¹ ¿De para seeda ca guenda que rutagu dxidxa ne ca guenda ridinde didxa xtitu pue? ¿Jñe cadi riasa ca ni nadxaba ni rini' ique tu, ne ridinde tu ne ca ni nu' nee laatu? ² Laatu racaladxi tu ni que gapa tu. Laatu ruti tu ne riza nanda tu li que zanda gaoa tu, laatu ridinde tu ne ridinde didxa tu, laatu caaru di gapati ni ti purti caru guinaba tu ni Diuxhi. ³ Laatu rinaba tu ne que rica tu , ti purti cadi jneza rinaba tu ca ni, nexhe chaui para ganda quite si tu ca ni lu ca guenda nadxaba rica iquetu. ⁴ ¡Laatu ca ni riu' ne ni cadi xheela! ¿Jñe que gana tu de que guenda xhamigu guidxilayu di, nacani guenda ridinde ne Diuxhi? Nga runi tutiica ni gaca xhamigu guidxilayu di cayuni laaca la ni cadinde ne' Diuxhi? ⁵ ¿O laatu saca xha tude que ni ca lu xqui'chi Diuxhi cadi jneza ca' ora ca' de que espiritu ni laabe gulaqui be luguia nu nacani celoxho ne iza de racaladxi ni laanu xtalepe? ⁶ Peru Diuxhi rudi jma guenda nachaui, pur nga xqui'chi Diuxhi naa: "DIUXHI QUE RICA NI RUCHA XQUENDA NARO', PERU RUDII BE GUENDA NACHAUI NI RINDETE LAACA LAA." ⁷ Nga runi laguuna Diuxhi. Laguni uantar binidxaba ne laa suxhiiñe de laatu. ⁸ Laguidxiña Diuxhi, ne labe sadxiñe laatu. Lagusia bata na tu, laatu ca ni ma biche', Ne la gusia ladxido' to laatu ca ni de chupa animu laaca. ⁹ ¡Latiidi yuuba, la gaca lamentar ne laguuna! laguuni guenda ruxhidxi xti tu lamentu, ne guenda rieche xtitu en guenda nagundu. ¹⁰ Laguindete laaca laatu neza lu Diuxhi ne laabe sandisa be laatu. ¹¹ Cadi guini' lisa tu luguia xtobi, biche ca'. Binni ni rini' laaca luguia biichi o runi juzgar biichi, cucaa lu ley xti Diuxhi ne cayuni juzgar ley xti Diuxhi. Pa lii guni juzgar lu Ley, lii cadi cuzuuba lu didxa xti ley, laga cayaacu juez de laani. ¹² Toobi si nga nu' ni rudii ley ne juez, Laabe nga sanda gula be ne guxhia be. ¿Tu naaca lu lii ni runi jugar lu ni dxaagalu? ¹³ Laguca diaga, laatu ca ni rini': "Yanadxi o guixhi laadu siudu guidxi ro' di ne siu du raca ti iza, ne suni du negocio, ne sabeedu bidxichi." ¹⁴ ¿Tu laa nana xhi chi gaca guixhi, ne xhinga naca guenda nabani xtilu ra tidi guira? Ti purti lii naca lu casi ti gubaa ni rihuini ti rati si ne oraca riniti lu, ¹⁵ Laga nga, laatu naquiiñe niniitu: "Pa señor gudii lugar, laadu sapa du guenda nabani ne laadu suni du ndi o ndica." ¹⁶ Peru yana laatu rini' tu de ca ni chi guni tu. Guenda rini si ca na dxaba ni. ¹⁷ Nga runi, ni nana guni ni jneza ne que runi ni, para laabe nacani guenda ruche.