¹ عْلَى خَاطَرْ نَعَرْفُوا بَلِّي كِي تْرِيبْ الْخَيْمَة الأَرْضِيَّة أَلِّي رَانَا سَاكْنِينْ فِيهَا، عَنْدْنَا فَالْسْمَا بَنْيَانْ مَنْ عَنْدْ الله، دَارْ مَاشِي مَصْنُوعَة بْيَّدْ الْنَّاسْ، أَبَدِيَّة فَالْسْمَا. ² فَالْوَاقَعْ رَانَا فْهَادْ الْخِيْمَة مَشْتَقِينْ لْدَارْنَا أَلِّي فَالْسْمَا. ³ و إِذَا كُنَا لاَبْسِينْ مَا نْكُنُ.وشْ فَالْعْرَى ⁴ عْلَى خَاطَرْ حْنَا أَلِّي فِي هَادْ الْخِيْمَة نَتْنَهْثُوا كِي لِّي رَافَدْ حَاجَة ثْقِيلَة، مَاشِي بَاغْيِّينْ نَڤَلْعُوهَا بصَّحْ نَلَبْسُوا فُوڤْهَا، بَاشْ تَبْلَىعْ الْحْيَاة الْشِي أَلِّي مِيَتْ فِينَا. ⁵ و لِّي وَجَّدْ هَادْ الأُمُورْ هُوَ الله، أَلِّي عْطَانَا تَانِي عَرْبُونْ الْرُّوحْ. ⁶ وعَنْدْنَا اثِقَة فِي كُلْ وَقْتْ و عَارْفِينْ بَلِّي و حْنَا سَاكْنِينْ فْهَادْ الْجَسَدْ، رَانَا فِي مَتْغْرْب ينْ عالله. ⁷ عْلَى خَاطَرْ نَمْشُوا بَالإِيمَانْ مَاشِي بَالْعَيَانْ. ⁸ نْثِقُوا و نَفَرْحُوا مَلِّي نَتْغَرْبُوا عْلَى هَادْ الْجَسَدْ و نَسَكْنُوا عَنْدْ الْرَّبْ. ⁹ عْلَى جَالْ هَادْ الْشِي أَلِّي نَحَرْزُوا رْوَاحْنَا نْكُونُوا مَرْضِيِّينْ عَنْدَهْ سَاكْنِينْ كُنَا ولاَ مَتْغَرْبِينْ. ¹⁰ عْلَى خَاطَرْ نَوَقْفُوا ڤَاعْ مكْشُوفِينْ ڤُدَامْ عَرْشْ الْمَسِيحْ، و كُلْ وَاحَدْ يْنَالْ عْلَى حْسَابْ فْعَالَهْ كِي كَانْ فَالْجَسَدْ، خِيرْ كَانْ ولاَ شَّرْ. ¹¹ و حْنَا عَارْفِينْ مَخَافَة الْرَّبْ نَقَنْعُوا الْنَّاسْ. ورَانَا بَايْنِّينْ ڤُدَامْ الله، و نَتْمَنُوا نْوَالُوا بَايْنِّينْ فِي الْضَمِيرْ تَعْكُمْ تَانِي. ¹² مَاشِي وَلِينَا نَشْكرُوا رْوَاحْنَا عَنْدْكُمْ، بَصَّحْ نَعْطُولْكُمْ فُرْصَة تَفْتَخْرُوا بِينَا، بَاشْ يْكُونْ عَنْدْكُمْ لَجْوَابْ لَلِّي يَفْتَخْرُوا بَالْمَضَاهِرْ مَاشِي مَالْقَلْبْ. ¹³ وِلاَ رَانَا نْبَانُوا تْبَادَلْنَا هَدَا لله، و إِذَا وَلِينَا عَاقْلِينْ رَاهْ لِيكُمْ. ¹⁴ عْلَى خَاطَرْ مَحَبَّة الْمَسِيحْ مْسَيْطْرَة عْلِينَا. و رَانَا حَاسْبِينْ هَدَا: مَادَامْ وَاحَدْ مَاتْ عْلَى ڤَاعْ الْنَّاسْ، مَعْنَاهْ ڤَاعْ مَاتُوا. ¹⁵ و هُوَ مَاتْ عْلَى جَالْ ڤَاعْ الْنَّاسْ بَاشْ يْعِيشُوا حَيِّينْ مَمْبَعْدْ مَاشِي لَّرْوَاحْهُمْ، بَصَّحْ لَلِي مَاتْ عْلَى جَالْهُمْ و حْيَى. ¹⁶ و حْنَا مَنْ دُورْكْ مَا نَعْرْفُوا حَتَّى وَاحَدْ عْلَى حْسَابْ الْجَسَدْ. و إِذَا كُنَا عْرَفْنَا الْمَسِيحْ عْلَى حْسَابْ الْجَسَدْ، رَانَا دُورْكْ مَا نَعْرفُوهْشْ هَكْدَا. ¹⁷ عْلَى خَاطَرْ إِذَا كَانْ وَاحَدْ فَالْمَسِيحْ رَاهْ وَلَّى خْلِيقَة جْدِيدَة: الْشِي لَقْدِيمْ ڤَاعْ مفَاتْ، و رَاهْ كُلْ شِي وَلَّى جْدِيدْ. ¹⁸ و كُلْ هَادْ الْشِي مَنْ عَنْدْ الله، أَلِّي صَالَحْنَا لْنَفْسَهْ بْيَسُوعْ الْمَسِيحْ، و أَعْطَانَا خِدْمَة الْمُصَالَحَة، ¹⁹ مَعْنَاهْ الله كَانْ فَالْمَسِيحْ مْصَالَحْ الْعَالَمْ لْنَفْسَهْ، و مَا حْسَبْشْ لْهُمْ ذْنُوبْهُمْ، و حَطْ فِينَا كَلِمَة الْمُصَالَحَة. ²⁰ و رَانَا دُورْكْ سُفَرَاء الْمَسِيحْ، كَلِّي الله يْبَشَّرْ بِنَا نَطَلْبُوا فِي مْكَانْ الْمَسِيحْ: "تْصَالْحُوا مْعَ الله". ²¹ عْلَى خَاطَرْ أَلِّي عَمْرَهْ مَا ذْنَبْ، رَدَاهْ الله خَطِيَة عْلَى جَالْنَا بَاشْ نْوَلُوا حْنَا بِرْ الله فِيهْ