¹ Laabe guliidxibe' ca chii ne chúpa, ne bidii be laaca poder ne guenda runi mandar lugiáa ca binidxaba ne para gusiandaca' guendahuara. ² Laabe biseendabe laaca para chi güiica' de guendaruni mandar xti' Diuxhi ne para gusiandaca' ca ni huara'. ³ Laabe rabibe laaca:"cadi guica'tu gaxti para ra che'tu,nin garabatu,nin murral, nin gueta, nin bidxiichi, nin xti muda laari. ⁴ Ra tiisi yo' chuutu, lagiaana raque' dede ora ma che'tu. ⁵ Ratiica que guicaa cabe laatu, ora guireetu de guidxi que' laquiibi yude de bata ñe'tu para guinii'ni luguia'cabe". ⁶ Laacabe oraque rire'cabe ne rie' cabe ca guidxii huiini, ne rui' cabe de galan ni nacubi ne cusiandaca de guira laadu ⁷ Yaana Herodes, xaique guiidxi, binadiaga de guira ni cayaca ne cadxagaya', ti purti caadxi cani'ca de que juan ni riguuniza ma biaza de laade ca gue'tu, ⁸ ne cani' cabe deque Elias me beda guihuiini, ne xcaadxi na' de que tobi de ca profeta ma guti' nga ma bibaani. ⁹ Herodes guni':" naa guxha yani' Juan, peru tuundi' ni cayunadiaga' ndi de laa? ne laabe gucalaadxhibe gu'ya be laa ¹⁰ Ora ca apostol bigueeta, laaca guudxica' Jesus guira' ni biini ca'. Oraque' laabe gucua'be laaca, ne guye'cabe zituhuini, ra tu guidxi láa Betsaida. ¹¹ Peru ora xtale binni que' binadiaga ndi la'?, bedanandaca' laabe. Laabe gucua' be laaca ne guni'nebe laaca de guenda runi mandar xti' Diuxhi, ne laabe bisiandabe ca ni caquiiñe guianda. ¹² Yaana,ma yaaca guiluxhe dxii, ne ca chii ne chupa que' beedaca ra nu' be ne raabi ca laabe:" gudxi ca binni di' ma biluxhe ti' laabe chee' cabe ca guidxhii huiini ne ca layu' gaxha para guidxeelacabe ra guiaana cabe ne ni go' cabe purti nuunu ti lugar ziitu." ¹³ Peru laabe raabibe laaca:"laatu lagudii xhiixha go' cabe." Laacabe guni' cabe:" que gapadu jma' que gaayu pan ne chupa beenda, huaxa pa chuunu ne zii nu' guendaro' para guira binni di'." ¹⁴ (Nu' bia gaayu bixhiapa hombre.) Laabe raabibe ca discipulu:"la gu'ni cui liza' cabe de bia gala' gayua' cada tobi." ¹⁵ Ngue runi biini cabe ndi, ne biinicabe cui' ca binni que'. ¹⁶ Laabe gucua' be gaayu pan ne chupa benda que'; biyadxiibe guiba', gulu' ndaaya be ni' ne gunda'be ni', ne bidiibe ni ca discipulu para cu' cani ra lu' xtale binni que'. ¹⁷ Guira cabe gudo' cabe ne bidxha' cabe, ne de ni biaana que' biaasa chii ne chupa dxhumi' ne ca nda' que'. ¹⁸ Beda guire' laaga jesus cayuni orar xtuubi, ca discipulu nuuca ne laabe. Laabe gunabadiidxa be laaca:"tu na' binni naaca?." ¹⁹ Laacabe bicaabi cabe:"Juan ni rugu' niza. peru xcaadxi na' Elias, ne xcaadxi na' de que tobi de ca profeta de ca ni guyu' dxique' biaaza lade ca guetu." ²⁰ Oraque' laabe raabi be laaca:"Peru laatu tu naatu naaca?" pedru bicaabi:"cristu xti Diuxhi." ²¹ Peru laabe biindacabe lu' ca nadipa, cadi gaabica' ndi guiruti, ²² gudxii be laaca:"Xhiiñi binni guidxilayu naquiiñe tiidi xtale nagana, ne que gacaladxi ni hombre goola ne ca xaique ca sacerdote ne ca escriba, ne zaati, ne ra guiona gubidxa ziaaza para guibaani". ²³ Laabe gudxiibe guira ca':" pa tuuxa gacalaadxi guedananda naa, naquiiñe gudxii deche laaca laa, guica' cruz xti guira' dxii ne guedananda naa. ²⁴ Tutiica gacalaadxi gula' guendanabani xtii zuniti ni', peru ni gacaladxi gunitini pur naa zula' ni. ²⁵ Xhi para guiquiiñe ni hombre, pa gapa interu guidxilayu, peru cuniti o cunduuxhe laaca laa? ²⁶ Tutiica gutui lu' de naa ne de xtiidxa, xhiiñi hombre satui lu' de laabe ora gueeda laaca lu guenda nandxo' xti', ne guenda nandxo' xti bixhoze, ne ca angel ni nandxo'. ²⁷ Peru dxhandi' pe zaabe laatu, nu' caadxi de ca ni nu' rari que zunibia'ca guendaguti ante guuyaca guenda runi mandar xti Diuxhi." ²⁸ Yaana gudiidi bia' xhoono dxii, Jesus guni' ne ca diidxa di', gucuabe ne laabe Pedru, Juan ne Santiagu, ne gudxiiba cabe dani' para guni orar cabe'. ²⁹ Laaga laabe cayuni orar be' bichaa modo rihuini luube, ne ca xhaaba be guca cani naquichi be' de ruzaani. ³⁰ Ne chupa hombre canii' ne laabe, Moises ne Elias. ³¹ Ca ni bihuiini lu ti guendanandxo' de ruzaani. Laacabe cani' cabe de ora laabe che'be, ni ma zeda dxiiña gaaca' ndani Jerusalen. ³² Yaana Pedru, ne ca ni nu' raque' ne labe, guizaa nana' xpacandaca', peru ora laaca bibani chahuica' biiya ca' guendanandxo' xtiibe ne xhupa hombre nu' ne laabe que'. ³³ Laaga laacabe zi guixale cabe de Jesus, Pedru rabi laabe:"maistru, galan para laanu chu'nu rari, guzaanu chona ra guiaana tu, tobi para lii, tobi para Moises, ne tobi para elias" (laabe que gana be xhi cani'be.) ³⁴ Laaga laabe cani' be ndi beeda ti zaa ne bichii' laacabe, ne laacabe bidxiibi cabe, laaga guyu' cabe lu zaa que'. ³⁵ Gucua' ti ridxi de lu zaa que' ne na':ndi nga xhiiñe ni ma gulie', laguca'diaga laabe." ³⁶ Bicahui si lu riidxi que' jesus bihuiini xtuubi. Laacabe bigaani cabe, ne que ñaabicabe guiruti ca dxii que' ni biiyacabe. ³⁷ Yaana xti dxii que' ora laacabe bietecabe de lu daani que', xtale binni bidxiña ra nuu be. ³⁸ Ne ti hombre laade xtale binni que' bica' ridxi:" maistru, canaba lii guuyu xhiiñe, tobilucha si laabe naapa. ³⁹ Biiya, ti guenda rinaaze laabe ne maalasi rugua'be ridxhi, ne rudi ataque laabe ne riree bupu rua'be. Que ruzaanaga' laabe ne riguiñe laabe xtale. ⁴⁰ Naa gunaba ca discipulu xtiilu cue' ca laabe, peru que ñanda laacabe." ⁴¹ Jesus bicaabi ne na':"laatu binni de yaana, ni que runi cre' ne, ne nayudxu xpiaani, pa bia' ti naquiiñe chua' nia laatu ne gune uantar laatu pue? danee' xhiiñu rari'." ⁴² Laaga baadu' que zeda dxiiña, binidxaaba que' bisaaba laabe layu' ne biniibidxacha laabe ne ataque. Peru Jesus guladxi guenda ni nayuudxu que' ne bisianda baadu que', ne bidxiguetabe laa bixhoze. ⁴³ Oraque' guira cabe cadxagaya' cabe pur pabia' naroba Diuxhi.Laaga gira cabe cadxagaya' ru cabe pur de guira ni laabe cayunibe, rabibe ca discipulu xtibe: ⁴⁴ "Lagudi' lugar ca diidxa di' tidilaaga ca' guete ndani diagatu': sudii cabe xhiiñi binni guidxilayu' ndani na' binni. ⁴⁵ Peru laacabe que ñene cabe ni guni'be di'. Nagaachi ni' para laacabe, para laacabe que gunibia' cabe xhi rinii'ni. Ne laacabe cadxiibiru cabe guinabadiidxacabe xhi rinii' ni guniibe di' ⁴⁶ Oraque' bizulu' ca cadinde lizaa' ca de tu laa nga jma naroba laadecabe. ⁴⁷ Peru Jesus runibia' ni cani' cabe ndaani ladxido' cabe, gucua' ti xcuiidi hiini ne guluube laa cue'be, ⁴⁸ ne rabibe laaca:"tutiica ni guica' xcuidi di' lu laaya la', cacaa' naa; ne tutiica ni guica' naa laa, cacaa ni bizenda naa. Ti purti ni gaca jma nahuiini lade guira tu, nga nga ni jma' naroba". ⁴⁹ Juan bicaabi:"maixtru, biiya du tobi cabee binidxaba lu la'lu, ne bicuezadu laa, ti purti que rizaa nanda dibe laanu". ⁵⁰ "Cadi gucuezatu laabe" na' jesus, "ti purti tutiica ni cadi nu' lugiatu', nuu pur laatu." ⁵¹ Ora bidxiiña ca dxii para guiaasabe, laabe gucalaxhiibe xtale che'be jerusalen. ⁵² Laabe bisaaniru' be ni zee mandadu ra lu' be, ne laaca guye' ca ne guyu'ca guidxii hiini Samaria para cuaqui cha'hui ca guira ni para laabe. ⁵³ Peru binni de raque' que nina' nicaa laabe ti purti gucalaadxi be xtale che'be Jerusalen ⁵⁴ Ora ca discipulu Santiagu ne Juan biiya can ndi', laaca guni' ca:" Xpixhuana du', racaladxu gunidu' mandar guiete guii de guiba' ne gunduuxhe laacabe la'?" ⁵⁵ Peru laabe biguetabe ne gudindenebe laaca ne ⁵⁶ Ne laacabe zee cabe xti guidxhi hiini ⁵⁷ Nee laaga laacabe zee cabe ra che' cabe que' gunii' tobi raabi laabe:" naa zinaanda lii ra tiica lii che'lu" ⁵⁸ Jesus raabi laabe:" ca mixtu guiixhi naapa ca ra liidxica, ne ca pajaru de guiba' naapaca' xnidu ca', peru xhiiñi binni guidxilayu' que gaapa ti ra laa guizzilaadxi ique." ⁵⁹ Oraque raabibe xtobi:"dananda naa." Peru laa rabi laabe:"xpixhuana, bidii lugar niru cha' ne guca'che bixhoze." ⁶⁰ Peru laabe rabibe laa:"bidii ca gueetu gucachi ca' ca gueetu xti ca. Peru lii la'?, guye' ne guyui' de guira ladu de guenda runi mandar xti Diuxhi." ⁶¹ Oraque' xti binni laaca gudxi laabe:"naa zinanda lii, peru bidii lugar niru, gaabe ca ni naabani ra liidxhe ma cha'." ⁶² Jesus bicaabi laabe nin tobi ni ma gulaqui na' lu aradu, ne gudxigueta lu', riquiiñe para lu guenda runi mandar xti Diuxhi."