¹ Ne ira' do laacabe ni manuu tobizi biasacu', no yene cabe Jesús nezulú pilutu. ² No bizu lu' cabo bidxiiba a donda: que be, naaca: bedxeladu hombredí cayu' ni yaya'be xquidxidu', caya'be laadu cadi quixedu inpustu la na' caesar y no naabe laapebonga Cristu, ni naca xaiqueroo ³ Pilato gunabadidxa labe, ne na':" Li Nga Xhaique xti ca' Judiu?" Ne Jesús bicabilabe ne guni: "Lii' caniuni'." ⁴ Pilato gudxi ca xhaique xti ca sacerdote ne guira binii que': "Na cadi ca' dxela' guendaruche luguia hombre di' ⁵ Peru lacabe guziñe cabe', ne na' cabe: "Labe cusiayabe ca binii, cusidibe guidubi' Judea, bizulube de Galilea dene' dede rari." ⁶ Ne ora Pilatu bicadiaga ndi', labe gunaba didxabe' pa galileu hombre que'. ⁷ Ora labe bedaganabe nube ndani na' Herodes, bisendabe' Jesús ranu Herodes, ni laca' nu' Jerusalen ca' dxi qué. ⁸ Ora Herodes biya Jesús, bieche be xtale', pur ti maa xhadxi napabe gana guya belaa'. Laabe ma binadiagabe de La, ne cabezabe' guya be ra guni ti' guenda nandxoo'. ⁹ Herodes gunabadidxa Jesús xtale xhixha, peru Jesús que nucabi di labe gaxti. ¹⁰ Ca' xhaique xti ca sacerdote ne ca escriba bizuhuaca', ne xhiana biluinacabe labe cugani cabe xhixha luguiabe. ¹¹ Herodes ne ca' dxu xti biguna ca didxa labe' ,ne bixhidxicabe Laabe' ne bicacu cabe laabe' ne lari sicaru', ne ora que bisenda cabe laabe xti tiru ne Pilato. ¹² Herodes ne Pilato guca xhamigu cabe dxi que ca' (dxi que la' nanaladxilisa cabe'). ¹³ Pilatu ora que bicaridxi ca xhaique xti ca' sacerdote ne ca xhaique guidxi ne guira binii que', ¹⁴ Ne gudxibe laca: " latu hexane tu hombre di ranua casi tobi ni cuca ca binii di gunica cadi xneza, ne laguya, na, ma guledidxalabe neza lutu, cadi cadxeladia ni cadi xneza luguia hombre di de ca ni latu culuinatu laabe'. ¹⁵ Co' ninca Herodes nga, runi bidxigueta laabe ra nudu', ne laguya, gaxti di binibe para gapa xhide gute Laabe. ¹⁶ Nga runi nalaa, zaguiñe laabe ne zunda labe.'' ¹⁷ Yana Pilato napabe xhide gundabe ti ni daguyo lu saa xti ca' judiu que'. ¹⁸ Peru de guira cabe binii cabe ridxi, na cabe:"¡Hombre di co, ne bindaa' Barrabas!" ¹⁹ Barrabas guca ti hombre ni bidaguyo runi ti guendarucalu guidxi que' ne pur bitibe. ²⁰ Pilato gunine lacabe xti tiru, culuiladxi gunda Jesús. ²¹ Peru lacabe binicabe ridxi, nacabe: Bica laabe lu cruz, Bica laabe lu cruz." ²² Labe gudxibe laca' guiona tiru:" ¿xhiñe ? ¿ xhi guenda queiquiñe bini hombre di? que guidxela dia gaxti luguiabe ni guca laabe gatibe. ngaruni, quíñesia laabe, sunda laabe." ²³ Peru lacabe guziñecabe laabe ne ridxi nadipa, canaba cabe de que Laabe guicabe lu cruz. ne ca ridxi xti cabe bicudxicabe Pilato. ²⁴ Ngaruni Pilato gucaladxi guni ni canaba cabe. ²⁵ Laabe bindabe ni lacabe canabacabe ni bitaguyo pur ti gucalu' Xhaique xti' guidxi ne biti. peru laabe bidibe laca Jesús gunica casi racaladxica. ²⁶ Laga sibe cabe' labe de raque, gucua cabe Simón de Cirene, ni zeda de raña, ne gulaquicabe cruz que luguiabe ti guabe ni, zinandabe Jesús. ²⁷ Ne xtale binii ne guna' cani cayuna ne cayati ca' pur Labe, sinandaca' labe. ²⁸ Peru bitixhilube biyabe laca', Jesús guni: " xhiñii Jerusalen ca', cadi guna tu pur Na', peru laguna pur laca latu ne pur ca xhiñi tu. ²⁹ Ne laguya, ne cadxi que la zani cabe' ndi': 'Ndaya ca ni que ñapa xhiñi ne ndani ca guna' ni que ñapa xhiñi ne ca ni que nu gadxi.' ³⁰ Ne ora que lacabe zuzulucabe zabi cabe ca dani ca: 'Laguiaba luguia du,' ne ca dani huini: ' laguchiladu.' ³¹ Ne pagunitu candi laga naya yaga ca', ¿ xhi zaca ora ma nabidxi ni?" ³² Ne chupa hombre que iquiñe ñenecabe laaca ne laabe para chine cabe laaca rachigatica'. ³³ Ora yendacabe ranu dani ni la "Calavera" ,raque lacabe bica cabe laabe lu ti yaga cruz ne ca ni que iquiñe que, tobi ladu derechu de Labe ne xtobi ladu biga. ³⁴ Jesús guni: " bixhose , bixha donda xticabe , purti lacabe que ganadicabe xhicayuni cabe.'' ne lacabe bini ca ti rifa, ne guchezaca lari xtibe. ³⁵ ca binii que biana ca cayuyacadxica laga ca Xhaique xti guidxi cuxhidxica de Labe, naca: " Labe bilabe xtudxi. Gulabe laca labe, pa Labe nga Cristu xti Diuxi ni gulicabe. " ³⁶ Ca dxu que' laca bisituicalube, bidxiñaca Labe, bidicabe labe vinagre, ³⁷ Ne naaca': " Pa Li nga xhaique xti ca Judiu, bila laca lii." ³⁸ Ne bica cabe tudxi didxa : " Ndi nga xhaique xti ca judiu." ³⁹ Tobi de ca ni que iquiñeque ni ca ne labe lu yaga cruz que, gulu di labe, ne na: "¿ Cadi Li nga Cristu? Bila laca li ne bila ladu." ⁴⁰ Peru xtobi que gudindene la: " ¿Ñe que ridxibu Diuxi, purti li laca chigatilu? ⁴¹ Lanu biasi nunu rari, purti cacanu ni naquiñe guicanu pur guirá ni ma bininu. Peru hombre di la que ñunidibe gaxti ni queiquiñe.'' ⁴² Ne labe gulube: " Jesús, bedassilu Li de na ora ma guedu ndani reinu xtiu." ⁴³ Jesús gudxilabe: "dxandi' pe na cayabeli yanadxi ca siu neu na ra runi mandar Diuxi." ⁴⁴ Yana zeda gaca bía chi ne chupa xhigaba' ne beda ti guendanacahui guidubi naca guidxilayu' dede lu guiona xhigaba ⁴⁵ Laga biani xti gubidxa bicahui. ne ora que lari ni nanda ndani yudu que gureza chupa gala. ⁴⁶ Bicabe ridxi nadipa, Jesús guni: ''Bixhoze, ndani nalu rusaana espiritu xtine.'' Guni si be ndi la, Labe gutibe'. ⁴⁷ Ora Xhaique tigayua dxu que biya nigucaque laa' labe bisisacabe Diuxi, nabe: "lapebe nacabe ti hombre ni runi xnesa. '' ⁴⁸ Ora guira ca binii que ca' ni guyu ca' tobisi para guya cabe ni cayaca que', biya cabe ca ni guca que, lacabe bigueta cabe' cagapa cabe ladxidocabe'. ⁴⁹ Peru de guira ni runibialabe ne ca guna' ni guzananda laabe dede Galilea, bizuhua dxi cabe zitu, cayuya dxisicabe ca ni caya que. ⁵⁰ Ne raque, nu ti hombre ni la José, ni naca de ca Xhaique de ndani yudu', ti hombre nachahui ne runi xneza ⁵¹ (labe que ñacadibe tobi si ne ca didxa ni gucuacabe ne ca ni bini cabe',), laabe nacabe de guidxi Judea de Arimatea, ne labe cabezabe pur reynu xti' Diuxi. ⁵² Hombre di, bidxiñabe Pilato, gunababe la cuerpu xti Jesús. ⁵³ Labe gundetebe ni' ne bichendabe ni' ti lari de lino sicaru ne gulaquibela ndani ti baa' ni guya de guie', ra que hua yata guiruti. ⁵⁴ Bedagaca ni dxi de cabaqui chahui cabe ne cusulu dxi guendarisiladxi'. ⁵⁵ Ca guna, ca ni bire ne' Labe de Galilea, ne gudidi si de ngue yenandacabe labe ne biyacabe baa que ne xhimodo gulaquicabe cuerpu xtibe. ⁵⁶ Lacabe bigueta cabe ne gulaqui chahuicabe nisarindanaxhi ne ni xhubicabe ladi be. Ne dxi guendarisiladxi lacabe bisiladxicabe casi ca lu frieda Diuxi gunicabe.