¹ Oraque' laabe guyuínebe laaca ti ejemplu de xhi modo naquiiñe guiní neca Diuxhi, ne cadi gusaba lu ca', ² Ne naabe:" Guyú ndani tu guidxi, ti juez ni que ridxibi Diuxhi, ne que rapa xpiá ca binni. ³ Yana ndani guidxhi ro' que nuu ti gunaa' ma guti xheela ne gati ga rie' ra nuu juez que ne naa: "gucane na' gaca ni jneza de ni cucaalu na'." ⁴ Xhadxí laabe que ñacalaadxi be ñacanebe laa, peru gudiidi si xhadxí gudxiibe laaca laabe: " neca que ridxibe Diuxhi, ne que rapa xpiaya binni, ⁵ Ti purti gunna que gapa sheela di cugu na' naxho chi gacania laabe ne chi gune laabe jneza para cadi gueda uchiichi be na' ora gatiga reedabe." ⁶ Oraque xhaique nu naa:" la gucaadiaga ni juez ni que runi jneza di guni'. ⁷ Diuxhi que zeeda ne ni jneza para ca ni ma gulí ni ruca' ridxhi laabe lidxhí ne uaxhiini? sandáa be? ⁸ Na' cayabe laatu deque zaaca ni jneza para laatu naguenda, zacaca ora xhiiñi binni guidxilayu' guibigueta, dxandipe zadxeela be guenda runi cre' ndani guidxilayu'?" ⁹ Oraque' laabe laaca guni' nebe laaca ejemplu dí, ca ni rini' ca nachauiu ca ne nanaladxi ca xcaadxi binni: ¹⁰ "Chupa hombre gudxiba ca ndani yu'du si guni orar ca, tobi que naca ti fariseu, ne xtobi que naca ti ni ruquixhe impuestu. ¹¹ Fariseu que' bizuha para guni orar ne cayuni orar ne naa:" Diuxhi, rudie xquixhe pe lii ti purti cadi náca casi xcadxi binni ni naca gubana, binni ni que runi jneza, ni riu' ne ni cadi sheela o dede casi ni ruquixhe impuestu di'. ¹² Na' rune ayuno chupa tiru lu semana. Na' rudie' diezmu xti de guira ni riaxha." ¹³ Peru ni runi ruquixhe impuestu que, zuhua situ ne cadi lica candisa lu guiba', peru cagapa xpechu ne naa: Diuxhi, bia' na', tobi ni ma biche'." ¹⁴ Na' cayabe laatu, hombre di bigueta ralidxi ma biáanda xtonda jmá niru que xtobi que', ti purti tutíca gudxiiba laaca laa sandete laa, peru tutíca ni guindete laaca laa zaguiiba." ¹⁵ Ca binni que laaca yené ca ca xcuiiidi, para cánabe laaca, peru ora biiya ca discipulu ndí, gudindene ca' laacabe. ¹⁶ Peru Jesus gulidxhi laacabe ne na': " la gudi' ca xcuiidi ca gueeda ca ra nua', cadi gucuezatu laacabe. Ti purti xtícabe nga guenda runi mandar xti Diuxi. ¹⁷ Dxandipe zaabe laatu, tutíca que guica' reinu xti Diuxi casi ti xcuidi, que licape ziu'." ¹⁸ Ti xhaique guidxi gunabadiidxa laabe: " Maestru cháhui, xhi zanda gune para gapa guendanabani ni que riluxe? ¹⁹ Jesus rabi laabe, "Xhi jñé raabu naa nacháhui? guiruti nga nacháhui, pa cadi Diuxi sí'. ²⁰ Líi runibia lu' ca guenda runi mandar - que ziu'neu ni cadi xheelu, que zuutu, que zabána lu', que suziguiu', zuzuuba lu' diidxa xti jña lu ne bixoze lu." ²¹ Xhaique guidxi que na': "ma bíina de guira ndi dede ca dxí guca ti badu nguiu". ²² Ora Jesus binadiaga ndi raabi laabe: "tobi si ni cayaadxa líi. Naquiiñe guto'lo guira ni napalu' ne quízilu ni lu' ca ni que gapa ne zapalu ni risaca guiba' ne guda' ne dananda naa." ²³ Peru ora Hombre napa bidxichi di' binadiaga ca ndí, guyu' nagundu, ti purti iza' napa bidxichi. ²⁴ oraque' jesus, biiya laabe, laaca guyu nagundu ne na': "¡pabia' nagana para ca ni napaca' bidxichi chu'ca ndani guenda runi mandar xti Diuxi! ²⁵ Jmá que igana para ti camellu tiidi ndani lu' aguxha, que tobi ni napa bidxichi chu' ndani guenda runi mandar xti Diuxi." ²⁶ Ca ni bina diaga ndi naa ca: "Yana túnga zanda guila' ya'? ²⁷ Jesus bicaabi: "ca ni que zanda gacaca' ne binni, zanda gacaca ni ne Diuxi." ²⁸ Pedru na': "yana, laadu ma bizaanadu guira ni naca xtiidu ne me guzaa nandadu líi." ²⁹ Jesus oraque raabi laacabe :"dxandipe, zaabe laatu, guiruti dí ni que nuzaana lidxi, o xheela, o biichi o jña, o xhiiñi pur guenda runi mandar xti Diuxi, ³⁰ laaca que zacaaca jmá xtale ndani guidxi layu dí, ne ndani guenda runi mandar ni gueeda, guendanabani ni que zaluxhe." ³¹ Bichiñasi be ca Chii ne chupa, gudxi be laaca: "Laguuya, chi chiiba nu Jerusalén, ne guira ca ni ma bica ca profeta de xhiiñi binni guidxilayu zacaca ni'. ³² Tí zudíi cabe laabe ca ni cadi Judiu, ne zuni burla cabe laabe, ne suzitiu cabe luube, ne zucha xhiini cabe laabe. ³³ Cu'zi cabe cuarta laabe, laacabe zuti cabe laabe peru ra giona gubidxa laabe ziasabe laade guétu." ³⁴ Laacabe que ñene cabe gaxti de ca ndi, ne ca diidxa di gucani nagáchi de laacabe, ne laacabe que ñene cabe ca ni gudxi laacabe. ³⁵ Beda gaaca, laaga jesus zeda dxiña Jericó, tobi hombre nachépa lu', zuuba rua neza ne canaba, ³⁶ ne ora binadiaga xtale binni zidídi, laabe gunabadiidxa be xhi cayaca. ³⁷ Laacabe rabi cabe laabe Jesus de Nazaret zidídi. ³⁸ Hombre ni nachépa lu' que bica' ridxi, ne na':"Jesus, Xhiiñi david, biá naa." ³⁹ Ca ni záa niru luube que cadindene' ca laabe, ne rabi ca laabe guigani be'. Peru jmá ru' bica'be ridxi:" Xhiiñi david, biá naa." ⁴⁰ Jesus gulezadxí ne bini mandar guedane cabe laabe ra nu'. Oraque' ora hombre nachépa lu' que guyú gaxha, Jesus gunabadidxa laabe: ⁴¹ "Xhi racaladxu gune pur líi?" Laabe na'be: "Señor racaladxe guuyá." ⁴² Jesus rabi laabe: "Gucua guenda ruuya. Guenda runi cre' xtilu bizianda líi." ⁴³ Oraqueca laabe biiya be, ne yenanda be laa, zi gusisaca be Diuxi. Ora biiya guira binni ndi' bisisaca ca' Diuxi