¹ Santiagu, ti siervu xti Diuxhi ne xti Señor Jesucristu, para ca chii ne chupa nda binni zaa de Israel ni reche ndase ca, padiuxhi. ² La guica guira ni ne guenda nayeche', biche ca, ora tiidi tu lu xtale nagana, ³ gana ca tu, ra chu' bia guenda runi cre' xtitu, seda gudii ni laatu xttipa para que guidxagatu. ⁴ La gudii de que guenda que ridxaga ca gunduxhe xiiña. para guizaa gaca tu ni biniizi, ne cadi guiadxa gaxti laatu. ⁵ Peru pa tuuxha de laatu caquiiñe guenda nu' xpiani, guinaaba ni tobi lucha ni rudi ni, Diuxhi, ne guenda nachahui ne sin guenda rugu queja para guira ni guinaba ni, ne Diuxhi sudii ni laa. ⁶ Peru la guinaba ni lu guenda runi cre', sin guenda riu xhizaa, ti purti ni riu xhizaa seda gaca casi ti ola xti nisa do', bii ri ne' laa ne rigu bi laa. ⁷ Peru binni ca cadi naquiñe guini' ique de que de que saca' ni gunaba Señor; ⁸ Laabe nacabe ti binni de chupa gana, ni cadi nu' chahui lu guira neza xti. ⁹ Bichi nu pobre, naquiiñe guchaa guenda naro' xti pur nu ra nazo, ¹⁰ Laga bichinu ni naca ricu lu guenda nachahui xti, ti purti laa sati casi cabti guie' rati ndani layu. ¹¹ Gubidxa riasa ne ti guenda nanda ni ruzaquine ruchuidxi la yaga huini, ne guie' riaba ne guenda sicaru xti rati. Saca ca ca binni ricu saniti lu ca galahui de guira ni runi ca' ¹² Chu' ndaya hombre ni guni huantar ca guenda nagana, ti purti tiidi si be ra nagana, laabe saca be ti la'pa de guenda nabani, ni ma guta saca ca ca ni nadxi ca Diuxhi. ¹³ Guiruti naquiiñe guini' ora ora cuquiinde cabe laa: "Guenda ruquiinde di zeeda ni de Diuxhi", ti purti Diuxhi pe' que ruquiinde di ni cadi jneza laa, ne Diuxhi laaca laa que ruquiinde guiruti. ¹⁴ Guira binni ruquiinde laaca ca cosa dxaba ni riu ladxi laa, ca ndi rigubayu ca laabe, ne rixhubiyu ca laabe fuera. ¹⁵ Oraca ca guenda ruche ni rica ique be, racaxhiiñi ca, rale guenda ruche' ne, huidxe si ora guinizi cahui guenda ruche ca, reda gudii ni guenda guti. ¹⁶ Cadi quite tu laatu, biche ni nadxie' ca. ¹⁷ Guira ni guenda rusigade, ne guira guenda rusigade ni xnezape' zeeda ca de luguia', sedayete ca de bixhooze biaani. Laabe que rucha be casi ca bandaa ni rucha. ¹⁸ Diuxhi gulii gudii laanu guenda nabani pur didxa ni dxandi, para saca laanu ganda gaca nu casi ca prime cuananaxhi lade ca ni bizaa be. ¹⁹ Laatu runibia' tu ca ndi, biche ni nadxie ca. Guira hombre naquiñe gaca nagueenda para gucaa diaga, nanene para guini, ne nanene para idxiichi, ²⁰ ti purtu xhiana xti hombre que runi di ni dxiiña lu Justicia xti Diuxhi. ²¹ Nga runi, lacuee guira guenda namucu xti guenda ruche' ne guenda nadxaba nu de guira ladu, ne guenda nachahui la guica didxa ni ma guta, ni laa zanda gula xquenda tu. ²² Laguzuuba xtidxa Diuxhi, cadi guca diaga si tu ni, cadi quite tu laaca laatu. ²³ Ti purti pa tutiica guca diaga xtidxa Diuxhi ne que gini ni la?, naca casi to hombre ni ruyadxi chahui lu' lu ti espeju. ²⁴ Laabe ruyadxi chahui be lu be, ne nagueenda ruzianda be xhi modo rihuiini. ²⁵ peru ca binni ni ruyadxi chahui Ley xti Diuxhi ni gaxti cayadxa laa, ley ni ruxhaague ni liibi, ne pa guni segiur ru be guzuuba be didxa xti; cadi naca si be ti ti ni runa diaga ne ruzianda, hombre di ziu ndaya lu ni runi. ²⁶ Pa tuuxha rini' ique laca laa de que naca ti religioso, peru que rucueza ludxi, laabe caguite be ladxido' be, ne religion xtibe que iquiiñe. ²⁷ Religion naya guie' ne que rixhia neza lu Diuxhi bixhoze nu nga ndi: guenda racane ni que gapa jña ne bixhoze, ne ca guna ma guti xheela ca, lu ca guenda nagana xti ca, ne guenda rapa laaca la de ca cosa dxaba xti guidxilayu'.