¹ "Bicaa ndi para ángel xti yu'du' Efeso: Ndinga ca diidxa ni naaze ca beleguii ndani na' ladu ndiga ne ni riza lade ca gadxe candeleru de oro que nabe: ² "Na runebiaya cani lii ma binilu ca dxiiña nana ne guenda' ribesa xti lu' ne que riuladxu guiegulu ca binni que iquiñe, ne ma guulu' bia'lu ca ni naa ca apóstol laaca,peru cadi naca cani, ne bidxelu laca cadi dxandi di laca. ³ Na nana de que dxandi pe napu guenda' ribeza sin guidxagalu, ne ma gudidilu xtale yu'ba' pur la'yaa ne que huadxagalu. ⁴ Peru naa cadxiche nia lii ma bidxi deche lu' ni niru gunaxhiu. ⁵ Biete naladxi ra lii ma biabalu. Ne guri sa' de lu guenda ruche xtilu ne bini ca ni nirú. Pa que cuisa lu de lu guenda ruche xtilu la?, naa zenda ra nuu lu ne sunibe candeleru xti de ra zuhuani. ⁶ Peru li napu ndi: lii nanaladxi lu ni ca Nicolaíta ma bini ca, naa laca nanaladxe cani. ⁷ Pa napu ti diagu la?, bicadiaga ni ca cayabi Espiritu ca yu'du'. Tu tisi ni la guni guantar guenda nanaa la?, Naa zudié la goo de lu yaga ni rudi guendanabani, ni nu ndani paraísu xti Diuxi" ⁸ Bicaa para ángel xti yu'du ni nuu ndani Esmirna: 'Ndi nga ca diidxa xti Diuxi ni naca niru, ne ni naca ra iluxhe- ni guti ne bibani xti tiru: ⁹ Naa rune biaya ca guenda nanna huadi'di lu ne de que qué gapa tu gaxti peru napa tu ni risaca. Naa rune biaya ca diidxa dxaba xti cani ná ca naca ca Judiu, peru cadi naca di ca ni, laca naca ca ti lisaa xti binidxaba. ¹⁰ Cadi guidxibi diou de guenda nanaa ni lii chi tiidi lu. ¡Laguya! binidxaba la? ma yaca guzabandá cadxi de laatu ndani lidxi guiba ti ugú biá laatu, ne zaca ná tu bia chii gubidxa. Cadi guche'ne lu' naa dede lu guenda guti, ne naa sudiee lii ti la'pa de guenda nabani. ¹¹ Pa napalu diaga lu', binadiaga ni ESpiritu cayabi ca yuudu. Ni Laa quiiñe la? que suniná di' guiropa guenda guti ca laa. ¹² "Bicaa para Angel xti yuudu ni nuu Pérgamo: "Ca ndi nga didxa xti ni naaze espada nadudxu guiropa ladu: ¹³ " Naa nana paraa nabani lu', ra nuu bangu ra runi mandar binidxaba. Neca saca lii nazedxichi lu lá'ya'. Naa nana de que caaru di guini' lu que runi cre' lu naa, neca ca dxi xti Antipas ni biiya ca ni bine, ni que nuche' ne naa, ni guti laade tu, racá ra Binidxaba nabani ca'. ¹⁴ Peru Naa cadxiche niá laatu pur ca ni laatu bi'ni tu: napu cadxi binni ni runi cani bisiidi Balaam, laa bisiidi Balac gusaba ti guie' neza lu' ca xiiñi Israel ti guchee ca, ne za cá laacabe ganda goo cabe guendaroo ni ma gu'ta lu bidó, ne chuu né cabe ni cadi xhela cabe. ¹⁵ Ne zaqueca la? laca napa tu xcadxi binni ni runi ca cani bisiidi ca Nicolaítas. ¹⁶ ¡Ngue runi gurí sá de lu ca guendaruché xtiu! Ne pa que guunu ni la?, ma cadi ca ndádi Naa zenda ra nuu lu, ne Naa zadinde nia' lii ne espada ni riree de ndani ruaa di. ¹⁷ Pa randa rucá diagu la? bicá diaga ni Espíritu rabi ca xpine. Ni ma que guchéru la?, Naa zudié la' ti guendaró ni nucache, ne Naa zudié la ti guie quichi cá ti lá cubi lú ni, ti lá ni guiruti runibiá, sinuque ni icá si ni. ¹⁸ Bicaa ndi para ángel xti yuudu ni nuu ndani Tiatira: 'Ca ndi nga ca diidxa xti Xiiñi Diuxi, ni napa guielú casi bele xti ra cayaqui ne ñee casi bronce ni ma biá. ¹⁹ " 'Naa rune biáya ca ni ma bi'ni lu': Guendaranaxhí xtiu', guendaruni cré xtiu, ca xhiiña lu', ne pa biá nanna lu cueza lu'. Nanna de que de'ru huayunu ni, jmá ni que cani niru' bi'ni lu'. ²⁰ Peru Naa cadxiche nia' lii: ru diu' lugar Jezabel guiana lade tu, na de que rabi Diuxi lá xi chi gaca. Cani rusiidibe rusiguii ne'be cani runi dxiña xtine para chu' né ca ni cadi xhela ca ne go ca guendaró ni ma guta lu bidó. ²¹ Guleza nibigueta de lu guendaruché xti, peru la' la? que ni na' di nusaana de modo nabani que. ²² ¡Laguya! Naa zune huaraya la', ne cani guyú né laabe laca zune na'ya laaca pa laaca que gusaana ca de guni ca cani laabe runi be. ²³ Zuute ca xiiñi be, ne guiraa ca xpine zana ca de que Naa nga Ni ruyubi xi cá lu xquenda biani binni ne xi nuu ndani ladxidó ca. Naa zaguixe cada tobi bia' ni bi'ni'. ²⁴ Peru ca xcadxi de laatu ni nuu Tiatira, ni cadi cayuni modo bisiidicabe, ne que runibia ca ni rabicabe guenda nuu xpiaani xti binidxaba' la? chi tiidxe laatu ndi: 'Ma que zuguaya rua laatu gaxti'. ²⁵ Xisi la? naquiñe guianatu ne guzuhua dxiichitu dede dxi Naa guibigueta. ²⁶ Ni la' quiiñe ne ni la' guni ni Naa huayune dede guiluxe guidxilayú la? zudié la' guni mandar xcadxi guidxi. ²⁷ Zuni mandar be laaca ne ti bara de guiba', ne zunidé cabe guiraa ni nanala'dxi laacabe casi ora ca yunidé cabe ti guisu. ²⁸ Casi ca modo bidii Bixoze ni naa. Laaca zudié lacabe luceru ni rindani siadó. ²⁹ Pa napu gana gucá giagu la? bicá diaga ni Espíritu Santu cayabi ca xpine'.