¹ Biche ca', cadi guni tu jma pur cadxi binni lu lá guenda runi cre' xti Señor Jesucristi xtinu. Señor de guendanandxo'. ² Pa tuuxha chu' na nu' lisa' tu ca na aiu de oro ne nacu lari sicaru, ne laca chu ti hombre pobre nacu lari mucu, ³ ne guiza ladxi lu binni ni nacu lari sicaru que ne guini' lu: "canaba lii, guri rari, ti lugar galan," peru raabu hombre pobre que: lii la? bizuhua nezarica" o "Guri xha ñée," ⁴ ¿cadi cayunitu juiciu laaca laade tu, ne cadi cayacatu juez ne guenda rica ique nadxaba? ⁵ Laguca diaga, biche ni nadxie ca, ¿Cadigulii Diuxhi ca pobre xti guidxilayu para gaca ricu lu guenda runi cre' ne guiana ne ca reinu ni Diuxhi guni' saca ca ni nadxi laa? ⁶ ¡Peru laatu ma bizitui tu lu pobre! ¿Cadi ricu nga ni riguie laacabe, ne laaca nga rixhubiyu laacabe neza lu tribunal? ⁷ ¿Jñe cadi ruca lu ca ricu lá ni nachahui ni gulidxi laacabe? ⁸ Huaxha, pa lii guni lu ni na Ley ni dxandi, casi ca lu ca xqui'chi Diuxhi: "ZANAXHII LU BIICHI LU CASI CA LAACA LII." neza cayu' nu. ⁹ Peru pa lii cayunu jma pur cadxi binni, lii cayunu guenda ruche, naca lu ti ni napa donda pur ley casi ti gubaana. ¹⁰ Ni ruzuba didxa interu naca ley, peru rirenda ru ñe lu ti puntu si, ndi naca ndi dxiba donda ique pur guindaa interu naca ley! ¹¹ Ti purti Diuxhi ni guni': "Que ziu neu ni cadi xheela lu" laaca laa guni': "QUE ZUUTI LU." Pa li que riu neu ni cadi xheela lu, peru ruti lu, ma gundaa lu ley xti Diuxhi. ¹² Ti purti, rini' ne ruzuuba didxa casi ca ni nu ca gaxa de gaca juzgar ca pur ley ni ruxhague li liibi. ¹³ Ti purti seeda juiciu sin guenda ria' para ca ni que hua lui' ca guenda ria'. ¡Guenda ria' ruguiñe luguia Juiciu! ¹⁴ ¿Hi galan naca ndi, biche ca, pa tuuxha rini' napa guenda runi cre', pero que runi dxiiña? ¿zanda guenda runi cre' si ca gula laabe? ¹⁵ Pa ti biichi o ti bizaana caquiiñe laari ne guenda ro' guira dxi, ¹⁶ ne tobi de laatu gaabi laabe: "Guye ne guenda rata dxi, bidxaa' ne bicha ndanu," peru que gudii labe ni caquiiñe xcuerpu be, ¿Xhi jneza nu lu ndi? ¹⁷ Sacaca guendsa rui cre' pur laasi, pa que gapa dxiiña,ma guti ni. ¹⁸ Ca saca tuuxha zani': " lii napa lu guenda runi cre' ne naa napa dxiiña." biziidi na guenda runi cre' xtilu sin dxiiña ca, ne naa suziide lii guenda runi cre' xtine pur dxiiña. ¹⁹ Laatu runi cre' tu de que tobi si Diuxhi nu'. Peru ca binidxaba laca runi cre' ca nga ne racaditi ca. ²⁰ ¿Jñe napa tu gana gaana tu hombre que runa ca', xhi modo nga guenda runi cre' ni que runi dxiiña que iquiiñe? ²¹ ¿Cadi guca Abraham bixhoze gola nu, ti ni bixhia xtonda pur ca dxiiña ora laabe bidiibe Isaac, xhiiñi be lu altar que? ²² Lii biiya lu guenda runi cre' biini dxiiña ne ca ni biini be, ne pur guenda runi cre' xtibe bigaanda be ni gulaqui Diuxhi para laabe. ²³ Ca gui'chi ni gucua bizaaca ca ni ora ná: ABRAHAM BINI CRE' DIUXHI, NE GUCUA DIUXHI NI CASI NI JNEZA." Ne Abraham gudxi cabe laa xhamigu Diuxhi. ²⁴ ruuya tu laatu de que pur ni biini ti hombre bixhia xtonda, ne cadi pur bini cre' si. ²⁵ Ne sacaca ¿Cadi guca Rahab xha guna sacazi ni bixhia xtonda, ora laa bichaga lu ca ni si gundachi ne biseenda be laaca xti neza? ²⁶ Ti purti casi ca cuerpu, suxhale de espiritu naca gueetu, sacaca guenda runi cre' suxhaale de dxiña naca guetu.