¹ Yana Espiritu naya guie' cani' de que cadxi gueedaru que xtale binni zusaana guenda runi cre, ne zazaa ladxi cabe ca Espiritu ni cadi dxandi ne ca ni cusiidi ca binidxaba, ² lu guenda rusiguii de ni rini ti cosa ne runi xtobi. Laaca xquendabiani cabe zaca seña. ³ Laacabe que zana cabe chu' guenda richagana ne guenda rica guenda ro' ni Diuxi bizaa para guinda ne gudiini xcadi ne guenda rudi xquixhe lade ca ni ma runi cre' ne ca ni ma runibia' ni dxandi. ⁴ Ti purti guira ni bizaa diuxhi naca sicaru. Gaxti di de ni guicaanu ne guenda rudi xquixhe que zaca na. ⁵ Ti purti ma guyu ndayani pur xtida Diuxi ne pur guenda rini' ne Diuxi. ⁶ Pa lii guchiña lu ca ndi neza lu ca biichu, saca lu ti siervu xti Cristo ni runi jneza. Ti purti lii cadxa lu de ca didxa xti guenda runi cre, ne pur guenda riziidi jneza ni lii yenandu. ⁷ Peru cadi gicaalu didxa ni cadi jneza ni nadxii ca gunaa goola gui ca. Laga nga la? lii gatiga bizidi gaca lu nadipa lu guenda ria'. ⁸ Ti puri gaca laadi lu nadipa huaxhie riquiiñe ni, peru guenda ria izaa riquiiñe ni para ca ndi. Ne napani ni ma bizaana Diuxhi zaca para guenda bnabani di ne para guendanabani ni gueedaru. ⁹ Ca diidxa di zanda guni cre' tu ca ni, ne naca ca ni ni naquiiñe guica cabe interu naca. ¹⁰ ti purti pur ndi nga ridxelazaa nu ne runi nu dxiiña nadipa. Ti purti runi cre nu Diuxi ni nabani, ni laa naca ni bilaa guira binni, peru jma rupe ca ni ma bini cre. ¹¹ Guyui ne biziidi ca ndi. ¹² Cadi gudii lu de que guiruti guica casi ni que rizaca guenda badu ngiu stilu. Laga nga la? guca ejemplu para ca ni ma runi cre', lu diidxa, modo nacu, guenda ranaxhi, guenda runi cre' ne guenda naya. ¹³ Dede dxi naa guibigueta, bizaa ladxi lu guenda runda gui'chi guenda ruziene ne lu guenda ruziidi. ¹⁴ Cadi guzaanu de guiza ladxi lu Don ni nu luguia lu, ni lii gucua lu pur profecia, ne guenda ribaqui na xti ca ni nagola. ¹⁵ Gupa ndi. Biaana lu ca ni para ganda guira binni guuya ma caniizu. ¹⁶ Biza ladxi chahui de lii ne de ni cuziidu. Biini ru ca ndi. Ti purti ra lii guunu ndi, zula lu laaca lii ne ca ni cucaa diaga lii.