¹ Jesus guidxi ca discipulu xti: "Dxandipe ziu ni gucaa laanu guche'nu, ¡peru gapaga si' ni gueeda cani de laa! ² Jma' galan ñaca para laa pa ti guie ni ruutu ne' cabe niliibi yani ne nunda' cabe laa ndani nisa do', que ñuni laa nirenda ñe' tobi de ca nahuini di'. ³ La gatana'. Pa biichi lu guche' la?, gudindene' laabe, nepa guzaana be de guche be la?, bisianda xtonda be. ⁴ Pa guche'nebe lii gadxe bieque, ne gadxe bieque guedabe ra nuulu,ne guini' be:"ma que zuche' nia lii", naquiiñe gusianda lu xtonda be!" ⁵ Ca apostol gudxica xhaique nu: "Bisirooba guenda runi cre' xtiidu." ⁶ Xhaique nu guni':" pa guni cre' tu bia' ti biidxi huini mostaza, ñanda ñabilu' yaga sicomoro ca': "biaxha de raca', ne yezuhua ndani nisado',laa nuzuuba xtiidxa lu'. ⁷ Peru, ¿tu laade laatu, napa ti ni runi dxiña ne richeza layu',ne ni rapa dendxu' huaxhini, zabi be laa ora guibigueta de lu layu': "chixhe guda' ne guri' goolo"? ⁸ ¿Cadi zaabi be ndi': biini xhiixa ni gahua, ne bindiibi xhaba lu ne bizuhua ni gahua dede ora guiluxhe gahua ne gue', ora ca ma go'lo ne gue' lu? ⁹ ¿Ñe que rudi' be xquixhe ni runi xhiiña be di pur biini guira ca ni guca mandar la? ¹⁰ Neca zaca' ngaca lii, ora ma biinu guira ni gudxi cabe lii guunu, naquiiñe guinii lu': Naca du' ni runi dxiiña ni cadi naca gaxti. Bini zi du' ni naquiñe guni du'." ¹¹ Bizaaca Laga zeebe Jerusalen, laabe zeebe lade ra riluxhe ca guidxi Samaria ne galilea. ¹² Laga ziyu' be ndani ti guidxi huiini, raque' bidxaga lu' be chii hombre ni huara ca de lepra. Bizuhua' ca zitu de laabe. ¹³ Negundisa ca ridxi, ne naa ca: "Jesus, maistru, gupa xhilase de laadu." ¹⁴ Ora laabe biiya be laaca, laabe rabi be laaca: "la che' ne lagului' laaca laatu ca sacerdote." Ne bizaaca laaga zee' cabe neza, bia' cabe. ¹⁵ Ora tobi de laacabe ma bianda, bigueta xti tiru, ne ridxi nadipa zeda gusizaca Diuxhi. ¹⁶ Ne bizuxhiibi be xha ñe' Jesus, ne cudi be xquixhe la'. Laabe naca be de Samaria. ¹⁷ Jesus bicaabi laabe, ne na':" ¿cadi chii nga ni bia' la? ¹⁸ ¿Para'nu ga' que? Ñe' que ñuru' xcadxhi nibigueta nudi' xquixhe Diuxhi, laga binnie xti guidxi di la'?" ¹⁹ Laabe rabi be laa: Biaza ne guye'. Guenda runi cre' xtilu ma bisianda lii." ²⁰ Ne ora canabadiidxa ca fariseu laabe, padxi ngagueeda guenda runi mandar xti Diuxhi, Jesus bicabi laacabe nena': "Guenda runi mandar xti Diuxhi que zedane di' ni ti ni guihuini para ganda gu'ya cabe. ²¹ Ne ninca laacabe que zani' cabe: "biiya rari'" o "biiya rarica", pue laguuya, ti purti guenda runi mandar xti Diuxhi ma nu' laade tu." ²² Laabe gudxi be ca discupulu: "Ca dxi ca' zeeda ca ni ora laatu gacalaadxi tu guuya tu tobi de ca dxi xti xhiiñi binni guidxilayu' peru que zuuya tu ca ni'. ²³ Oraca zabi cabe laatu: "¡biiya raca'!, ¡biiya rari'! peru cadi guire' tu o la guxhoñe ne laguinase laacabe, ²⁴ pue casi biani rayu zahuini ora quiñe lu' tinda' de guiba' dede xti nda', saca' xhiiñi bini guidxilayu' saca dxi xti'. ²⁵ Peru niru do' laabe naquiñe tiidibe xtale guenda nana', ne gudxideche ca binni de yana laabe. ²⁶ Casi bizaaca ca dxi xti Noe, sacaca zazaca ca dxi xti xhiñi binni guidxilayu'. ²⁷ Laacbe gudo' cabe, laacabe gue' cabe, laacabe guacabe guenda richagana', dede dxi Noé guyu' ndani arca que', ne Nisaguie' ro' que' beeda ne bindu'xhe guira cabe. ²⁸ Sacaca casi bizaaca ca dxi xti Lot, laacabe gudo' cabe, gue' cabe, guzíi' cabe, bito' cabe, bidxiiba cabe, ne laacabe cucui' cabe yo'. ²⁹ Peru dxi Lot bire' de ndani guidxi Sodoma, biaba gui' ne azufre de guiba' ne binduxhe de guira' cabe. ³⁰ Tiidi si', sacaca zaca dxi xhiñi binni guidxilayu' guihuini. ³¹ Dxi ca', cadi gudi' tu ni dxi'ba ique yo' guiete gueda nde' ca xti' ndani yo'. Ne cadi gudi' tu ni nu' ra ña' guibigueta'. ³² Biete naladxhi xheela Lot. ³³ Ni guyubi gula' guenda nabani xti' zuniti ni', peru ni guniti guenabani xti zula'ni. ³⁴ Zaabe lii, gueela ca ziu'chupa binni lu ti luuna'. Tobi zie', ne tobi zia'na. ³⁵ Ziu' chupa guna' cayu'tu ca juntu. tobi zie', ne tobi zia'na." ³⁶ Ziu chupa ra ña'; tobi zie', ne tobi ziana. ³⁷ Laacabe gunabadiidxa cabe laabe: "para' ya xhaiquedu? ne laabe rabibe laaca:"ra nu' ti cuerpu, raca'laaca zadxiña zo'pe."