¹ Jich yu´un te ja´ate, ma me alebey yayejul, ja´at winik, ja´at te ya lik mulile, te mulil ya alike, janax ya yak´at ta k´abal. Melel te beluk ya spasike janix jich yakat spaselelu-uk. ² Jaukmeto ya jnatik stojol te k´alal ya yich´otik ta kóp te Diose ja´ ya spas te beluk smelelile yananix xch´ay ko-ela te mach´atik ma lekuk te bila spasoje. ³ Winik ayuk me ta wenta to, te mach´a ya awa-an yu´un te beluk ma lekuk ya spasike, jich nix te bit´il yakat ta spaseluke. ¿ Yu´unbal akuy te ma yich likel amul yu´un te Diose? ⁴ ¿Yu´unbal ma xtal ta ajol te ta yutsil yot´an, ma to yak´obotik kastiku, te yak smalibelotik sok slekil yotán te yakuk xtojobotik sok te yakuk jsut kot´antike? ⁵ Jaukmeto k´ax tulan te awot´an ja yu´un te maba asujto awot´anike ta swenta to yak xan toyel te kastiku te ya awich te k´alal ya sta sk´alelale, ja´ le ya yich´ ak´el ilela te stojil chap´anwanej yu´un te Diose. ⁶ Ta spisil te anst-winik jich ya yak´bey stoj te smul jich te bi yilel yat´el la spase: ⁷ te mach´a la yat´elin spasel spisil te beluk leke sok te lekuk sk´plalik mayuk bin ora ya xlaj yutsilal stukel, jich ya yak´bex kuxinel sbajt´el k´inal. ⁸ Yan te mach´atik ay sbik´tal yot´anik , k´axinte mantaletik, te ja ya xch´uunik spasel te beluk ma lekuke, ya me x-ilin yu´un te kajwaltike. ⁹ Te Diose ya me yak´tel woklajel sok mel ot´an, ta xkuxlejal te anst- winik te mach´atik spasojik te beluk ma lekuke, ja neel ya yich te Judio sok te Griego. ¹⁰ Jaukmeto te lek jkóplaltik, ich´el ta muk´; sok lamal k´inal ya xtal ta stojolik te mach´atik ya spasik te beluk leke, neel ya xjul ta stojol te Judio sok te Griego. ¹¹ Mayuk mach´a ya yuts´in te Diose. ¹² Te mach´atik yak´o smulik yu´un te maba yayoj stojol te mantalile janix jich ya ch´ayik koelu-uk, yan te mach´atik yayojik stojole ja´ me ya x-ak´otik ta K´abal yu´un te mantalile. ¹³ Melel ma jauk te mach´a ya yaiy stojol te mantalile toj ta sit te Diose. Janax te mach´a ya xch´uun spasel te mantalile ya yich ik´el yu´un. ¹⁴ Te yan lum te ma yijch´o te mantalile, ya spasiku-uk te beluk ya yal te mantalile, ta skaj te ay ta yot´anike, manchukme ma yich´ojika-a te mantalile. ¹⁵ Jich´ya yak´ik ta ilel te beluk ya skan yich´ pasel yu´un te mantalil te ts´ibubil ta yot´anik. Jich ya sna tsajtebel sba stukelik, melel te snopjibal yu´unike ja´ya xalbot yu´un teme ma lekuk sok teme lek te beluk ya spasike. ¹⁶ Sok nix te Diose, ya me xk´ot ta pasel te ya sta sk´alel xchajp´anwan te Dios. Spisil te beluk smuko ta yot´an te ants-winike, jich te bit´il ya yal te lekil yach´il k´ope, ta swenta te Jesucristo. ¹⁷ Yan teme jaat ya awalaba te Judioate, sok teme ja´yip awot´an te mantalile, sok te me atoyaba yu´un te anabey sba te Diose, ¹⁸ sok teme anabey te sk´anjel yot´ane, sok teme jich ya sk´an yot´an te ya sbijtesotik ta stsael te beluk mero leke. ¹⁹ Sok teme xch´uune awot´an te t´unbilat yu´un tul masit, jichat ya xk´oat te bit´il ay axojobil ta stojol te mach´atik ayik ta ik k´inale. ²⁰ Ya stak´ yich´ bijtesel te mach´a ma sk´an xch´uune, ay bijteswanej yu´un te aletike, yu´un te ay ta jwentatik te mantalile jich ya xjam te nop´jibal sok ya jnatik te beluk smelelile, jich yu´un ¿ Bin ut´il ya xchikna te yakat ta xkuxintayel ta akuxinele? ²¹ Jaat te ya awak´bey snop te yantike ¿ Ma ak´an ap´ijubtesba atukel? Jaat ya achol te ma lekuk te elek´e, ¿ya x-elk´ajatu-uk? ²² Jaat te ya awal te manchuk yayik xmulwej sok yan ants te ma yinamuke, ¿ ma bal away mulwej sok yan antsu-uk? Jaat te awilay te lok´ombaetike, ¿ ya awelk´anbey sbilukil te xch´ul sna te kajwaltike? ²³ Jaat te awaybey yutsilal te mantalile, ¿ ya xjelawat ta stojol te Diose jich ya awak´ ta ixta k´optayel te smantale? ²⁴ Jich ¨TE SBIIL TE DIOSE YA YICH´ BOL K´OPTAYEL YU´UN TE ANTS-WINIK TA AWENTAIK TE JAEXE,¨Jich te bit´il tsibubile. ²⁵ Te sirkunsisione ay bi lek ya yich ta akuxinel teme ya ach´uun te mantalile, jaukmeto te me ya ak´axintey te mantale, te sirkunsision awich´oje jich k´oem te maba awich´oje ²⁶ Te mach´a ma yich´o sirkunsisione ya sk´ejbey smantal te kajwaltike, ¿ Jich k´oem ta stojol te la yich´ix te sirkunsisione? ²⁷ ¿Te mach´a ma yich´oj te sirkunsisione ja´ya yak´otik ta k´abal te me ja´ la xch´uun te mantalile?¡ Jich yu´un te ja´ awich´o te mantal ts´ibubil sok te awich´o te sirkunsisione; sok yato ak´axintey te mantalile. ²⁸ Maba nix Judioa te mach'anix ya yak´ sba ta ilela-e; ma jauk xate mach´a yich´o sirkunsision ta bay sbak´etale. ²⁹ Ja tul judio winik te te mach´anix jich yot´ane sok te sirkunsisione yich´o ay ta yot´an, ta swenta te espiritu ma jauk te beluk ts´ibubile, te mach´a jich ya yich´ta muk´to-e ma jauk lek sk´oplal yu´un te ants-winike ja´ lek sk´oplal yu´un te Diose.