¹ Pur ndi la?, lanu napa xhidé gucadiaga chahui'nu jma ni ma bica diaganu, ti ma cadi guixhalenu de lani. ² Pur ti pa ca diidxa ni guni ca Ángel di biasicani la? ne cada guenda ruché ne guenda que ruuna zacaa' ti guenda nana ³ ¿ximodo zanda guxooñe lunu de que guenda nana pa que cazaladxinu' ti guenda rilá naro'ba? Guenda rila di ni nirú guni Señor ne ni bidii xtiidxa cabe ladu de ca ni binadiaga cani. ⁴ Ne zaqueca Diuxi bidi diidxa de la cani pur ni bizihuinibe, ne xtale guenda ridxagaya', ne xtale ni labe binibe, ne bichechebe ca guenda xti Espiritu Santo ximodo labe gucaladxi be gunibe. ⁵ Pur ti cadi ca Ángel nga gulú Diuxi guni mandar guidxilayú ni nacubi gueda ca', de ni caníinu di' ⁶ Peru huaxha tobi ra nu que guni ne na': "¿TU NACA HOMBRE, PARA GUIETENALADXI LU DE LAA? ¿O TI XHIÑI HOMBRE, PARA CHUU LU XIZÁ DE LAA? ⁷ LI BINU HOMBRE TUDXI SI HUAXHIE' QUE CA ÁNGEL; BIDXIBALU LA'PA' DE GUENDA NANDXO' NE GUENDA RISACA IQUE. NE BIDI LU LA GUNI MANDAR GUIRA NI NU XHAÑE". ⁸ Ti purti Diuxi nga bidi Cristu lugar guni be mandar guira xhixhe. Diuxi que nusani di gaxti sin que guni mandar be. Huaxha yana lanu, que huayuyadinu guni be mandar guira xhixhéca ndi. ⁹ Peru lanu ruyanu ni guca huaxhie que ca Ángel, pur huaxhue dxi, Jesús, ni guuni yu'ba' ne guendaguti gudxiba la'pa' de guenda nandxo' ne guenda risaca ique. Ne yana la?, pur guenda nachahui xti Diuxi. Laabe ma gutibe pur guira xhixhé binni guidxilayú. ¹⁰ Pur ti zaca guna Diuxi gacani, pur ti guiraxhixhe nucani para Labe ne pur Labe, ti zaca guidxiña xtale xhiñibe lu guenda nandxo'. Gupa xide bizabe pur ca yu'ba' Xtibe. ¹¹ Pur ti guiropa cabe, Ni runi nandxo' ne cani nandxo', ngueca si Bixoozeca. Nga runi que rituidi lube gabibe laca bicheca. ¹² Labe rinibe: "NAA ZUCA RIDXI LAALU RA NU CA BICHE; NE SUNDA DE LII NDANI YU'DU" ¹³ Ne xti tirú: "NAA SUNE CREE LABE" ne xti tirú: "LAGUYA, RARI NUA NE CA XHIÑE NI DIUXI MA BIDI NAA". ¹⁴ Nga runi, dede ca xhiiñi Diuxhi napaca ngueca hrini ne beela ladi ca casi binni guidxilayu, Jesús laca gucabe binni guidxilayú, ti zaca pur guenda guti Xtibe labe guxhuxhebe ni gapa guenda runi mandar xti guenda guti, ndinga binidxaba'. ¹⁵ Guca ndi ti ganda gulabe GUIRAXHIXHE ca, ca ni gúni guenda guti, bibaani ca guidubi xquenda nabanica liibi ca. ¹⁶ Ne dxandi, ca di pur ca ángel nga nube xizá; jma nube xizá de ca ni zaa de Abraham. ¹⁷ Pur nga la? gupa xhide gacabe casi ca bichibe de guira xhixhe modo, ti zaca ganda gacabe sacerdote gola', guendaria' xtobi, ne que ruche' ne ca ni naca xtii Diuxi, ti zaca guedanebe ne laabe guenda ruxhia' xtonda xti guira xhixhe binni. ¹⁸ Pur ti Jesús pe nga gudidi yu'ba' ne biquiinde' cabe laa , labe nga zanda gacanebe ca ni cuquiinde cabe laaca.