¹ Ndinga ni bisihuini Jesucristu ni Diuxi bidi labe guluibe ca ni runi xiiña be xi ma zeeda gaca. Labe gudxiibeni Juan pur ti Angel ni besendabe ra nu. ² Juan byui' de guirá ni biyaa lu xtiidxa Diuxi ne byui' be de Jesucristu. ³ Ndaaya xti Diuxi nu luguia' ni rindisa ridxi xti ra guunda', ne ca ni rucadiaga ca diidxa xi chigaca xti gui'chi di , ne runi ca ni ca luu cani, pur ti dxi ca ma zeda guidxiña. ⁴ Juan, para ca gaadxe yu'du' ni nu ndani Asia: Guenda nachahui' ne latu ne guenda ratadxi' ladxido' xti Diuxi ne latu, ni gu'caa, ni gue'daa, ne de ca gaadxe guenda zuhua' nezalú ra zuba' Diuxi, ⁵ ne de Jesucristu, ni bidii xtiidxa de dxandi, ni nirú biasa' lade guetu', ne nacabe xhaique xti guirá xixé xhaique xti guidxilayú. Ni nadxii lanu ne ni bixia' xtonda nu pur rini xti, ⁶ bini be lanu ti guidxi ra labe gunibe ni gului' ladxibe, sacerdote xti Diuxi ne Bixhozebe, xtibe nga guenda risaca ne guenda nandxo' dede guirá xixé dxi. Amén. ⁷ Laguyaa, Labe zedane be ca zaa ca; guirá xixé bizalu suyaa Labe, nee cani biti Labe que. Guirá xixé ca ni nu ndani guidxilayú sunaa cabe pur Labe. Ya, Amén. ⁸ "Na nga Alfa ne Omega" naa Señor Diuxi xtinu casi ca rusulu A ne riludxe ne Z, "ni gu'caa ni na'caa ne ni gueda, ni napa guirá xixé guenda nandxo'" ⁹ Naa, Juan--bichitu ni ne latu ndani guenda runi mandar xti Diuxi naa laca ridide ra nagana ne guenda ribeza' rididenia cani latu, pur ti xti Jesus nga lanu" --nuaa ndani guidxi nuu galahui nisa laa Patmos pur ti canainie xtiidxa Diuxi ne cudie' xtiidxa de Jesus. ¹⁰ Na nuaa lu Espiritu dxi xti Señor, ne na binadiaga deche sia' ti riidxi ro' casi rixii ti trompeta. ¹¹ Ne nani: "Bica lu gui'chi ni lii guyaalu ne bizendani ca yu'du' ra nuu Éfeso, ra nuu Esmirna, ra nuu Pérgamo, ra nuu Tiatira, ra nuu Sardis, ra nuu Filadelfia ne ra nuu Laodicea. ¹² Bidxigueta lua' para ñuuya tungue gunine naa, ne ra naa bidxigueta lua' que la? bi'yaa gaadxe' candeleru de oro. ¹³ Ne galahui' ca candeleru que la? nuu tobi casi ti Xiiñi Binni Guidxilayú , nacuu ti lari ni naso' ni rindaa dede yani ñeebe ne xii xpechu be ne ti cinturon de oro. ¹⁴ Ique be ne guichaique be nabee naquiichi ni casi guichaladi dendxu' ne naquiichi casi ra cayaba hielu, nee ca bizalú be casi ti belee guii. ¹⁵ Ne caa ñeebe casi bronce ni cusa'ni, ni bia' chahuí lu guii, ne ridxii xtibe casi xtale nisa ni cuxooñe. ¹⁶ Labe nasebe lu nabe ladu ndiga gaadxe' beleguí, ne de ndani rua'be biré ti espada naduxuu guiropa ladu. Ne luube cusaani casi gubidxa ra ma rusani. ¹⁷ Ne ora naa bi'yaa ni la?, na biaba xañebe casi ti binni ni ma guti. Labe gulaquina be luguiaya ladu ndiga xtibe ne nabe rabibena: "Que guidxibilú. Naa nga ni nirú ne ni Dexquí, ¹⁸ ne Ni nabani. Naa gu'te', peru biyaa ¡Na nabane dede guira xixé dxi! naa naase llave xti guenda gu'ti ne xti Hades. ¹⁹ Nga runi, bicaa ni li biyaa lu di, ni nuu yana ne ni gueda tidisi ca ndi. ²⁰ Ne xii cani ca beleguii biyaa lu nase lu nayaa ladu ndiga que la? ne gadxe candeleru de oro que la?: gadxe beleguii di la? naca cani ca ángel ni cayapa ca gadxe yu'du que, ne ca candeleru di la naca cani ca gadxe yu'du ca.