¹ "Bicaa para Angel xti yu'du' ni nuu Sardis: 'Ndi nga ca didxa xti ni naaze ca gadxe Espiritu xti Diuxi ne ca gadxe belegui'. "Naa nána' ni ma bíini lu, riníi cabe de lii de que nabani lu, peru ma gutilu. ² Bibaani ne gulú xtipa ni cayaana ca, ti purti ma yaca gati ni, ti purti naa caaru di guidxela xhiiñalu ma biluxhe ra lú Diuxi. ³ Nga runi, bietenala'dxi de ni ma gucua'lu ne ma binadiagalu. Bizuba didxa cá' ne gurizaa lu ca guedaruche xtilu. Peru pa que guibani lu , naa zenda casi ti gubaana, ne lii que zánadiou' xhi xhigaaba naa zenda luguialu. ⁴ Peru nuu cadxi lá de ca binni de Sardis ni que ñuni di'ca xquendanabani ca ni napa guendaruche casi laari namucu. Laacabe zazaane cabe naa, ne lari zoo' naquichi, ti purti laacabe zanda. ⁵ Ni laa quiiñe ca ni nadxaba sacu lari quiichi', ne naa que suxhiaya dia' lá ca de lu guichi' liibi lisa xti guenda nabani, ne naa zanié lá ca nezalú bixhozé', ne nezalu ca Angel xti'. ⁶ pa napalu diagalu, bicaadiaga ni Espiritu cayabi ca yu'du'." ⁷ Bicaa para Angel xti Iglesia ni nuu Filadelfia: "Ca ndi nga diidxa xti ni nandxo' ne dxandí -Laabe naazebe llave xti David, Laabe ruxhale be ne guiruti hruzeegu. Laabe hruzeegube ne guiruti que sanda guxhale. ⁸ Naa ma nána' ni ma biinilu. Laguuya, Naa ma guluá nezalu lu ti puerta' suxale ni guiruti zanda gutaagu. Naa nána huaxhie' napu xtipa, ne neca saca lii bizuubalu ca xtidxa, ne quehuaní lu que runibia' lu láaya ⁹ Laguuya!, Ca ngá ni naaca xti yu'du' huiini xti binidxaba, Ca nga, ni naa ca naca ca Judiu peru cadi naacadi cani, -Cusiguii ca. Naa zucaa gueeda ca ne guzuxhibi ca xha ñee lu, ne laacabe zanaa cabe de que naa ma gunaxhie' laatu. ¹⁰ Ti purti laatu ma gupatu guenda runi mandar xtine de guni huantar tu sin guidxaga tu, naa laaca zapa laatu hora guedandá ca guenda nagana ni zeeda para interu naca guidxilayu', para guuya pa dxandi nga ca ni nabani ndani guidxilayu'. ¹¹ Naa ma yaca guenda. laguinaase nadipa ni napatu para guiruti gaxhá laatu la'pa xtitu. ¹² Naa zune ni quiñe lu guenda nadxaba gaca ti pilar ndani yu'du' xti Diuxi xtine, ne laabe que zaré di be de raqué. Naa zucaa lá Diuxi xtine lu be, lá guidxi xti Diuxi xtine (Jerusalen ni nacubi, ni biete de guiba' dede ra nuu Diuxi xtine), ne lá nacubi xtine. ¹³ Ni napa diaga, lagudii gunadiaga ni Espiritu cayaabi ca Iglesia." ¹⁴ Bicaa para Angel xti Iglesia nuu Laodicea: "Ndi nga ca didxa xti ni rinii saca gaca, Laabe ni zanda guni cre' nu, ne ni dxandí biiya ni bizaaca, ni runi mandar luguia interu naca ni bizaa Diuxhi. ¹⁵ Naa runebiaya ni lii ma biini lu, ne cadi nagánda diuo' ninca ni nandáa. Naa ñacaladxe ñacalu ni nagánda o ni nandáa! ¹⁶ Nga runi lii ni nacalu ni nayanda -ni cadi nandáa ninca nagaanda naa ma yaca gidxíi'ba lii de ndani ruaa. ¹⁷ Ti purti lii riníi lu: "Naa napa xtale bidxichi, naa ma gupa xtale ndani guidxilayu, ne naa cadi caquiiñe gaxti." Peru lii que gana diu' de que nacalu zididé, ni ria' cabe laa, nazíi, nache'pa lú, ne ni xhie' ladi. ¹⁸ Bica diaga diidxa gola xtine: Guzíi oro xtine ni ma bizia gui' ti ma gacalu ni dxandí napa xtale, ne laari quiichi ni ruzaani ti ma ganda gaculu, ne cadi gului' lu guenda ritui lu xti guenda xhie' ladi lu, ne ni rixhuubi lúlu para cú ndaya ti ma ganda guuyalu. ¹⁹ Ira ca ni naa nadxie' na ruzuchahue laaca, ne ruziide laaca xhi jmodo nga naquiiñe guibanica, nga runi laguiní dxandi ne la cui' zaa de lu ca guenda ruche xti tu. ²⁰ Laguuya, naa nua' rua' puerta ne cuxhidxe náya'. Pa tuuxha gunadiaga ridxi xtine ne guxhale puerta, Naa ziua' ra lidxi be, ne zahuania' laabe, ne laabe ne naa. ²¹ Ni quiiñe ca guenda nadxaba, na zudie laabe guenda para cui' be cuee' lu bangu' ra rune mandar, casi ca naa gudiñe ne gurie' nia' bixhoze lu bangu' ra runi mandar. ²² Pa napalu diagalu, bicaa diaga ni Espiritu cayabi ca yu'du'."