¹ Lataa yana, laatu ca ricu, laguuna reciu pur ca guenda nagana seeda luguia tu. ² Ca riqueza xtitu me biudxu ne xhaba tu so banda laa. ³ Oro xtitu ne plata xtitu ma que rizaca, ne tiini xti saniini luguia tu ne zoo ni xpela tu casi ro' bele.Laatu ma biitale tu ni risaca ca ultimu dxi. ⁴ Laguuya, ni riaxha ca ni richeza ca layu ni rindadi ca lu layu xtica, ca ni caaru guiaxha, vayuuna cabe ne ridxi dxiiba. Ne guenda ruuna xti ca ni bichugu ca ni bidxiba ca me yenda ra diaga Señor xti ca Ejercitu. ⁵ Laatu ma bibaani tu tu lu ni sicaru ndani guidxilayu ne ma bini consentir tu laaca laatu, laatu ma bisi ro tu ladxido tu para dxi de guenda guti. ⁶ Laatu ma bini condenar tu ne ma biiti tu ni nachaui, ni que lica ruca lu laatu. ⁷ Nga runi que chi guire tu gana, biche ca, dede ra guibigueta Señor, casi ca campesinu ribeesa ora guedabnda dxi indadi be ni risaca lu layu xtibe. cabeesa be ni sin guierebe gana, dede ra guiaba nisaguie naguenda o ma huiadxi. ⁸ Laatu tambien cadi guire tu gana; la guni chaui ladxido' tu, ti purti ra guibigueta Señor ma yaca nuuni. ⁹ Cadi gaca quejar tu, biche ca, tobi luguia xtobi, para cadi gaca juzgar tu. Laguuya juez suhua rua puerta. ¹⁰ Casi ti ejemplu biche ca, laguica guenda nana ne guenda ribeesa xti ca profeta ca ni guni' lu lá Señor. ¹¹ Laguuya, laanu rabi nu ca ni ribeesa, "nu ca ndaya." Laatu ma bina diaga tu de guenda ribesa xti Job, ne nanatu xhi para gupa Diuxhi gana iquiiñe Job, casi Señor dxa tipa de de guenda ria' ne guenda nachaui. ¹² Jma ru pe, biche ca, cadi gudii xtidxa tu pur guiba, nin pur guidxilayu, nin pur xti guenda rudi xtidxa. Peru lagudi de que "yá" xti tu gaca ni "yá" ne "có" xtitu gaca "có", para cadi guiaba tu xha juiciu. ¹³ ¿Nu tuuxha lade tu ni cadidi ra nagana? guini' nebe Diuxhi. ¿Nu tuuxha nayeche?, gundabe alabanza. ¹⁴ ¿Nu tuuxha lade tu huara?, cuidxibe ca binni gola xti Iglesia, ne laguudi ca ni nagola guini' ne ca Diuxhi pur laabe, ne guni ungir ca laabe ne aceite lu laa Señor, ¹⁵ ne guenda rini' ne Diuxhi xti guenda runi cre' suxague binni huara que', ne Señor sandisa laabe, pa binni ca me biche, Diuxhi sixia xtonda be. ¹⁶ Oraca, cue rua be didxa de ca guenda ruche xti cadxi ne xcadxi, ne laguiini ne Diuxhi cadxi pur xcadxi, para ganda guianda ca. Guenda rini' me Diuxhi xti ni nachauiruni xtale Efectu. ¹⁷ Elias guca ti hombre ni laaca bini sentir casi ca laanu. Laabe gunii ne be Diuxhi ne xtale guenda runi cre' para cadi guiaba nisaguie', ne que ñaba nisaguie' pur chona iza ne xhopa beu. ¹⁸ Ne bini orar elias xti tiru, ne guiba' bindate ca nisaguie' luguia guidxilayu, ne guidxilayu bidii xtale de lu ni bidxiibacabe lu layu. ¹⁹ Biche ca, pa tuuxha de laatu guiniti de lu ni dxandi, peru tuuxha gului laabe modo guibiguetabe, ²⁰ lagudi gana tutiica ni gudxigueta ti ni ma biche fuera de ra biche' lu neza xti, laa sula xquenda de lu guenda guti, ne nga guxhia xtale guenda ruche' xtibe.