ الْرَيَاء، ⁷ فِي كْلاَمْ الْحَقْ، فِي قُوَة الله بَسْلاَحْ الْبِرْ فَالْهُجُومْ و الْدِفَاعْ. ⁸ فِي وَسْطْ الْمَجْدْ والْهَوَانْ، فِي وَسْطْ الْسُمْعَة الْمْلِيحَة و لِّي مَاشِي مْلِيحَة. يْشُوفُوا فِينَا خَدَاعِينْ و حْنَا صَادْقِينْ، ⁹ كِي أَلِّي مَاشِي مَعْرُوفِينْ و حْنَا مَعْرُوفِينْ بَزَافْ، كِي الْمَيْتِينْ و حْنَا مَازَلْنَا حِيِّينْ، كِي الْمَضْرُوبِينْ و مَاشِي مَقْتُولِينْ، ¹⁰ كِي الْحَازْنِينْ و حْنَا دَايْمَنْ فَرْحَانِينْ، كِي الْفُقَرَاء و حْنَا نَغْنُوا بَزَافْ، كِي لِّي مَا عَنْدْهُمْ وَالُوا بَصَّحْ عَنْدْنَا كُلْ شِي. ¹¹ فَمْنَا مَفْتُوحْ لِيكُمْ يَا أَهْلْ كُورِنْثُوس. و قَلْبْنَا وَاسَعْ. ¹² مَارَاكُومْشْ مَتْضَيْقِينْ عْلَى جَالْنَا بَصَّحْ عْلَى جَالْ الإِحْسَاسْ تَعْكُمْ. ¹³ بَصَّحْ نْرَدْ لْكُمْ لَجْمِيلْ و نْكَلَمْكُمْ كِيمَا أَوْلاَدِي: كُونُوا نْتُمَ تَانِي وَاسْعِينْ الْقَلْبْ! ¹⁴ مَا تْكُونُوشْ تَحْتْ نِيرْ وَاحَدْ مْعَ لِّي مَاشِي مُومْنِينْ، عْلَى خَاطَرْ وَاشْ مَنْ خَلْطَة لَلْبِرْ و الذْنُوبْ؟ و وَاشْ مَنْ شَرِكَة لَنُورْ مْعَ الْظَلْمَة؟ ¹⁵ و وَاشْ مَنْ إِتِفَاقْ لَلْمَسِيحْ مَعْ إِبْلِيسْ؟ و وَاشْ مَنْ نْصِيبْ لَلْمُؤْمَنْ و غِيرْ مُؤْمَنْ؟ ¹⁶ و وَاشْ مَنْ إِتِفَاقْ لْهَيْكَلْ الله مَعَ الأصْنَامْ؟ إِذَا أَنْتُمَ هَيْكَلْ الله الْحِي، كِيمَا ڤَالْ الله: "رَانِي رَايَحْ نَسْكُنْ فِيهُمْ و نَمْشِي بِينَاتْهُمْ، و نْكُونْ لْهُمْ إِلَهْ، و هُمَا يْكُونُوا شَعْبْ تَاعِي. ¹⁷ عْلَى جَالْ هَادْ الْشِي أَخَرْجُوا مَنْ وَسْطْهُمْ كُونُوا مَنْفَصْلِينْ، يْڤُولْ الْرَّبْ. و مَا تْمَسُوشْ الْشِي الْنَجَسْ و أَنَا نَقْبَلْكُمْ، ¹⁸ و نْكُونْ أًبْ لِيكُمْ، و أَنْتُمَ تْكُونُوا وْلاَدِي و بْنَاتِي، يْڤُولْ الْرَّبْ الْقَادَرْ عْلَى كُلْ شِي".